608非繁客量討論

castanopsis 發表於 2020-6-28 04:12
Theoretically新606仍然可以拉返落彩雲
但值唔值得加一正一蛇拉落去就見仁見智，尤其彩雲班606客其實多數 ...

彩雲好大程度上係區議會文化問題

至於613，事實上秀茂坪上車並唔慢，有版友指出過朝早塞鯉魚門道/啟田道時，行碧雲道並唔慢得好多
而回程613唔使入秀明道，車程對安泰/順利更加吸引

講慢順利上619兜樂華牛頭角觀塘仲衰過613多多聲

10598C 發表於 2020-6-28 16:10
彩雲好大程度上係區議會文化問題

至於613，事實上秀茂坪上車並唔慢，有版友指出過朝早塞鯉魚門道/啟田道 ...

613望就慢，但其實兩個方向行車時間比較一致，同埋行法相對穩定。

你所講嘅619，同埋本帖嘅608，都唔係呢回事。

EX-TL 發表於 2020-6-28 15:16
垃圾嗰條係改咗上彩雲嘅671, 彩雲過海+短途客被加價, 被減班, 九龍灣商貿區-銅鑼灣 黃竹坑資源重疊, 呢個 ...

但彩雲一直以來都想要過海線去銅鑼灣，671 拉上去正好滿足佢地要求，受惠人數幾乎肯定多過受影響人數

樂華去東區沿線多客一點，我無數據證明，但我可以教大家點樣估算；重點亦唔係絕對意義上多唔多客，而係比起現有服務地區多幾多

可以睇以下幾樣野：

1. 619 正線往港島方向，樂華比起牛頭角道沿途多幾多客

2. 樂華人口對比起牛頭角道沿途人口，差別係幾多

亦唔好忘記，我上面建議既定線，唔係跟 619，而係三彩後經樂華上山，然後協和街落山，做到協和街山腰沿線唔少搭鐵唔就腳或者要駁多程車既居民

山下有鐵直接競爭，事實係 606A 而家牛頭角道沿線都執唔到幾多客；相比之下，無鐵既山腰，值搏率高好多。再計埋人口，如果有心想維持觀塘巿中心往來鰂魚涌太古既巴士服務，根本無理由唔考慮去做巴士優勢相對大好多既山腰，放棄牛頭角道沿途

EX-TL 發表於 2020-6-28 16:00
去到傾時段問題, 以A X線來回方向一齊睇, 而家點計都係城巴賺多過九巴, 即使耀東去九龍高峯係九巴食正, 假 ...

其實往九龍方向，X 線都係九巴食左一半黃金時段⋯

608睇返行車時間,天寰止步理論上最好
但問題係,啟德加啟麗,得5個選區
點樣谷客開全日線

土瓜灣九龍城又嫌608疏同慢
如果唔係港島有班人去九龍灣返工
應該都係CUT班,雖然依家已經非繁30

brianso198 發表於 2020-6-28 09:31
我覺得加乜站無所謂，最大問題係班次不穩。

原本我都覺得608可以取代606九工個功能（先唔討論606點行）

單純討論 608 班次不穩問題，好多時都係城巴計錯數自己攞黎。
好地地一條兩味線走去充大頭鬼做全日，又慳家想擺最少資源落去。

下繁嘉亨灣開車返盛德街，明知撞到東隧塞車、觀繞慢車、九龍灣內街塞埋站，有理無理返九龍只預 90 分鐘一單連休。
以下繁路況，無事無幹 608 起碼要行 75-85 分鐘，中途只要出現一單交通意外，足夠搞到盛德街脫班。
分分鐘個司機尿都痾唔切又踩返過海，無車咪由九龍灣班收工客曝曬下。

之不過咁，當一條由小西灣碌到彩雲既 606 只係預 120 分鐘去跑，608 90 分鐘精選菜單都可以未必夠跑返盛德街，我真係無眼睇。

30 分鐘時段仲精彩，城巴夠膽死 60 分鐘一單連休，來回做完去到嘉亨灣聽天由命，
中途觀繞或九龍灣整碟油菜食下，或者只係啟德有個無良司機阻街，自然過鐘又脫班。

先唔評論 608 被踢去筲箕灣係好係壞，家陣 608 兩個總站都係孤兒仔，嘉亨灣部部車都係橙色，想救都無車救。
與其話 608 去筲箕灣增加客源，倒不如當佢求其搵個黃色總站去穩定班次仲好。

paul2357paul 發表於 2020-6-28 13:53
直接擺九碼又有個問題就係港島方向少左幾個站搶116，106/P客，導致條線土瓜灣基本上唔會有客搭出去。
...

