路線968X策略性加強服務建議

brianso198 發表於 2020-6-6 12:22
銅鑼灣特快夾埋東區做，多客的話又要勁加車搞到另一條968但最慘行車時間長又唔可以將車放喺最需要嘅地方。 ...

嗱嗱嗱，A12係要由西灣河碌到中環，唔係天后走人，仲要入大坑，對頭尾段客嚟講，車程絕對唔合理。坐過鴨仔就知，初期嘅A12，港島段冇一個鐘都要九個字...


但係我968X港島段只係半個鐘到，唔兜，銅鑼灣就走人，而且有銅鑼灣客倉，客量點都有保證，全日單靠東區其實好危險。


下繁我都有開繞道特班，我都明下繁怡和街會塞車... 但係其他時間，行繞道太進取，有需要做埋銅鑼灣。


就算唔行全程繞道，即係無可避免都要做中環或者西區，甚至兩樣都做，其實比起行天后銅鑼灣又會快幾多？


策略而言，盡搶銅鑼灣特快客，比起中環執雞，其實效果好好多。中環執雞極其量都係幫手分流968，但係做銅鑼灣特快，係可以搶到一批回流客返嚟。


如果268B假日CUT得(我同意嘅)，平日呢？我條線唔係假日限定...


我期望呢條線有雙向客源，唔係淨係畀九龍新界用，公平原則應該大家都要抽車做。968就一定要，東區邊度抽仲未諗到。


筲箕灣柴小唔係做唔過，但係策略而言，呢啲地方分佈太散，要做曬已經起碼用四五個字，好唔化算... 我期望半個鐘到可以做完港島段上路，而且要夠客。

Busmtr 發表於 2020-6-6 13:53
嗱嗱嗱，A12係要由西灣河碌到中環，唔係天后走人，仲要入大坑，對頭尾段客嚟講，車程絕對唔合理。坐過鴨 ...

當年A12就係由頭碌到尾，你架968X唔停中環又點？

仲有，968X平日根本唔需要全日，我又唔明點解一定要星期一至日全日先得。中上環觀感上順路得來唔會大幅影響行車時間，但銅鑼灣呢？高士威道內告塞車無定時，灣仔又係咁。
點會好過行中上環執雞？

灣仔銅鑼灣特快只有北行做得過，南行自從林士街天橋封咗已經無一個方法又快又穩定，唔好同我講走去行繞道灣仔出再搵路去銅鑼灣。
呢啲得兩個結果，一個就係銅鑼灣停太邊皮原本968啲殺食位做唔到，一係塞燈塞到968都快過佢。

另，以968資源根本係夠拆兩條線，無需整色整水搞條西灣河碌到尾嘅968X做呢啲嘢。

brianso198 發表於 2020-6-6 14:42
當年A12就係由頭碌到尾，你架968X唔停中環又點？

仲有，968X平日根本唔需要全日，我又唔明點解一定要星期 ...

你用A12西灣河碌到中環，同我港島段銅鑼灣走人嘅968X比，然後得出結論：西灣河會投訴車程慢，呢個比喻唔恰當。


正如我之前都講咗，968X做嘅功能，唔只係元朗↔東區+銅鑼灣特快。策略上而言，968X經兩個轉車站：大欖同西隧，間接做埋以下功能：


天水圍↔銅鑼灣特快
天水圍↔東區
荃灣↔銅鑼灣特快
荃灣↔東區
葵涌↔銅鑼灣特快
葵涌↔東區
屯門↔銅鑼灣特快
屯門↔東區
西九填海區↔銅鑼灣特快
西九填海區↔東區
北區↔銅鑼灣特快
北區↔東區


有咗呢堆轉乘客，再加埋本身元朗來往港島嘅龐大需求，968X有潛力做全日。只係全日一條線，但係做咗超過一條線嘅功能，其實係非常化算。


要抗衡港鐵網絡不斷擴張，只有轉乘網絡擴展，並且將一大堆乘客提速，盡吸回流客，先係未來要做嘅市場。尤其九巴唔少西隧線都係灣仔就收工，968X正正可以幫到呢班人，覆蓋擴展至銅鑼灣至西灣河。


南行我嘅行法就係用繞道灣仔北出口 ，經告士打道去告士打道維園個站，而我唔明咁嘅辦法有咩問題。咁嘅辦法已經可以最快做到銅鑼灣，而我都要兼顧東區嘅車程。有競爭力嘅車程，即使落車位置未係最就腳，但係已經足以彌補。


告士打道維園行返去sogo只係5分鐘，307都話畀我哋聽，就算巴士站位置唔係食正最旺，但係只要車程吸引，仍然可以吸客。


968拆線我唔係冇諗過，係怕拆完之後，兩條線都會疏，又有人反對。我以前係打算北角至灣仔一條，金鐘至上環一條。


但係東區暫時只有北角同太古做得過，咁樣拆就會做唔到太古，其實幾可惜，但係又唔可能為咗太古專登開多條線...
最簡單直接折衷辦法，就係將北角銅鑼灣線伸延到西灣河，做埋太古，西灣河係bonus

Busmtr 發表於 2020-6-6 22:15
你用A12西灣河碌到中環，同我港島段銅鑼灣走人嘅968X比，然後得出結論：西灣河會投訴車程慢，呢個比喻唔 ...

18X西灣河咪一樣話慢

Busmtr 發表於 2020-6-6 22:15
你用A12西灣河碌到中環，同我港島段銅鑼灣走人嘅968X比，然後得出結論：西灣河會投訴車程慢，呢個比喻唔 ...

點會唔恰當，事實係慢。A12你可以賴西環，但灣仔北塞埋站夠玩成條線。968X仲要經咁多高度塞車風險嘅路段更加唔會行得好。

就算你銅鑼灣行得快又點？一個高士威道唔知乜時間塞乜影響968X班次都唔知邊個救。

東行灣仔北出口有個好大問題係一去到灣碼個十字路口支燈一個唔好彩會搞到食勁多時間，
繁忙時間就算968沿線識塞，新968X一樣識塞車。我唔明點解你哋班人咁鍾意用呢個出口。

就算維園行過去近又點？咁嘅行車狀況同班次係唔會吸引到人用。

另，而家968南行由上環去銅鑼灣時間根本唔算慢。

反而北行先值得進行分拆。
968資源事實上係可以一拆二，而銅鑼灣線畀到兩三個字一班肯定好過一條30分班嘅線，仲要由西灣河行到尾嘅巴士線做囉。

北行對銅鑼灣客來講行金鐘中上環係比南行耐。

qunow 發表於 2020-6-6 22:57
18X西灣河咪一樣話慢

你用元朗同堅尼地城比errr...

Busmtr 發表於 2020-6-7 11:24
你用元朗同堅尼地城比errr...

西灣河班人嫌18X慢，唔可以嫌呢條線慢？

雖然968X全日的話兜北角東不能避免，而新界線兜多啲地方係應該，但唔代表兜到銅鑼灣搞到頭尾不均係合理。
做銅鑼灣就應該由968拆線做，唔係叫果條968X全日搭單做埋。

brianso198 發表於 2020-6-7 12:01
西灣河班人嫌18X慢，唔可以嫌呢條線慢？

雖然968X全日的話兜北角東不能避免，而新界線兜多啲地方係應該， ...

若果建議開全日線，我建議開通荃灣東區全日巴士線