608脫班

石頭 發表於 2020-6-18 00:40
其實沐寧街係會打通去天寰條路，

608路線有寫沐寧街有站，然後順路去天寰，

咩叫沐寧街係會打通去天寰條路？望住幅地圖都唔明你講乜

dennis28a 發表於 2020-6-19 00:16
兩件事，唔係飛，而係精簡行法。
既然兩繁有客，無必要一條 608 做晒全部野去送死？

608 搶極都搶唔晒 606 班客，只要 606 飛起鰂魚涌太古城，改為直出西灣河上耀東，就可以搶盡九龍灣來往鰂魚涌客源了

不過我肯定會有人走出來話觀塘道往來鰂魚涌有需要左擁地鐵右擁 606，好需要有條行車時間唔太慢既 606 分擔

不過咁，608 明明主要做中間一段路既乘客（鰂魚涌太古往來九龍灣同啟麗晴朗），嫌頭尾慢就要飛起中間一段，但頭尾段仲有其他選擇；606 都係因為頭尾太慢所以客源主要係中間果一段，但就唔飛得，然後就老屈頭尾段無客，由得 606 一條做晒全部野去送死就算。但明明地鐵同紅小都唔入小西灣

真係雙重標準到一個點

2076 發表於 2020-6-19 17:19
試過608 EMAX去太古坊只需15分鐘車程，肯定車程上贏哂
但係班次不足搞到EMAX下繁上唔到車就真係倒客走 ...

其實下繁觀繞都係撞手神

好似星期三咁 一路暢通去到隧道口先塞又得
落雨就可以由油站開始慢流到藍田又得

不過咁講 下繁608就算要睇運氣都會舒服過行上德福搭鐵
但事實係EMAX下繁間中都要留後 城巴其實都要諗諗計..

hokachung 發表於 2020-6-19 20:23
咩叫沐寧街係會打通去天寰條路？望住幅地圖都唔明你講乜

(取自城規會圖則)

其實我想講 從頭到尾根本冇講過沐泰街會連過去沐寧街
兩個迴旋處以後都係隔住條河
啟德道路網本身設計就係咁垃圾

S3BL100 發表於 2020-6-19 23:49
608 搶極都搶唔晒 606 班客，只要 606 飛起鰂魚涌太古城，改為直出西灣河上耀東，就可以搶盡九龍灣來往鰂 ...

你諗法根本冇變過, 當你搭多幾次606全程, 你就會覺得呢條線好神奇, 用一條線資源, 做20分鐘一班, 可以食到唔同路段獨市流水.

就我前日星期四收工搭嗰程計, 北角過九龍坐滿九成, 東隧口-裕民坊落左七成, 再上左幾個, 剩低一兩成牛頭角站 觀小落埋, 但同時間在裕民坊-觀小上番廿幾個客去九龍灣 彩雲, 九龍灣落左十個左右, 同時又上左廿幾三十個客返彩雲, 白虹樓一站落六十幾個客.

港島耀東-柴小獨市位冇得走, 英皇道 筲箕灣道你以為咁多路線幾時輪到606分, 有時就係咁啱81 82 106 682呢啲線唔生性, 同埋區內真係多流水客見車就上, 例如南安里一堆師奶走出嚟, 架606喺南康街轉落嚟, 咁唔通唔上, 東隧口去東區醫院 小西灣, 健康村去太古城中心, 我一個禮拜搭五日, 幾乎日日(約三四日)就有人截車問司機經唔經邊度邊度, 跟住仲有下繁北角電照街過九龍, 東隧口上藍田站, 呢兩個站係班客專登等606, 佢地唔係揀擇, 亦唔係巴迷, 而係其他線想上都上唔到.

以上一段文字說明左, 606流水段並唔係冇競爭力, 時時都因為其他線唔生性(班次疏, 脫班, 拖卡, 小巴難預時間), 密密食好多$10.4/$6.1短途客你唔知.

