[建議] 為舒緩觀塘區內交通問題 建議東西線走線

xdxd 發表於 2020-7-26 07:18
其實有機 而家運吉都唔係咁想起嗰條單軌 同東九一樣好似都係會胎死腹中
其次 針對通勤客嗰度唔係咁認同  ...

啟麗人口先得兩萬幾？
觀塘係有客但觀塘嘅客有幾多係商業區出？計埋住宅區嘅話將住宅區駁鐵客流拉埋入工業區會唔會令到工業區內更多車？

ViviTse 發表於 2020-7-24 23:22
當東西綫延伸至將軍澳北部，寶琳站及坑口站嘅非過海客將被分流（宋皇台站/南昌站轉乘屯馬綫、旺角站轉乘東 ...

唔係好明你個討論
武肺前將線過海段已經開到最密兩分鐘一班，就算康城 - 將軍澳再加密，過海段塞唔塞到咁密車先
得嘅話就直接加密康城車啦，反正有唔少過海客都係綠線油塘轉過來
而事實係過海段再加密都唔加到幾多，所以我先建議起多條過海隧道過海

ViviTse 發表於 2020-7-24 23:16
如果東九龍綫接駁油塘站，而東西綫接駁將軍澳北部，
咁只係秀茂坪及安達臣嘅乘客會去埋油塘站轉車，東西綫 ...

覺得諗多咗
我個人支持東西綫入將軍澳，但目的唔係為咗分流過海客
寶琳 - 灣仔 27 分鐘，你架東西綫快極 27 分鐘都好難去到會展站，深藍綫仲要轉多程，即係紫綫沿線繼續搭紫綫過海，除非可以轉東九龍綫過海
結果分流到嘅只會係東西線觀塘碼頭站以西嘅乘客
但係除咗啟德外，九龍東住宅基本上喺綠綫以北，即係要搭鐵一係去綠綫，一係去將來嘅東九龍綫
加上東鐵過海得 9 卡已經好滿，最後唔會分流到
所以我先有上星期五講嘅計劃
個人心水係觀塘碼頭後經藍田山入康翠寶琳 UST，東九龍線觀塘山後經藍田山過海，唔怕多站就綠綫喺藍田站轉乘，跟住直落北角

但係而家個問題係連東九龍線胎死腹中個機會都好大…

qunow 發表於 2020-7-25 18:40
唔係幾明點伸延 觀塘碼頭之後跟將隧走線？
咁嘅話不如索性直接喺新蒲崗之後直通政府原有東九龍山線建議入 ...

觀塘碼頭之後可以 parallel to 將軍澳綫咁入又得，再唔係 parallel to 將軍澳隧道咁都得，但兩者都要新軌新管道。

至於新蒲崗（宋皇臺站）後往彩雲、順利、秀茂坪、將軍澳北部，唔係唔得，
但會做唔到觀塘商貿區、九龍灣商貿區來往旺角/西九龍地區，同埋會失去將軍澳快速來往市區嘅效果

結果分流到嘅只會係東西線觀塘碼頭站以西嘅乘客
但係除咗啟德外，九龍東住宅基本上喺綠綫以北，即係要搭鐵一係去綠綫，一係去將來嘅東九龍綫
加上東鐵過海得 9 卡已經好滿，最後唔會分流到

我都認同東西線主要分流到觀塘碼頭以西既客。而除咗啟德外，九龍東以北既住宅都可以落牛頭角轉觀塘線/東西線。

而將軍澳海段又未必值得起多條過海隧道。除非將來有極大量既需求如果唔係政府都未必覺得值得起。

tonychow 發表於 2020-7-27 11:04
唔係好明你個討論
武肺前將線過海段已經開到最密兩分鐘一班，就算康城 - 將軍澳再加密，過海段塞唔塞到咁 ...

