671 點解咁坎坷

S3BL100 發表於 2020-7-5 22:38
有坐過 671 既朋友應該都會發現，一般情況下港島方向明顯快過九龍方向

九龍方向落天樂里同怡和街，好影響 ...

如果111延長到彩雲得唔得，咁就唔駛搵671上彩雲。671照鑽鐵開經九龍灣商貿區，避免和619直接競爭。

ViviTse 發表於 2020-7-7 11:38
會唔會因為觀塘道北行D燈位塞得耐D？印象中南行通常順少少

同意，其實北角果頭都執到唔少雞，飛完可能 ...

唔關事，淨計九龍段，時間幾乎一樣，甚至西行穩定過東行。

問題係返九龍落一落銅鑼灣極度浪費時間。
671 最大問題係食正銅鑼灣塞車黑點。

3ASV454@671 發表於 2020-7-7 14:02
如果111延長到彩雲得唔得，咁就唔駛搵671上彩雲。671照鑽鐵開經九龍灣商貿區，避免和619直接競爭。 ...

其實將 111 經彩雲外圍拉上彩福，
或者 619X 全日送去彩雲，點都實際過同 606 對調總站。

671 已經太慢，就算回程飛銅記，送佢入九龍灣就要加車，唔值。

3ASV454@671 發表於 2020-7-7 14:02
如果111延長到彩雲得唔得，咁就唔駛搵671上彩雲。671照鑽鐵開經九龍灣商貿區，避免和619直接競爭。 ...

彩雲有位放條咁密嘅線嗎？
（不論111好，619也好）

dennis28a 發表於 2020-7-7 16:14
唔關事，淨計九龍段，時間幾乎一樣，甚至西行穩定過東行。

問題係返九龍落一落銅鑼灣極度浪費時間。

同意
671就係銅鑼灣塞到趕客，繁忙時間601 619去到銅鑼灣都未頂閘，其實係應該俾返佢地做，671應該學99行維園道同興發街，專注係炮台山同北角呢D其他東隧車難上既位執雞，而唔係銅鑼灣塞車，而且繁忙時間行東廊同行英皇道都唔差得遠，行英皇道就冇乜所謂，反而來回程都唔應該塞銅鑼灣，有得飛就飛啦。

dennis28a 發表於 2020-7-7 16:20
其實將 111 經彩雲外圍拉上彩福，
或者 619X 全日送去彩雲，點都實際過同 606 對調總站。

但 111 拉上彩雲或彩福，或者 619X 全日拉去彩雲（實際上因為道路網問題，至少要去到坪石或彩虹），要加既車都會比起 671 多好多

111 自己一個時段長得 60 分但正常行車時間唔計休息都要呢個數，加上本身班次密，兩巴都倒左不成比例資源落去維持班次。仲延長？要加幾多車？

619X 無疑比 671 會更合彩雲心水，但全日要用既資源等同開多條新過海線。而且要跟返 619 時段分配，如果拉埋去彩虹，就做唔到 80 分一單連休既話，則免問

反而條 671，而家非繁行車時間算係充裕，一單連休兩粒鐘，齋行車時間唔使個半鐘，一個時段亦係長兩粒鐘，岩岩好。而平日非繁時段，鑽石山兜新蒲崗到東隧口時間，實際同 606 彩雲兜九龍灣入東隧相若，換言之非繁完全無問題，車都唔使加（不過我會改去行海濱道果邊）

至於下繁，因為下繁前三點半到五點果轉，時段長度較短，本身兩邊總站都已經要各自搵第五部車做下繁頭車，亦因此之前之後果轉都有車去到總站要私走，就算改入九龍灣塞車，呢個情況都唔會有分別，亦好大機會唔需要加車，加都係兩邊各柯打多一部車咁大把

改 671 做彩雲九龍灣唔使加車就話唔值，改 111 619X 要加大量資源落去就可以，你既邏輯都好奇怪

亦唔好忘記，改 671 入九龍灣仲有其他功能可以做到，包括取代埋 606 彩雲九龍灣流水、做埋九龍灣來往北角炮台山天后，後者現時無其他類近路線做到

dennis28a 發表於 2020-7-7 16:20
其實將 111 經彩雲外圍拉上彩福，
或者 619X 全日送去彩雲，點都實際過同 606 對調總站。

彩福只係路邊總站
仲要係幾條線共用一個總站
根本冇位擺一條車海線
所以拉111上彩福基本上係冇咩可能
除非有位擴大總站

PC2625 發表於 2020-7-7 07:14
用九巴 88X 模式:

(1) 平日上午至下午 1:00/2:00 往九龍方向出香隧後直行堅拿道天橋/維園道/東廊/東隧,而  ...