如果淨係睇盤數去決定值唔值得拆線, 有流水客幫補+服務時間短, 冇客時段冇服務, 已經係幫咗條線止損.

若果拆線係全日生效, 以呢個世代嚟講, 全日起碼開朝六晚十一, 多咗三個鐘拆做特快, 兩條路線少左流水客, 多左潛在冇客時段, 比起現時實在有唔少流水客幫襯緊$10.4/$6.1, 而且係兩巴合營, 其中一巴名正言順踩入對家範圍甚至同小巴對撼, 睇怕畀九巴同城巴都唔會輕易放棄.

所以, 拆線理想化都要睇埋本身營運狀況, 純粹認為條線里數同車程過長就要拆線, 去體貼車長苦況, 並唔係好嘅重組方案.

假設成功改線, 606畀人感覺仍然係觀塘 牛頭角止步時, 有一樣係西灣河直出的694同小巴, 九龍灣直出的608, 改線後嘅606只係食緊呢啲路線食唔到嘅嘢, 客源仲窄過經鰂魚涌, 因為小巴客仍然搭小巴, 因為606兜耀東, 694客仍然係搭694, 因為606兜耀東, 地鐵客仍然搭地鐵, 可能人地用緊都會票, 608搶左九龍灣-鰂魚涌 太古客, 咁西灣河因為606有直出優勢, 608又搶唔晒, 反而606東隧一出嚟冇左鰂魚涌 太古$6.1分段客, 一做就係$4.8, 收入立時少左.

行耀東時間唔比直行筲箕灣道多好多, 但人心理上就係覺得兜, 即係咁講, 如果柴灣道/阿公岩道交界有路直駁耀東邨, 606唔駛落完電車路再上, 感覺上係好好多, 而耀興道筲箕灣廣場外來回行車線不順(燈位耐, 違泊), 其實改咗線唔見得快, 快只係快在執走左鰂魚涌段, 而現時606班次長期都好穩定, 最唔穩定都係九龍灣啓祥道 宏照道 常怡道(咪話我玩針對, 係我每日等車得出嚟), 相比直行筲箕灣道, 行耀興道係慢5分鐘就係5分鐘, 仲未計筲箕灣廣場外車速冇得同電車路比, 不過耀興道大部份路段飛住去, 確實追番唔少白白失去咗嘅時間.

之前已經講過, 606要改番西灣河直出唔係問題, 但係要十幾年前改經耀東後發現流失左柴小客就做, 而唔係喺鰂魚涌 太古儲落班客先嚟改番轉頭, 而家西灣河已經有694同小巴, 九龍灣有608, 改完條606流水客少左截, 生唔生死唔死咁, 班次開30都嫌多, 到時想成條線cut又唔一定cut到, 或者608因為屯馬線全通cut班, 都未輪到606拆線減班.

michlui0718 發表於 2020-6-19 02:26
今年5月初 點作準啊？就算606X依家冇客 咁都唔代表608九龍灣做唔到啦

108同606/608完全唔同概念wor

其實606X下繁主要係靠牛頭角 觀塘打爆架車, 若果九龍灣有能力打得爆, 巴士公司一定唔會放過大好機會, 開班X606停完常怡道上觀繞直出筲箕灣, 仲可以收貴606X多啲.

不過, 你前面有一句非常認同, 就係非繁606九龍灣都冇客畀608去搶, 但其實同一時段608九龍灣商貿區都係小貓三四隻.

michlui0718 發表於 2020-6-20 01:49
(取自城規會圖則)

其實我想講 從頭到尾根本冇講過沐泰街會連過去沐寧街

好老實，就算打通到都改變唔到啟德道路網垃圾呢個事實。

將來22果啲仲要兜多個圈，唉。

EX-TL 發表於 2020-6-20 02:12
你諗法根本冇變過, 當你搭多幾次606全程, 你就會覺得呢條線好神奇, 用一條線資源, 做20分鐘一班, 可以食 ...

