巴士公司應該放棄遊客市場？

巴士公司應該放棄遊客市場？


《逃犯條例》修訂風波引致嘅警民衝突，重創香港旅遊業。8月旅遊旺季比起上年少咗接近一半遊客，跌幅非常恐怖。大家心水清都知，香港政治問題唔會短期內搞掂。短就幾年，長嘅可能幾十年，甚至永遠都返唔到轉頭...


今年仲要殺個武漢肺炎，經營情況雪上加霜。而且觀乎疫情走勢，相信要回復到以前水平，起碼都要過埋今年。但係我相信全球經濟環境轉差，好多人消費力會削減唔少，肯定會少咗人旅遊。經濟週期嚟講，復甦階段肯定非常漫長復甦階段期間，亦相信會繼續有唔同嘅社會衝突，影響香港安全，削減遊客對香港治安嘅信心。


香港政治問題，加埋全球經濟疲弱兩個因素夾擊，香港做旅遊已經搵唔到食，海洋公園已經完美演繹緊。


長痛不如短痛，睇返香港旅遊業未來嘅趨勢，策略上巴士公司應該減少遊客線生意嘅投資。包括：


● 停辦所有以遊客為主要市場嘅路線(機場/口岸車除外)
● 放棄以新資源開拓機場巴士網絡


人力車營運狀況係點大家都有眼睇，唔敢話佢蝕大錢，但係舊年6月之前客量都唔理想...而上述兩個因素夾擊，我真係見唔到人力車呢個品牌，以及15支線、629喺未來會有咩曙光。


其實可以學下對面海6號，用現成嘅路線包裝成旅遊路線，例如可以包裝26 260 973...幫幾部巴士上個自家廣告，再加啲宣傳。總好過人力車復辦後，日日嘥幾部車蝕錢。人力車品牌同其他 港島遊客線，係時候要步入歷史。


未來可以預見機場同港珠澳使用量都唔會有大幅上升，唔需要亦唔應該再投放新資源做A車生意。


巴士公司大把蝕錢生意，但係同時都要履行社會責任，維持市民日常出行。但係遊客線唔同，冇社會責任嘅包袱。策略上，呢類路線最應該取消，盡可能減少對遊客嘅未來投資，先可以達到最理想嘅節流效果。

唔好唔記得一大部分塔機場巴士嘅人係香港人

louis2018 發表於 2020-6-6 21:25
唔好唔記得一大部分塔機場巴士嘅人係香港人

我同意。只係觀乎全球旅遊業發展，即使係香港人，來往機場的需求，未來都唔見得會有特別大增長。唔值得繼續投資，用新資源開新線，現有資源調配已經好足夠。

咁郊遊路線是否在「遊客市場」之列?

唔需要亦唔應該再投放新資源做A車生意。

長遠係要拉返近A/E線票價差距

建議未來祗准E線逐步加價到
達到同區A線的80%,因為A線根本
有啲case快唔到15分鐘,無社會衝突/
武肺都抽走E線資源但又A線價都回本
有困難(例如E41 vs A47X廣福邨到青馬
收費廣場呢對站,有時後者更慢)

A線亦不妨轉型為機場員接送,
夾返適當班次起始為後勤區兼提供
顯著嘅折扣,主要係龍運嗰邊日間A線
員工價少得可憐,近日A線縮到仲疏過
E線,城巴更有A線暫停服務,龍城著眼於
貴價線係必然,但無旅業寒冬,有啲機場開出
頭班車都頗晏,亦以青馬轉乘當係應付咗訴求,
既然轉乘已收A線價,如A43北區得A線嘅情況

就唔該抽返部分班次入東涌/後勤區
好多時喺呢啲地方要再搭一程,加埋佢
所謂S64轉乘咪要3程車囉,做唔到無縫
轉車,第日屯元天大量E線離開青馬就更
有迫切性考慮呢個問題。

完全唔關政治事囉，而係近呢十年大部份來港遊客
都係上面落黎以買日用品或買名牌為主既人
一係去上水，一係去老銅逛下就走
如果係旅行團就更加唔會去坐巴士啦
只有好少數外國遊客係以觀光為主
呢一刻無得外遊，就應該投入資源搞遠足路線，其實九巴都做緊

106116_1023 發表於 2020-6-6 21:47
呢一刻無得外遊，就應該投入資源搞遠足路線，其實九巴都做緊

假日派車無咁緊張
除非要行啲較狹窄嘅路
要特定派車就稍有難度
遠足為主嘅路線好少要拗
邊度抽車嘅問題,夠客自然會開辦/加班
呢排部分郊遊線星期六都有係德政。

kitarolo 發表於 2020-6-6 22:20
假日派車無咁緊張
除非要行啲較狹窄嘅路
要特定派車就稍有難度

但反而275R呢啲無替代（不考慮極疏車20R）嘅路線星期六就唔開....

其實除咗人力車，15，各大口岸及水貨線，我又唔覺得香港巴士係主力做遊客生意。????

如果計遊客比重,應該天星最多

不過城巴A/E線夾埋一年賺1億,呢1億無左,真係好大影響

長遠或者真係要政府出手打救呢個行業,或者好似小巴咁,比MTR搶客個別退出市場

kitarolo 發表於 2020-6-6 21:43
咁郊遊路線是否在「遊客市場」之列?

郊遊路線我唔會歸類做「遊客市場」，原因係郊遊線以香港人佔多，而我所講嘅兩個因素，都唔會影響香港人郊遊嘅意欲。我所指嘅遊客市場，係指以非香港居民為主要客源嘅路線。


E線加價唔可能，畢竟東涌自己都住咗唔少人，仲有一大班機場從業員，都係搭E車返工... 仲有條東涌線爭客，加價咪即係送客畀人。


當初畀E線入客運大樓其實已經係錯誤，未來其實應該諗方法畀E線逐步撤離客運大樓，同時有A E車嘅地區優先。要用E車價錢入客運大樓就焗人轉S車，希望A車吸到呢班回流客...


有冇人肯用A車價錢入東涌，我有保留。但係入後勤區可以以特別班次做埋