上午南區方向行東廊入東隧，反而係相比起行北角唔算輸蝕既時段

你望下下晝開始東廊落橋入跑馬地/紅隧口條車龍⋯

ky927 發表於 2020-7-6 11:24
其實擺定位係過海流水線，咁定線就真係要流到水至得。先唔講雙向分段

1）觀塘北角/銅鑼灣（601/619）

其實如果定位係流水線既話，就更加唔應該走去兜西灣河太古然後糖水道上橋。北角入香隧，清風街天橋會比起糖水道快

671 流水問題係同地鐵太重疊，改九龍段唔同地鐵平排、開發新客源，已經好好多

銅鑼灣問題，折衷做法係唔入怡和街，改行維園道出告士打道停皇室堡，再轉出高士威道返原線。尤其是如果九龍段改路既話，呢個行法有助於南區客同九龍客需要之間取得平衡。維園道直出天后，就飛起成個銅鑼灣了

S3BL100 發表於 2020-7-7 22:48
但 111 拉上彩雲或彩福，或者 619X 全日拉去彩雲（實際上因為道路網問題，至少要去到坪石或彩虹），要加既 ...

咩你覺得屯馬綫一通，一條同港鐵完全平衡既 111 仲有必要同客量做得番現有班次？

619X 全日要用既資源等同開多條新過海線係事實，
但同時觀塘山比 20 年前多左幾何級數居民，你唔做全日，起碼有必要做半全日。

屯馬綫一通自然會變到一大堆車源出黎，巴士公司為求生存，獨市市場要做唔通唔做？

＝＝＝＝＝

你望下今日海濱道、九龍灣內街塞車塞成點？
今日只係裕民坊、偉業街天橋兩單交通意外，24 由啟業開車，行足 45 分鐘都先到宏天廣場。
101X 下繁九巴頭班，幾乎 7 點先入機隧，當中有 40 分鐘係九龍灣塞車。

經過今日，我進一步收緊立場，運輸署同路政署好心限制車流或者劃巴士線，
否則唔應該再開新線入九龍灣內街，甚至考慮踢番線出大馬路。

14X 自從改行海濱道，唔塞車已經直接增加 10 分鐘車程，塞車係創紀之城 20 分鐘都未必去到九展，依條數仲要只係非繁。
而 215X 因為九龍灣倒流出九展、偉業街塞車，非繁山谷道返創紀之城快唔過 101 幾多。
33 係人版，明明大河道同 40 相遇，黃大仙 33 明明跑贏大市，結果 33 去到勵業街，40 都去到觀塘道休憩處。

唔係唔比你做海濱道，但唔好忘記 671 每日仲要塞世貿上橋入香隧，唔好彩非繁一樣隨時搞你 90-100 分鐘。

671 勝在觀塘道直行，120 分鐘一單係近年因應觀塘道車程唔穩定減班兼加時。
你就走入送佢入海濱道、九龍灣內街增加佢不穩定性，又唔加車加時，萬一觀塘道塞車唔夠跑過鐘。

＝＝＝＝＝

另一個問題係，671 比你踢入宏照道，當你九龍灣唔算塞車，
一條又經英皇道既 30 分鐘一班既線，點解唔搭 107 或者 101X？
想專心做九龍灣提速入南區，點解唔係東鐵過海前試下下繁開 107X 或者 176 去做？

671 繼續 30 分鐘太疏，是但一區塞一塞車搞到預唔到時，本身就係問題，
唔會因為你踢佢入去無鐵市場就會自動有客上門。

671 另一死因係南區客覺得 671 又疏又唔定，想要既野係飛北角特快線，並唔係衰係同港鐵重疊。
快起上黎 671 可以好快，但同時慢起上黎可以好慢，唔通係觀塘道食 30 分鐘西北風咩。

北角炮台山天后非繁有幾多客會願意等 30 分鐘一班兼班次咁唔穩定既既過海線？
依個市場又唔係大，更大更直接既 608 咪又係減到 30 分鐘一班，非繁返九龍 10 個客都未必有。

606 之前兩巴開 30 分鐘疫情班次，一部份流水客已經而行番去等綠小。
仲要由 10.4 加到去 11.9 同永久變 30 分鐘一班等同趕客，
彩雲就算要銅鑼灣線，我諗班客寧願用 108 BBI 都未必搭你條 671，更何況班客寧願轉鐵。

既然客量唔會大幅增加，又因為沿線唔穩定又加時，咁加資源有咩意義？

＝＝＝＝＝

順手回一回，我唔係唔比人肢解 606，
但問題係 606 依種半霉又死唔去，又唔夠客做 606X 全日，606 剛剛滿足到需求既條咁咪由佢存在，直到有完美方案先好肢解佢。

你仲走去將 606 同 671 對調，走線、班次、收費又差過 606、608，隔離又有條更密既 107（就算佢減都唔會一回氣跌落 30）。
拎一個更差既方案換走 606 仲咩野？成件事仲差過 608 西灣河逆走。