果然如我所料，真係有版友跳出來反對 606 拆線改快

你回緊果篇文我只係討論緊 606 唔改得快但 608 就要拆線係雙重標準，我無講過我打算點拆。雖然我本版其他文章入面係有提過我心目中既做法，但實情係我心目中三個會收貨既做法入面，只係得一個係會放棄觀塘來往鰂魚涌

你長篇大論，我無興趣同時間逐點回應，但你假設緊幾樣我無假設過或者講過既野：

1. 606 拆線就一定要同時延長服務時間，做朝六晚十一
2. 我打算倒走晒所有流水客，包括九龍段同港島段內陸流水
3. 我係為左體貼車長苦況先拆線

至於 694、小巴、地鐵等所謂替代品，各自有咩盲點、606X 或者其他拆線改快方案有咩價值、滿足到咩客源，你就隻字不提，避重就輕

不過咁，如果一條線生存意義只係為左執對家流水，最需要班客就無合理服務，咁真係不做也罷。亦唔好忘記，606 一單連休兩粒鐘，一單要有 60 個全費客先可以回本。兩繁你舉出既數字當然夠數，但非繁有幾多百分比既班次去到呢個數既三分之二？

當然耀東小西灣、觀塘九龍灣往來彩雲呢兩段流水，無其他替代品，改唔到，所以任何重組方案都事必要滿足到佢地需求。但就算係觀塘區來往彩雲，亦唔係事必要用 606 去做，甚至彩雲東隧線亦唔一定要係 606 去東區，可以係其他野

如果又想食流水又想滿足特快需求，最簡單直接 606X 全日，同 606 梅花間竹各 30 分一班就可以了，藍灣跳飛機，非繁連車都唔駛加

根本而家個問題係 608 做左鰂魚涌太古來往九龍灣，搶去 606 其中一個主要客源，但因為你地堅持要做觀塘來往鰂魚涌太古，但 606 本身又有西灣河打後往來九龍灣既包袱，你地又唔願意將呢兩件事拆開處理，堅持要一條線做晒咁多野送死，所以拒絕任何改線方案，令好多更有需要既乘客不能受惠，甚至無車坐

S3BL100 發表於 2020-6-20 14:05
果然如我所料，真係有版友跳出來反對 606 拆線改快

你回緊果篇文我只係討論緊 606 唔改得快但 608 就要 ...

有時間先回, 你估真係見你「誠意邀請」就跳出嚟咩, 又唔係我做建議, 你都係當班客係玩具, 路線建議係拎嚟玩啫, 講咁多唔係要你逐點回, 調番轉我都唔鍾意逐點回人, 不過以你行文風格, 唔逐點回又好奇怪.

條線改唔改, 從來都唔係我哋喺度說了算, 即使有議員主導嘅建議, 最終都唔一定會落實, 運輸署同巴士公司有晒數據, 佢哋有佢哋嘅盤算, 唔到我哋喺度是旦噏幾句就可以成事, 如果我哋喺度講咗啲咩, 而有關方面咁啱得咁蹺認為可行, 呢度亦唔係一個正規嘅諮詢留言板, 千祈唔好睇到呢度同呢度板友嘅影響力, 大到可以影響世界.

至於九龍灣係咪如你所講608搶左606客, 上面好肉緊608嗰位板友道出左啲端倪, 唔知你又見唔見到呢, 全日即係做咩鐘數, 啲線點樣改, 全部學人玩留白, 扮冇件事, 明明一條線做得晒嘅嘢, 就話唔一定要606做, 彩雲過海又話唔一定係606做, 咩線做又唔講, 新線做定係你擅長嘅路線角色大兜亂.

