建議重組九巴 7B 8 18

S3BL100 發表於 2020-7-6 11:36
師兄你言重了⋯

不過見師兄你平時係明事理、思維質素唔算差既人（而且比起 F1 版見到既好多野都要高質） ...

首先多謝師兄褒獎，小弟不敢當。

但我承認自己響今次 7B 8 85，仲有上次 170 嘅諗法係一廂情願嘅。

上次因為銅鑼灣來往會展站嗰堆線夠密，會展站照計又唔會好難上車，
所以令我對 170 沙田銅鑼灣仲有幾多競爭力產生質疑，
一開始我傾向沙田銅鑼灣一班不留，變曬 976 行西隧同薄扶林道去南區，
之後因為有師兄指點，加上其實新鐵路通車對巴士影響係難以準確估量，
好似觀塘線延線一通，我諗唔少人都未必估到 5C 客量會頹左唔少，
所以穩陣起見，改為將 170 撤離南區，同銅鑼灣分開去做，
再學 182X 提速，頂多停愛民邨出面，應該會有更好效果。

今次一來本身 7 號仔條數都好麻麻，唔太想見到樂富有兩條尖碼線，
二來亦受到早年 B2 版友對 85 改上何文田嘅討論影響，
預計 85 下路出新界東客量會跌唔少，試下改行天光道去愛民，
測試沙田去何文田學校區有幾大潛力，比起繼續做下路未必係壞事，
不過係我一時無諗過下路會點諗，淨係幻想而未有仔細考慮過現實，
而家睇翻，直接將 80M 踢上何文田應該更容易（反正 88X 應該延長唔到）。

至於近排嗰啲諗法，B2 版提過嘅 680/681 純粹係出於氣話，非認真思量。
最新嘅 57M/66M/961，其實出於見住 57M/66M 響屯門區走線幾乎完全重疊，
但上次 RDP 提過將 57M 縮去葵芳變兩味都被人反對，
兩條線做得好麻麻，咁樣霸住 18 部車明顯係浪費，
又睇到 961 非繁客量都唔收得貨，加埋九巴始終無做到銅鑼灣同天后，
所以諗住不如索性 66M 食埋 57M 去荔景，當係將半條 66 翻生成人之美，
跟手用慳到出嚟嘅車投放落 960/961，前者加班，後者改做灣銅特快就最理想，
但因為朝早九巴屯轉出中上環及金鐘班次係非常頻密，
961 如果全日都係咁改就會令九巴喺呢段路嘅班次水平有所下跌，
好有可能會變相送客俾城巴，對九巴盤數嘅整體影響係好難估，
所以最後決定先令 961 早繁上到 5 分鐘一班，
然後再將早繁一半班次拆翻開去做中上環同金鐘，希望盡量維持返班次水平。

跟住到開大埔東區全日線，食半條 71K 嗰次，
71K 盤數係點大家都好清楚，但因有獨市位所以無辦法大執，
加上東鐵過海段通車後，307 嘅班次唔多唔少都會受到影響，
如果有條富蝶邨開，用 71K 行法去太和後直達東區嘅過海線，
換走半條 71K 同 307 被削減嘅班次，等 71K 可轉型成第九區版 71A，
順便做多一批大埔去東區嘅新客，甚至去埋威非路道，總好過攬住條 71K 唔放啦。

至於到 182，其實我對呢條線沙田區點改無太大傾向，
但我個人覺得至少都要九龍區飛站兼飛紅隧口，港島區完全放棄灣北，
起碼嘗試去留住 182 沙田灣仔客，留得一個得一個。

總結全文，好認同師兄最後嗰兩段說話，
簡單啲去演繹嘅話，呢六個字應該最傳神：發完夢好醒啦。