屯門南延線項目建議書

ryandroid 發表於 2020-6-8 00:23
疊側式唔可以做雙月台總站吧？
除非玩到羅湖咁開閂閘或者電梯囉
港鐵應該唔會咁樣玩自己

都唔係做唔到嘅
不過安排啲客去適當月台等車都幾麻煩下
實有客唔睇指示

ryandroid 發表於 2020-6-7 23:38
西鐵未來飽和嘅問題
歸根究底係當年政府抵受唔住地區壓力入埋屯門
導致西鐵無法直達天水圍市中心而令天北 ...

分拆屯馬綫 我諗淨係港鐵已經第一個出嚟ban你
長途輕鐵一直係眼中釘 分拆完咪要加資源落去
同埋難得A16有得起上蓋 港鐵會放棄呢舊肥豬肉嗎？
再者 民間聲音對於鐵路點起其實真係有咁大影響力咩
坊間一直有聲音想屯門有條直出市區嘅鐵路 咁多年嚟 除咗人工島之外 唔見得政府有咩建議

ryandroid 發表於 2020-6-7 23:38
西鐵未來飽和嘅問題
歸根究底係當年政府抵受唔住地區壓力入埋屯門
導致西鐵無法直達天水圍市中心而令天北 ...

其實睇番網上圖片
湖景路都唔算太窄
其實如果設喺行人路+車路上面
另外一邊嘅車路可能唔駛被遮蓋

AlexLee 發表於 2020-6-8 01:36
都唔係做唔到嘅
不過安排啲客去適當月台等車都幾麻煩下
實有客唔睇指示 ...

做就實做到嘅
係值唔值得同符合成本效益je.....
實有人追唔到車要去另一層
實有人出lift先知走咗車


羅湖都仲可以落閘同分開上落月台
湖景路玩疊側式
同一個月台上落車
同一個lift 去到兩層月台
肯定到時屯碼居民都會自己玩死自己
除非佢肯將條軌伸出去海度折返分開上落月台囉
不過100%肯定ban 硬

而且側疊式都係要地面計起三層
島式月台要設架空車站大堂都係三層
俾港鐵揀應該都會揀島式
因為側疊式嘅地面車站大堂冇乜鋪位可以俾港鐵賺
但三層結構就肯定會犧牲湖景路民居嘅景觀同通風廊

任何方面去諗湖景路起屯馬綫總站都唔係good choice
反正西鐵終有一日迫爆
反正屯門碼頭兜元朗出市區嘥時間
反正屯門碼頭屯馬綫車站車費99.99%肯定會比屯門站高一級
(屯馬綫一期車費都搞到咁
屯門碼頭收貴兩三蚊真係唔奇
順便提高全月通費用更爽)
何必要大家一齊suffer攬炒呢？

以車費結構嚟講(元朗至屯門同級)
分拆西鐵及另起屯門至九龍鐵路
兩條大西北鐵路各不相干
先有機會促使港鐵/政府將兩條大西北鐵路車費下調接近返巴士水平吸客(因為車費不再包埋另一區)
咁先係元朗/屯門兩區達致雙贏、造福居民
勉強將兩區拉埋一齊根本冇幸福

AlexLee 發表於 2020-6-8 01:56
其實睇番網上圖片
湖景路都唔算太窄
其實如果設喺行人路+車路上面

最窄嗰段係東華三院辛亥年總理中學門口及仁濟醫院羅陳楚思小學門口
車路只有20米
2邊行人路及單車徑合共17米
島式月台車站結構點都要騎兩邊
除非學大圍車廠取消單車徑
但單車徑嗰邊係小學門口
會多家長接送唔適宜車站佔用行人路

ryandroid 發表於 2020-6-8 02:02
做就實做到嘅
係值唔值得同符合成本效益je.....
實有人追唔到車要去另一層

都係...

不過東大嶼規劃未明朗之前
條所謂東大嶼綫會唔會可以喺天水圍市中心/元朗工業村開始
經洪水橋
一路落番屯門南做轉乘

到時點都叫天水圍有另外一條綫出市區
不過條綫點都有排先成事
同埋出市區走綫係經東大嶼
定係行青龍頭
都應該有排坳...

he_01 發表於 2020-6-8 01:39
分拆屯馬綫 我諗淨係港鐵已經第一個出嚟ban你
長途輕鐵一直係眼中釘 分拆完咪要加資源落去
同埋難得A16有 ...