小巴 地鐵 608 694嘅盲點, 就由你改完嗰條606去做, 請問你幾時有數過對手盲點, 去成就606西灣河直出係夠客呢, 改線後正線同X線各自30分鐘一班, 就係你一直以嚟最鍾意嗰樣, 拆到啲線疏一疏, 好多板友都見識過, 係, 唔同地方嘅乘客各取所需, 但有冇諗過佢唔係8H, 沿途等緊2A 77 81 82 106嘅都可以見車就上, 606唔搭就第二度見, 市區地鐵沿線邊個咁得閒企街等幾十分鐘車, 你話你喺荒郊焗等就唔同講法.

建議唔成立無需要耿耿於懷, 樓主開po係講608脫班, 你又走出嚟騎劫人哋個po, 去sell你608九龍灣搶606客嘅改路建議, 講到改完就食盡606九龍灣客, 都係嗰句: sell到識背, 而我最估唔到自己今次用到你最喜愛嘅「收入 vs 回本」去決定改唔改線呢回事.

唔好意思, 又一大堆廢話.

入返正題, 而家608脫班, 加上先前有fb page建議608晚間改行觀塘道並設站, 說明咗乜嘢, 唔知你有咩睇法?

我繼續每日搭606, 又有繼續mon實幾條鰂魚涌東隧線ETA, 睇下轉車快唔快啲嘅時候, 確實發現608早於樓主開po前已經私下減班至30分鐘以上, 呢個情況起碼5月已經出現, 而5月份起, 政府同埋私人公司已經陸續恢復work from office, 理論上九龍灣 鰂魚涌上班需求唔會比3 4月份低, 只係無論邊個時段都未回復番疫情前客量, 如果非繁客量唔係差到貼地, 一路積極畀合理班次乘客嘅城巴唔會貿然減班.

屯馬線2月14日開通第一期, 正值疫情首個高峰期, 東隧早繁過海唔塞車, 我記得當時好放心捨鐵搭606A返工, 疫情第二波高峰至4月底完結, 5月一返番工, 屋企望出去, 8點已經見到龍尾到匯景花園, 博下好似平常咁搭巴士, 八點半觀塘泳池上601(比平時八點七上606早五分鐘), 八點九都未到東隧巴士站, 到站落車轉埋682系車海返鰂魚涌遲到添.

又有一日搭671坐車頭, 入咗藍田站唔識郁, 望出去鯉魚門道啲車都係停晒喺度, 再睇埋ETA, 平時八點三停泳池班606A仲未過海, 當時已經八點九, 趁未離開藍田站我唯有跳車轉鐵, 返到office九點正, check多次ETA, 上面講嗰班606A仍然未過海, 而我跳車嗰班671, 根據里數只係剛好駛離藍田站.

極端情況一次都嫌多, 但當恆常情況越來越惡劣, 例如尋日星期五返工, 我八點三上606A, 模範邨落車剛好八點十一, 比疫情前同樣塞車的東隧, 慢左五至十分鐘, 即係話一段正常行車時間只需十二分鐘嘅路段, 早繁要預多兩倍以上去塞車, 而家早繁恆常由觀塘泳池到東隧口需時三十分鐘, 咁有新鐵路落成嘅啓德人又點會唔搭鐵, 繼續行交通日益惡化嘅東隧呢, 而608非繁客量本來就不濟, 如果608是旦一樣因素吸引, 例如走線直接, 班次頻密, 即使啓德站鐵路通車都無需憂慮乘客異心, 偏偏以上兩個因素608都冇, 只係得個平字, 對一班有錢人嚟講, 平肯定唔係決定搭唔搭一架巴士嘅首要原因.

我搵唔番早前關於608嘅討論, 有提議過608可以開早繁特班吸引啓德居民返工用, 即係盛德街開到沐安街原線, 沐安街後直出啓成街 宏天 九展上觀繞, 正班繼續經啓麗, 不入沐安街, 以啓德不斷上升的中產人口, 608啓德夠客唔難, 只係當時未有疫情, 東隧過港島亦未預見到現時般惡化.

