建議重組九巴 7B 8 18

S3BL100 發表於 2020-7-4 23:22
但旺角街巿正正係 18 今日存在既主要原因

何文田往來旺角不同位置，搭車選擇都會有分別。例如先達的確會 ...

填海區去何文田邨同愛民邨，搭屯馬綫的確無咁就腳，
但觀延一通車，成個何文田得翻 17 同 E21A 仲叫做似模似樣，
前者仲試過逆市加班，但 7B 8 18 41 45 109 搞成點？
更何況愛民邨有行人設施去何文田站，何文田邨有駁鐵小巴，競爭力唔細。

至於九龍仔去何文田，我係用 208 名義去做嘅，
但就算用 8 名義延長至廣播道都好，九龍仔一段都係跟 208 行法而唔係 7B，
順手做遠離鐵路嘅九龍塘內街去何文田，樂富去何文田搵 85 補就算。

SE7378 發表於 2020-7-5 09:43
填海區去何文田邨同愛民邨，搭屯馬綫的確無咁就腳，
但觀延一通車，成個何文田得翻 17 同 E21A 仲叫做似 ...

想拉埋 85 落水，就要問埋沙田區，同時可以預見土瓜灣下路亦會有好大反對

一次過拖咁多區、咁多條線落水，近年一般情況下都唔會做

而且 7B 唔止做緊樂富往來何文田，仲有樂富往來九龍仔學校區，呢個位 85 完全做唔到

結論係：唔好搞咁多野

S3BL100 發表於 2020-7-5 13:36
想拉埋 85 落水，就要問埋沙田區，同時可以預見土瓜灣下路亦會有好大反對

一次過拖咁多區、咁多條線落水 ...

想簡單到極致，咁點解唔索性將 7B 縮做樂富九龍仔何文田循環就算？
8 照擺九龍站行佐敦去何文田，但佛光街落橋後跟 41/45 去九龍城碼頭，
再將你條 8B 改做何文田尖西尖碼特快，18 照改拆 18A 去補償紅磡舊區，
咁就無論係咩地區都會開心到飛起，如果之後唔使對 41/45/208 下手嘅話。

SE7378 發表於 2020-7-5 23:43
想簡單到極致，咁點解唔索性將 7B 縮去做樂富九龍仔何文田循環呢？
8 照擺九龍站行佐敦去何文田，但佛光 ...

我一條 8 號仔做晒你個版本 7B+8B 所有野喇

但之後你將條 8 變成九龍站往來九龍城碼頭，用車數目又比起我個版本、只循環來往九龍站至愛民既 8B 要多一截

我就費事拖埋 41 45 下路往來何文田功能落水喇，我成個建議仲考慮埋價錢牌

S3BL100 發表於 2020-7-5 23:51
我一條 8 號仔做晒你個版本 7B+8B 所有野喇

但之後你將條 8 變成九龍站往來九龍城碼頭，用車數目又比 ...

新 7B 用三部車，8B 用四部車，8 短左里數又可減到用六部車，
加埋 18+18A 同以前一樣用六部車，重組後用車數目雖然多咗，
但 41/45 下路流水價值被削弱，唔需要大動作就可減多三四部車，
最後個用車數目分分鐘同而家一樣，甚至有空間去減翻一兩部車。

SE7378 發表於 2020-7-6 00:15
新 7B 用三部車，8B 用四部車，8 短左里數又可減到用六部車，
加埋 18+18A 同以前一樣用六部車，重組後用 ...

條數好似唔係咁計

首先而家 7B 8 18 加埋實際係 17 部車，18 SOS 好似仲寫緊用六部，但實際上只係得四部車

然後，我一條來往樂富至尖碼既 8 號仔，六部車已經做晒你 7B+8B 用七部車做緊既野（留意我條 8 實際上等同 7B 改經紅磡繞道去尖咀，但時間實際同去紅鸞道相若，只係因為去尖碼所以保留 8 呢個編號）

再之後，你因為將 8 變成九龍站往來九龍城碼頭，無啦啦踩入去而家 41 45 做但 7B 8 18 都無做緊既位置，比起我條九龍站愛民循環 8B 要用多至少兩部車（我條 8B 實際上等同斬走 8 何文田往來尖沙咀一段）

結果你個方案比今日安排要用多兩部車，比我個方案用多三部車

亦唔好以為用條 $5.1 巿區流水取代 41 45 部分功能有著數，銀碼差太遠而且你想因此縮短 41 45 都要問過新界一邊先，唔縮但又要維持何文田往來深長荔班次就減唔到車

就算想咁做，都唔係事必要 day 1 就無啦啦拖埋 41 45 增加重組複雜程度同難度，等第二步先算啦，唔係下下都要一步登天

OK I lose ⋯⋯

小弟才疏學淺，但妄想在諸位面前班門弄斧，
實在是貽笑大方，徒添諸位之不耐煩，小弟蒙羞就此致歉。

感覺你條8B叫返做8，條8號叫做8B易明D

SE7378 發表於 2020-7-6 08:42
OK I lose ⋯⋯

小弟才疏學淺，但妄想在諸位面前班門弄斧，

師兄你言重了⋯

不過見師兄你平時係明事理、思維質素唔算差既人（而且比起 F1 版見到既好多野都要高質），見到你近期有個別諗法呈走火入魔之勢，的確令我幾詫異

區域重組名存實亡，唔會再有成區十幾條線一齊重組。巴士重組既框框，就係如果有兩個方法做到類近效果，一定係揀改動幅度最少既方法，兼且盡可能斬件做

咁每個人都一定有自己思考盲點，重點反而係肯唔肯接受他人意見，明白且接受現實種種限制，學會點樣喺現實限制下仍然能夠突破框框，做到實事出來

可惜我見到既係唔少人都只活在自己既幻想世界入面，唔肯接受他人批評之餘，仲要否定真相同客觀事實，表面講得頭頭是道，實情真假不分，將偽真相當事實、事實當偽真相。唔止呢個版，現實生活都見到唔少⋯

KX8724 發表於 2020-7-6 10:34
感覺你條8B叫返做8，條8號叫做8B易明D

可以咁講。路線編號呢家野，有讓步空間

不過大 8 同小 8 多年以來都係來往尖沙咀，要何文田街坊接受到 8 原來唔去尖沙咀應該有少少難度。加上我承認我有個位數編號情意結，點都想 keep 返 1 2 5 6 7 8 呢幾個編號去尖沙咀碼頭。（改走左條 9 號就算啦，當時根本無理由唔改）

最衰 20 呢個編號已經畀城巴用左