608 BBI係就係好用, 不過車長有時要指引乘客轉車位置, 一時間未必醒起, 例如今日如常搭城巴606去鰂魚涌, 有女乘客錯過咗東隧轉681去灣仔, 佢以為巴士站喺港島, 去到民康街問車長時, 車長醒唔起可以健康村落車過對面有722一站直達灣仔, 結果被點咗去民新街落車轉地鐵.
608有好用BBI都要各位車長記得咩站落車再行去邊度轉車先得掂.
至於話行到新光戲院先調頭返東廊過海, 先旨聲明, 我唔係608往九龍用家, 但各線兜電照街圈, 先前已經被板友插到飛起, 成日話要逆走用西灣河出入東廊較快.
行多兩個街口到書局街先調頭, 即是四個街口後先返到電照街, 82嗰段七姊妹道同健威坊後面嗰段一樣唔暢順, 經埋北角肯定會有客上, 不過都要諗埋西灣河人感受, 係咪值得改到去新光戲院咁遠先返轉頭.
再者, 以現走線行走, 繁時已經夠客.
電照街巴士站覆蓋到的客源北至海璇, 南至柏蔚山, 仲有中間的繼園街 健威花園和未來新居屋.
係, 往九龍加停港運城 新光戲院 北角匯, 雙向客源即刻大增, 但跟傳統上往九龍東巴士站在東行線, 停西行線的608很大機會被遺忘.
所以, 若有心搭608, 北角新光戲院行兩個街口去電照街巴士站已經搭到, 巴士兜多兩個街口對鰂魚涌以東乘客並唔著數, 而若九龍方向改得到, 港島方向應如何處理, 才可做到相同客源呢, 恐怕加經幅度比九龍方向更大, 惹來更大反感. |
樓主