608 302同新東出嚟嘅東隧線一樣, 東隧有咩依郁塞到上觀繞企咗喺度, 班客就係咁先, 唔似得行觀塘道 鯉魚門道, 班客可以按情況選擇要求落車轉鐵, 如果要冒住風險去搭巴士, 日日唔知幾點返到office, 由屋企直接行去地鐵站好正常, 唔知呢度有冇板友見過早繁608過模範邨後, 架12.8米得番幾個客, 我上星期某一日就見過一次, 仲諗係咪鬼車健康村起載咋!

EX-TL 發表於 2020-6-20 19:43
有時間先回, 你估真係見你「誠意邀請」就跳出嚟咩, 又唔係我做建議, 你都係當班客係玩具, 路線建議係拎嚟 ...

唔係我騎劫人地個 post 去 sell 我既建議，而係因為見到有版友雙重標準嫌 608 慢要拆兩條但同時又唔願拆 606，呢種雙重標準係有需要 call out

你既論點，最大問題係呢兩度：

1. 你證明到 606 有執 2A 77 等流水線雞既功用，但你證明唔到好有必要用 606 做呢個功能，亦證明唔到 606 每班車都事必執到好多呢D流水客，更證明唔到 606 唔做呢班仲有其他選擇既乘客，走去做一班現時無服務既乘客，唔能夠發揮更大效用，令更多人受惠之餘，又增加車費收入；

2. 你只係證明到 606 一線走天涯做晒咁多沿途流水客（包埋耀東柴小、彩雲九龍灣）係一個 solution，但證明唔到呢個係唯一方法，更證明唔到你呢個方法比起其他方法效益更高

但你就堅持要維持原狀，因為現行安排做到某D功能而拒絕用其他方法做到同樣或類近功能既可能性

好簡單，就第一點而言，606 就算拆完後減到 30 分一班，每班車執到流水客既機會亦唔見得會比而家少，尤其是港島果班，見車就上既話，咁岩有架 606 埋站，佢地都會照上

就第二點而言，畀少少提示，彩雲上屆區議會已經爭取緊有過海線去灣銅。如果佢地唔係食 606，而係擺條同樣係頹廢既 671 上去，我相信使用量會比起 606 多唔少，仲滿足埋佢地願望。671 亦可以改入九龍灣商貿區，避免同鐵路重疊，又打通九龍灣往返北炮巿場

我詳細諗住點做，為免離題同騎劫原 post，唔多講喇

但你既問題係，因為 606 有自己功能就唔想改、唔可以改。用你呢種心態，全港所有巴士重組都唔駛做

但好簡單，就算要做觀塘巿中心來往鰂魚涌太古，係咪事必要 606 一線走天涯咁去做？有 608 之後，係咪事必要觀塘巿中心拼九龍灣彩雲去鰂魚涌太古再慢碌到小西灣？本來如果可以拆線同其他野鬆綁既話，打個譬喻，觀塘巿中心後係咪可以經協和街上山去樂華，再去三彩，做鐵路同 613 既盲點？但好可惜，因為堅持要一線走天涯，606 本身要兼顧西灣河以東往來九龍灣需求，所以唔可以咁改

你發唔發覺你既堅持，令到好多更值得做、更有需要既客源做唔到？

講返 608，因為係招標線，啟業至東隧口一段尚算直路，除左跟 RPP 上繁後加停宏通街外，根本無咩空間改九龍走線。最多係唔入啟德內街，但又影響入面最想做果班客。雖則縮減往返土瓜灣馬頭圍車程，但事實係土瓜灣馬頭圍仲有其他選擇

而我亦認同東隧塞車對路線潛力有唔少影響，但又係無空間改


反而本來可以改既係港島段走線。反正暫時無筲箕灣包袱，其實如果港島段逆走，西灣河出，然後北角拉遠少少，只要做到北炮，應該都會對客量有幫助。可惜因為 608 要搶 106 606 客，606 阻頭阻勢，於是又唔可以咁改。606 一成不變，對整體重組空間既影響實在好大

而 608 今年 RPP 亦已經建議拉去筲箕灣