巴士站嘅排隊位原來係廢嘅，排嗰條線啲人根本唔係想搭嗰條線

kwn1029 發表於 2020-7-6 18:10
我覺得樓主你可以試下放工時間去駿業里搭89D，果條站只係排死89D一條，
條隊前半段係U字形，但條隊D人係好 ...

講起 U 字，平時油麻地碧街 87D 同 281A 個站，本身九巴畫咗黃線，示意乘客直線咁排，隊頭朝旺角方向，隊尾向番佐敦方向，而且兩條線分開兩條隊排，87D 靠馬路而 281A 靠行人路，指示清晰，雖然兩條線都多人等，等車嘅人好容易就超過咗黃線範圍，但大家過去都識得繼續直線咁排，冇咩好混亂。只係有一晚，唔知邊條等 87D 嘅聰明仔，竟然帶頭呈 U 字咁排，其他 87D 乘客又照跟，龍尾屈番去旺角方向，結果成棚 87D 乘客，就包圍咗等 281A 班客，之後嚟排隊等 281A 嘅人，完全唔知可以點排。

血肉長城 發表於 2020-7-8 11:43
就算巴士公司畫好晒線畀班人，班人點都係要按自己喜好去排隊，好任性好自我... ...
同埋，啲人唔鍾意曬住 ...

比較離譜嘅, 我就試過維園等601返九龍, 一到大時大節或者工展會之類, 就會有好多生面口人士話D熟客唔排隊, 都冇寫新增條欄杆係排乜線(而家唔知有冇標明), 冇理由咁多條線都走入去排, 作為等左幾年車嘅熟客的確有D唔忿氣.


此外, 原來好多睇起上黎係文明一輩, 都唔知道輪椅人士等車正確位置.

早一兩個月試過推輪椅東涌纜車站等E22返市區, 因為行人路面窄, 地面冇輪椅標誌, 要企響站牌下面等車, 但站牌下其實係E22A隊頭及E11隊尾, 我排在E22A隊頭位置.

直至架E22到站, 我遞手截車, 司機停正輪椅位置, 點知排E22頭位個廿來三十歲後生仔行山友不斷向我強調呢架係E22, 唔係E22A, 差D好似想食左我咁, 佢朋友冇出聲, 而我只簡單回佢一句, 輪椅等車係企站牌下面, 司機亦友善示意我推輪椅上車.

JX7348 發表於 2020-7-6 22:12
怡和街930X條地線排得果2,3個人,948一多人排就會自動同948條隊合併左,見過唔少次有人好乖咁排隊但行唔切上 ...

可能等多 D 人排到 108, 搶到 116生意掛

以前老隧返新界大埔/粉嶺/上水同一條隊，試過太多人頂住條隊導致上唔到277e，之後打去投訴後先分開大埔和粉嶺/上水
不過就算而家排277e(同277x同一條隊)都要學識有277e到時插隊上車

血肉長城 發表於 2020-7-8 11:43
就算巴士公司畫好晒線畀班人，班人點都係要按自己喜好去排隊，好任性好自我... ...
同埋，啲人唔鍾意曬住 ...

有時仲要係車長唔“配合”官方設定  搞到佢哋私訂嘅潛規矩變終生

很有同感。以香港仔總站為例，90B、107、107P和595共用同一條車坑，即使地上劃分了排隊位，一到特定時間便會打蛇餅，後面等候107的會碰到前面在等90B/595的，排隊位狹窄，沒辦法。