疫情之前，受限於寶琳站單月台設計，將軍澳綫繁忙時段2-2.5分鐘一班，每小時約開27班車。

若東西綫延至將軍澳北部作分流之用，將軍澳綫寶琳班次將可以減至4分鐘一班，令加密康城支線技術上變得可行嘅同時，
亦唔會加劇乘客無法登車嘅問題，預期過海段繁忙時段可以加密至2分鐘一班，每小時約開30班車，增加約7,500名乘客嘅承載力。

回應埋：
"就算康城 - 將軍澳再加密，過海段塞唔塞到咁密車先"
--> 只有寶琳班次減班，康城支線才能加密，過海段先至塞得落，呢個亦係我上面嘅建議
"得嘅話就直接加密康城車啦"
--> 無錯，所以我建議2.5-4分鐘一班嘅寶琳班次大幅削減至4分鐘一班，以加密康城班次，
　　而東西綫延至將軍澳北部作分流之用，正正解決因寶琳班次減班所加劇嘅「乘客無法登車/留後」問題
"而事實係過海段再加密都唔加到幾多，所以我先建議起多條過海隧道過海"
--> 如果用東西綫分流嘅方案，過海段每小時大概會多7,500名乘客嘅承載力，話多唔多，話少唔少。
　　如果另外起條新嘅過海列車隧道，過海段每小時大概會新增75,000名乘客嘅承載力，我個人無咩preferences，
　　不過起完之後係咪真係有咁多人用、官方認為值唔值得投資，又另一回事。

ViviTse 發表於 2020-7-28 20:17
疫情之前，受限於寶琳站單月台設計，將軍澳綫繁忙時段2-2.5分鐘一班，每小時約開27班車。

若東西綫延至 ...

無錯係加到 7500 人次過海，但係武肺前每平方米企四人計已經過 100%，你加完 7500 人一樣係爆 100%
當然，係咪需要（依家）處理係另一問題
如果東九龍線落油塘，我當 3 分鐘一班，每卡載 300 人，即係只會接收到 7500/(20*8*300)=15.6% 嘅人，亦即假設其餘 84% 人係唔過海嘅，呢個數話多唔多話少唔少
另外其實我本身有 hidden agenda，就係會展站甚至香港起計，可以經銅鑼灣北、北角、藍田、藍田北（轉東西綫）、安達、順利唔落彩雲
喺之前討論新清太斜嘅時候，唔駁綠線咁起法其實唔差得去邊
順利計出旺角即使兜圈都唔係特別耐（即係將來順利 - 安達 - 藍田北 - 觀塘碼頭 - 啟麗 - 宋皇臺 - 旺角）

tonychow 發表於 2020-7-29 11:06
無錯係加到 7500 人次過海，但係武肺前每平方米企四人計已經過 100%，你加完 7500 人一樣係爆 100%
當然 ...

謝分析，回應返：

1. 如果真係起新過海隧道，有兩點concern:
- 我認為已有北港島綫嘅情況下，新線未必會再花咁高成本經晒北港島各站，可能最多北角止步
- 有部分地區（例如黃埔/啟德/康城）可能渴望有新隧道過海；喺油塘已有直達過海嘅鐵路下，藍田會否咁近再起新隧道，值得深思

2. 唔係想質疑個數字嘅estimation，純粹係想討論：
馬鐵沿線人口咁多，但繁忙時段亦只得3.5分鐘一班車，而早兩年先至全面使用8卡車；
如果東九龍綫淨做安達（秀茂坪）及順利（最多加埋藍田北），似乎唔會用8卡車，亦難以3分鐘一班wo。

3. 即使東九龍綫過海／唔過海而油塘止步，都建議東西綫延長至將軍澳：
原因係東九龍綫過海與否，將軍澳綫現時繁忙時段出現嘅「留後」問題都仍然存在，只有新鐵路互補不足先為上策。

無錯係加到 7500 人次過海，但係武肺前每平方米企四人計已經過 100%，你加完 7500 人一樣係爆 100%
當然，係咪需要（依家）處理係另一問題
如果東九龍線落油塘，我當 3 分鐘一班，每卡載 300 人，即係只會接收到 7500/(20*8*300)=15.6% 嘅人，亦即假設其餘 84% 人係唔過海嘅，呢個數話多唔多話少唔少

不過照計既話東九龍線應該都係用4卡車。用返頭先方法計就係有最多30%既人係過海先夠載。


另外如果用東西線分流寶琳坑口客，個人prefer經過油塘，因為可以經油塘轉搭觀塘線。但係值唔值得起到咁遠做分流就係成本效益問題。