我成日都講一句說話，如果 608 做完啟德，就要搵佢走去其他區搵飯開，唔想搞咁多野 608 就要精簡路線。

608 又弊在唔夠客，城巴唔想加資源，又貪心到做齊土瓜灣、沐泰晴朗、啟麗九龍灣，日間路況又唔穩定成日過鐘。

如果大家共識係換棄土瓜灣，主力做沐泰晴朗、啟麗九龍灣，無論啟德內街定九碼求其搵位擺站，都係一個選擇。
選擇性揀時段唔好入宏照道同啟德內街，又係一個選擇。

下繁正常班次，電照街要 40 分鐘先去到天寰，加埋一程 722 駁腳，
以 608 20 分鐘一班班次，借問邊個會用 608 由中環用 BBI 返啟德？
他日屯馬綫全通係尖東轉埋車，啟德站 20-25 分鐘都去到中環金鐘。

EX-TL 發表於 2020-6-28 15:16
垃圾嗰條係改咗上彩雲嘅671, 彩雲過海+短途客被加價, 被減班, 九龍灣商貿區-銅鑼灣 黃竹坑資源重疊, 呢個 ...

問題係，行協和街等於做觀市，等同 601 和樂邨落車可以取代 619 返裕民坊同創紀之城道理一樣，
或者 601 唔會下下經過同仁街飛站。

家陣仲幫人係同仁街同太康樓儲晒批蘋果同油，人地 10-15 分鐘一班之餘，仲可以睇住個 ETA 一 Q 消袋。
咁唔爭在同 694 做協同效應，反正觀塘警署同觀塘法院都差唔多，觀市班人行就一早搭晒 694，唔行就唔行。

另一個問題係，振華道去中環同振華道去東區天各一方，
加上 619 只有早繁同假日，樂華先贏到牛頭角道、觀市；
平日非繁同下繁牛頭角道賺突，就算範圍做大左又點，博奕唔一定有賺。

當功樂道兩個行人系統起好，花園大廈重建帶動埋定安街、宜安街收購重建，計埋對面觀塘道寫字樓，
雖然開發山上出發點好，長遠死守喜鵲樓同牛頭角站唔係無好處。

上繁 606A 同平日非繁下繁 606 又唔係無太古鰂魚涌去觀塘返工客，而依班人係唔會去到和樂邨同法院落車，
我真係想知佢憑咩野觀察見到 606A 而家牛頭角道沿線都執唔到幾多客。

606A早繁去彩雲其實好少客
7:10耀東開嗰班 過咗九龍灣其實都係得六七個客左右
反而都係絕大多數人喺九龍灣落 姐係山上嘅客寧願比貴幾毫搭條慢啲嘅606A 都唔會搭落山轉608
同埋其實606A啲班次都唔多穩定
中間實在太多燈位 師傅唔肯去嘅話就會係咁食燈尾 到總站嘅時間前後可以爭15分鐘

EX-TL 發表於 2020-6-28 15:50
正是要培養四順同安泰share路線, 88 214 613繞經安茵街代替安泰總站, 而290X不入安茵街, 皆因四順有290A. ...

613系開分支改變彩雲友搭過海線習慣唔係冇建議過，可惜俾版友狂潑冷水：
https://www.hkitalk.net/HKiTalk2/thread-1163980-1-1.html

慘在606早繁彩雲邨搭起隨時真係個幾鐘先至入到東隧，
可惜冇乜人真係夠膽認：
https://www.youtube.com/watch?v=7zWgIWVoASI
https://www.youtube.com/watch?v=5pAoMwNXvPI