【簡簡單單】建議 41/43C/242X 重組

KMB-E50D 發表於 2020-7-28 22:08
如果呢個計劃係配合埋30X拉上何文田嘅，何文田雖然有直車可以出荃灣，但係未必接受到出深水埗要貴多兩蚊 ...

1) 我認同而家30X係搶錢 但係$6.9 會填唔到氹 收$8.4好啲 同埋 而家係 5分鐘→25分鐘間格 仲要加埋紅磡圈嗰度塞 盞唔穩定 依家愛民頭站 開20分 包有位坐 算係咁啦
2)青衣準確客流係點 我唔太清楚 但係我單純覺得 取消一條長深荔+旺角嘅線 咁多出既車係咪應該俾返另一條長深荔+旺角線呢 所以先會建議3車比44 青南客有意思要快嘅 整返個BBI 比佢哋轉
3) 之前好似係S3BL100 兄建議過 42A 43C 242X 全面分家 砌到青南→長深荔(C)/油旺(A)/尖佐(X) 嘅特快 我覺得 一係就跟呢個 一係就唔郁 要241X 半全日 全都想要好似有啲貪心
4) 30/230/234X 重組得成係一定要食下41+45 啲資源架喇 何文田都會有賺啦

同埋覆一覆版主先
你見我死舐8A/P唔放係因為真心呢兩條線係可以做得好
綠線係唔會為紅磡/黃埔↔尖佐帶嚟鐵嘅速度優勢 尤其8P 三個字做完一轉係正常
所以將8A拉入柯士甸道 廣東道 係好簡單填返綠頂嘅位
8P拉上何文田 都係食返一啲7B縮短之後 嗰一小節空窗
Shuttle 呢 就陽光嘅 都係左手交右手啫
無頭站嗰度 真心 海逸嘅山頭主義唔強 要郁8P都係黃埔噪先 而家對黃埔嚟講 冇乜大變 都唔多似會反枱

1. 應該直接取消41，但加返車落44，45，再補返個41A/242X<>6C/6F/45 BBI

2. 要全日嗰條應該係43C，唔係42A，因為油麻地同埋佐敦已經有全日242X，冇必要再開42A落去，否則只會浪費資源

242X 幾時全日咗？

ATENU364TC196 發表於 2020-7-29 10:36
1. 應該直接取消41，但加返車落44，45，再補返個41A/242X6C/6F/45 BBI

2. 要全日嗰條應該係43C，唔係42A， ...

真係有人會有人貪平，寧願要慢ge 42A出油麻地佐敦，呢個相對容易處理得多，彌敦道bbi，車又密又多選擇，

xdxd 發表於 2020-7-28 22:52
1) 我認同而家30X係搶錢 但係$6.9 會填唔到氹 收$8.4好啲 同埋 而家係 5分鐘→25分鐘間格 仲要加埋紅磡圈 ...

1)愛民頭站的確係可以班次穩定啲同揀位坐，更加可以直出荃灣 (點都好過青衣/荔景)，但係出深水埗無論班次同價錢都比而家更唔吸引。現時九龍城開出大部分時間都係隔15分鐘有一班41、45，而新方案就穩定地每20分鐘有一班愛民開，班次穩定性勉強可以彌補略疏咗嘅班次。收費方面，現時每個鐘平車貴車各兩班出深水埗，新方案新方案每個鐘三班貴車出深水埗。班次+收費比較嘅話，新方案未必過到何文田，如果有條20分鐘一班嘅 $6.9 新線會大啲機會過到 (價錢+頭站優勢彌補返少咗嘅班次)，就算唔收返45原價都起碼唔好收多過$8，如果唔係頭站優勢都彌補唔到班次+價錢上嘅損失

2) 44最難上車應該係下繁返青衣，但係非繁以現有車數都開到10分鐘一班。就算加返三部車畀44，九巴亦都唔會喺非繁加到個位數班次 (現有班次算滿足到需求)。咁樣嘅話，青衣山下除咗下繁44密返少少之外係冇任何著數。與其係咁不如加俾41A加密班次吸客 (下午前出尖咀/下午起入青衣開15，下繁/晚間部份時段返青衣開12)，始終疏車線加密效果會顯著啲。或者換其他線都得， 不過呢啲可以留返俾青衣自己搞，最緊要係還返三部車就算。

3) 青衣當然冇可能241X同大重組都要，241X同42A+43C+242X只可兩揀一。但問題係山上同山下想要嘅嘢未必一樣，好難達成共識。山上當然想要大重組，有山上直出嘅特快線同尖咀車，一定好過要兜山下嘅241X。但係對山下來講，個方案只係換嚟喺現有服務加密小小嘅班次，仲要44班次本身唔疏，加咗都未必覺 (九巴分分鐘轉個頭就收返嗰幾部車)。241X 喺青中/北直出九龍，對山下嚟講都算有吸引力，所以喺冇大幅度改善其他服務嘅情況下，山下有機會想有241X多啲

