唔係唔俾你抒發己見, 更加唔係嫌你唔夠班, 而係我睇你字裡行間, 感覺唔到你對觀塘環境擠迫程度之嚴重, 有啲諗法會諗錯方向, 講到雙安門口開巴士直落觀塘, 好似唔知會對觀塘造成某程度負面影響, 所以叫你落去觀塘hea下, 唔係行下咁簡單, 係要用觀塘居民角度去諗嘢.
不過, 而家先落觀塘hea已經無用, 市中心早就唔係我想你睇嗰個樣.
我唔知點解有人會覺得98係畀人落嚟觀塘道轉車, 所以畀入觀塘道, 98將隧已經有站畀人轉車去各區, 康城 環保有車去黃大仙轉車入新界, 將軍澳人用290系轉車變得受落, 出黃大仙條路又順又直接, 唔駛受觀塘道無定向塞車狀況影響行程, 新清早繁曉塞, 都唔夠觀塘道嚴重.
你可以當98係796A 796S, 當有一日做唔住, 畀鐵路打低好, 自己唔爭氣都好, 到時再算囉!
咁你又會問, 點解大家做嘅客目的地都係觀塘, 98就得, 安達臣就唔得? 原因就係唔想太多人乘機擁入觀塘轉車, 而將軍澳開出嚟嘅98唔預人哋會觀塘轉車, 要去遠嘅地方, 一早康城搭鐵, 或者鍾意搭巴士嘅會搭290X新清 龍翔道轉去新界, 98將隧已經轉左出九龍, 淨番去九龍灣嘅, 797搞掂.
213B只係一條平日幾班落山路線, 畀你講到好似每天全日咁.
213B現時飛晒秀茂坪道 協和街直落同仁街, 你講得加站好輕鬆, 好似成段路得一架213B行, 當你站站停, 好容易會變成燈燈停, 協和街燈陣你真係得閒去試下先好講加站.
我另一個唔明係小巴康寧道口高雷上落, 同協和街巴士站上落爭得幾遠嘅問題, 兩個站位根本近到只差一條斑馬線距離, 講到好似好遠好難行咁.
我平時推輪椅搭巴士由觀塘去聯合, 落車後要推上大斜先過到馬路, 辛苦過我回程唔搭巴士, 直接推輪椅由聯合落觀塘.
輪椅客唔鍾意213X秀茂坪警署行番轉頭, 可以早一個站寧波二中落車碌落去, 陪行者$8.5好貴咩, 兩人拉勻, 每人$5.25, 真係唔貴囉, 11X一般客$7.5落觀塘你又覺得冇問題, 仲嘈人地唔批, 一日有幾多輪椅客由安達落聯合, 嫌貴唔搭213X可以愛達樓升降機落秀茂坪道碌落去, 唔慢, 秀茂坪道行人路亦好行. |
樓主