港鐵可以唔開長途輕鐵
佢唔想搞咪俾九巴開元屯跨區巴士囉
冇人迫佢死守輕鐵專區㗎喎

我冇話唔起A16站喎
分拆西鐵都可以起A16站同屯門碼頭站
唔一定用屯馬綫拉過去
再者屯馬南延綫用擁有權嘅話本來就有問題
A16 起樓都應該係政府落袋而唔係港鐵

再者只要屯門至九龍鐵路規劃得好
覆蓋全面啲
減少現時屯門西北、屯門西南及屯門東南搭輕鐵轉重鐵嘅需求
慳到嘅車不就可以用來做返長距離輕鐵嗎？
如果當年西鐵直達天水圍市中心
肯定少咗一半接駁輕鐵嘅需求
唔使天北居民搭3km 輕鐵先去到西鐵站
嗰一半車就可以集中去做跨區去屯門
屯門鐵路嘅規劃同輕鐵嘅關係亦都係同一道理
慳到嘅車亦可以幫手做跨區去元朗、天水圍

依家輕鐵帳面唔賺錢係因為啲車拎哂去做西鐵免費駁腳
當元朗同屯門分拆西鐵
既慳到輕鐵車卡減少免費駁車車程及需求
既可將元天屯區内嘅西鐵車費重回輕鐵
造返靚輕鐵盤數

ryandroid 發表於 2020-6-8 02:17
最窄嗰段係東華三院辛亥年總理中學門口及仁濟醫院羅陳楚思小學門口
車路只有20米
2邊行人路及單車徑合共1 ...

間學校個入口好似喺內街（湖昌街）？

Google 街景資料唔係好詳細
但係湖景路向學校嗰邊好似種曬樹
無行人路

ryandroid 發表於 2020-6-8 02:17
最窄嗰段係東華三院辛亥年總理中學門口及仁濟醫院羅陳楚思小學門口
車路只有20米
2邊行人路及單車徑合共1 ...

然後又番到去一個問題度
就係到底TUM-A16嘅距離係咪真係唔夠路軌落斜到地底
令A16出站後可以喺安全距離下穿屯門河？

其實借用部分屯門公園用地
用顯徑-獅子山隧道入口嗰隻全密封隧道+出面綠化
應該可以減低對公園/附近景觀嘅影響

AlexLee 發表於 2020-6-8 02:28
都係...

不過東大嶼規劃未明朗之前

唔爭在講埋
(細節唔多講了，呢度太多人奉政府文件為規劃嘅金科玉律)
俾我FF嘅話
會屯門區做Y 型
一條屯門西北經屯門/A16
一條小冷水經屯碼/(屯碼+A16)
經掃管笏、深井後直達青衣西、西衣南直達南昌
然後經亞皆老街去東九龍CBD(非觀塘山)

屯門新鐵路做Y 型係預留其中一個分支落欣澳、東大嶼及港島
以掃管笏為東九綫CBD及東大嶼綫嘅轉乘站
東九綫CBD飛荃灣改經青衣西南係因為擴大鐵路網絡去拉客

元朗、天水圍、元朗南、洪水橋、錦田南及新田鄉未來總人口多達近百萬
屯門新市鎮加16區、望后石、掃管笏、深井都應該只係得八十萬
拎埋青衣西南多十幾萬人口就可以有本錢做少於3分鐘一班嘅服務

屯門去荃灣搭返巴士
無論價錢、網絡都優勝過鐵路
所以冇必要執著起屯荃鐵路
經青衣西南去南昌更快捷出九龍之餘
免去荃灣冇位伸延去九龍嘅問題

田二少熟鐵路
所以都知屯門係應該直接要起屯九鐵路
問題係佢之前係荃灣區議員
佢冇得propose 屯九鐵路唔經荃灣

至於其他議員
都係算吧啦
我都冇咩眼睇
我都係潛返水先