3) 山上出西九拆做三條線有機會有價錢/班次問題。 價錢方面就容易啲處理，補返BBI畀43C轉長沙灣道線出佐敦，想平就轉車。不過如果拆三條線班次就可能有啲難搞。深長荔無快到，所以43C唔可以比42A現有班次疏太多。油旺快咗，所以42A班次可以疏多少少都得。尖咀係新服務，班次水平唔需要同現有服務比較，所以242X可以開得疏啲，有車剩先加密。

但係長亨長宏未必有位塞三條線，如果冇位嘅話242X可能要放長康 (長亭嗰邊冇可能出深長荔/油旺由有服務變無服務，所以點都要留返43C/42A)。反而如果242X改做尖咀特快，唔郁42A，可能會容易啲搞。尖咀本身冇服務，所以就算242X班次疏啲都可以接受，亦唔使用咁多部車，可以盡量保留返42A沿線現有嘅服務。242X 用車唔多嘅可以喺長亨/長宏泊(只係塞多一條線點都易過搵位塞晒三條線)，真係無位放嘅可以擺長康，反正41取消對長亨長宏冇影響，而42A又無受影響，可以唔使補償都得

4) 如果九巴肯將有剩嘅車放出嚟俾其他區就當然好，但係以九巴啲縮骨格肯定想收返啲車

等等 只有一樣嘢想澄清返 B2版講30X 嗰度都有講到 41/45/46 嘅聯合班次係廢嘅睇返而家 的確41/45 係跟緊15分鐘開 但係實際係冇可能 根本喺馬頭圍道塞塞下都拖住嚟

KMB-E50D 發表於 2020-7-29 19:04
1)愛民頭站的確係可以班次穩定啲同揀位坐，更加可以直出荃灣 (點都好過青衣/荔景)，但係出深水埗無論班次 ...

可惜E21唔到油尖旺，如果唔系42A都有d可能撤出長亨，放長康。長亨有個405小巴坑（條線而家頹做緊），唔知巴士轉唔轉到彎入去
長宏嗰度 , 可以令42M同248M收成循環線 , 多翻條坑

KMB-E50D 發表於 2020-7-29 19:04
1)愛民頭站的確係可以班次穩定啲同揀位坐，更加可以直出荃灣 (點都好過青衣/荔景)，但係出深水埗無論班次 ...

兩班 8.9 加兩班 6.9 變做三班 8.4 都過到嘅咁第一年叫 41 改快大加價都過到啦，邊使等到今日，個人認為如果只淨一條線一係就少一班車但係價平啲，一係就貴啲但係加班，兩樣都無基本上就唔使諗。

事實係 44 自己浪費太多時間喺無用嘅地方度，行少次楓樹窩路迴旋處，唔再行汝州街，都已經慳返半班車甚至一班車嘅時間，未加車都已經可以密多一兩分鐘，而過去兩次減班都無減車，啫本身理順走線之後都可以再加返班，甚至密過之前。（不過 44 一年俾人減兩次班，似乎本身都唔係太掂）

至於 241X 同 43C，其實可唔可以合埋一條線專做大角咀？始終開咗個頭似乎唔容易解決，用 242X 又似乎太過兜。

ATSE40 發表於 2020-7-30 12:12
兩班 8.9 加兩班 6.9 變做三班 8.4 都過到嘅咁第一年叫 41 改快大加價都過到啦，邊使等到今日，個人認為如 ...

44青衣段遊車河係議員想總站擺返自己選區內

將來X42C全日 (建議改名42B/42E) 後,可以加班縮短入去做青中南,交換44縮入碼頭+42C跟42M出島放車

另加43/A同44M BBI 38補北葵華員邨

ATSE40 發表於 2020-7-28 20:34
8 號仔其中一個問題係唔塞車嗰陣太多時間，多到班佬要唔可以揸快車先唔會喺尖碼停兩部塞住外坑，九龍站更 ...

如果小巴佬真係準備開線做何文田尖西特快，8X 就真係可能唔 work，
不過既然當區要巴士線去 QE，可能 7B/8/8A 重組都要考慮呢個 point，
暫時諗到 7B 拉去九龍站，去程行紅磡站同漆咸道南去加士居道，
回程佐敦道轉出加士居道，然後跟 109 仁風街轉上佛光街，
取代 8 何文田來往佐敦嘅功能，放生 8 縮做何文田紅磡尖沙咀循環，
有小巴情況下可以飛尖東內街，改行柯士甸道落尖西，北京道做循環點，
之後經九龍公園徑上翻柯士甸道去紅磡站，方便取消 8A，黃埔俾 8P 做，
何文田來往油麻地，我會跟 S3BL100 兄建議改 18 行法去補位，
然後將本身 8A 同 8P 共用果七部車變成 8 同 8P 共用，成個 pool 加到八部，
然後 7B 再加一部變六部車，於是成組線就慳到原本 8 嘅六部車，
得翻紅磡灣同紅碼變真空，但無客唔使點理，最多朝早補翻兩三班就算。

至於 45/46，收費問題應該需要九巴同議員互相讓步，
如果合併後取個中間價 $6.4，但換全部班次行長沙灣道同彌敦道，
仲有去黃埔呢啲好過何文田同紅土嘅行街位，唔知議員會唔會接受呢 ⋯⋯