點解九巴唔宣布96R, 289R, 275R停駛？

s3n370 發表於 2020-8-5 19:51
其實你一開始只係選擇性咁quote，我亦已經指出呢點，

況且都提到，任何因素唔係講有無，而係講程度。

閣下不斷混淆視聽
將必要既人群聚集同非必要既人群聚集撈埋一齊up


就同你講程度

無96R開會唔會死人
無得行山會唔會死人

行山人口密集到旺角咁
傳染風險係咪等於零
行山中左招係咪唔死人

無錯因素係有程度
但係非必要既社會活動入面一涉及人命,呢d程度因素係咪應該行開d
比保護人命因素行先

最後,我唔反對繼續開郊遊線
有人想挑戰運氣,唔通唔比佢挑戰咩

053h4 發表於 2020-8-5 17:18
去郊遊的過程, 加上行山徑人多擠迫都反映係一個高風險活動

任何活動人多擠迫都係高風險，郊遊唔一定係多人活動
二人限聚令+封燒烤場已經少左好多人入

s3n370 發表於 2020-8-5 11:28
請留意，我由此至終都係針對你對他人一刀切嘅批評。
你對於一D防疫功夫不足，
甚至有欠公德之士嘅批評，小 ...

我對他人一刀切嘅批評?

我嘗試以唔同意思去解讀「請留意，我由此至終都係針對你對他人一刀切嘅批評。」呢句說話, 亦反覆向我對castanopsis板友的個人分享做配對, 睇番我講咗邊句, 令你有對他人一刀切嘅批評.

我不妨將我EX-TL跟該板友castanopsis在本條目所有討論一次過post出來:


3#EX-TL
2020-8-2 17:30
聽話嘅就唔係香港人啦, 頭先我落街買餸, 仲係好多人非法聚賭, 扶手梯上吸煙, 口罩笠下巴, 唔睥實佢都唔笠番好.

行山咪又係個個除口罩傾計食嘢, 難得落雨, 係咪去少一次會死?!


5#castanopsis
2020-8-2 18:11

行山唔一定要大group
如果同同住家人行，或者獨行，風險唔見得高過返工
唔全面停工停課，禁止人行山唔見得有乜幫助

而以我所知，外國部分國家就算禁足令都會容許居民到就近郊區做運動

始終長期喺室內對免疫系統同整體健康係好差，尤其家陣所有體育場所都封場


14#EX-TL
2020-8-3 00:08

行少一次啫, 唔好講到禁止行山咁大件事, 我自己幾歲開始行山, 掟我喺山上面唔怕蕩失路, 揼低我喺旺角反而唔識行嗰隻, 行山絕對係好事.

但都不要忘記先前三四月行山好似旺角一樣咁多人排住隊咁上山, 個個一行就胡亂棄置口罩, 污染環境, 有機會傳播病毒, 雖說二人限聚令生效, 我在普通街道屋邨都隨處可見違規人士時, 所謂山高皇帝遠, 行山人士係咪個個都嚴格遵守限聚令, 實在令人存疑.

當唔係人人都遵守法例, 又有幾個月前的前車之鑑, 趁天氣差減少野外活動, 不單止對環境衛生有幫助, 跣低搵人救都會少左, 留番好天, 疫情冇咁壞先再去, 保住條命先係上策.

還好, 頭先《東張西望》影今日西貢勁少人, 絕對係good news!


25#castanopsis
2020-8-3 08:22
行山人士唔遵守限聚令，應該搵人去執法
你搵十個差佬企喺主要行山徑出傳票，班人已經唔會敢大group行
如果單係同同住家人行/獨行，山上密度咁低，空氣又流通，播毒風險係接近零

好老實
日日繼續逼車返工排隊食飯，間間office三四十人共處一室
就算返工以外乜都唔做，都只會日日百幾宗直到永遠
走去禁行山/押後選舉，遠不及人人派一萬蚊停工停課停市三星期實際

按家陣勢頭，疫情無幾個月都唔可能清零，唔通個個喺室內乜運動都唔做？
唔好講笑，我前排因為總總原因俾人隔離咗三次，共六個星期
少做運動之下，係明顯感覺到自己心肺功能同抵抗力都差咗好多
足不出戶一兩個星期，尚可以接受，如果以月計，真係唔得
身體差搞到本身輕症都變重症，後果仲嚴重


29#EX-TL
2020-8-3 10:30

我又分享下自己呢半年嘅生活: 1月19日行完飛鵝山之後, 已經超過半年冇行山, 點解呢, 因為我唔能夠畀自己中招, 任何有染病風險嘅活動, 可免則免, 但我屋企有個唔行得嘅長者要照顧, 我中招, 佢中招風險好高, 而且你都知長者中招可大可小, 所以當我半年有多冇行過山, 我唔認為行少一次係有問題.

雖說市面康體設施停用, 仍然有好多公園正常開放, 公園在疫情期間的使用量, 誇張啲講, 隨時低過郊野公園, 過去半年繼續無間斷推輪椅帶長者出外, 搭嘅巴士, 行嘅地方, 少人得可以, 好多地區公園 海濱 河畔仍然人跡罕至, 我推住輪椅行自由自在, 完全唔駛怕撞到人, 呢啲地方部份都有樹木 長椅 小山丘, 相反香港人最愛郊遊地點西貢 大澳, 我見入西貢啲巴士逼滿晒人頂晒閘, 當地居民都已經出通告話唔歡迎遊人入去, 我哋仲有咩好講?

你同我都係行山友, 但仍然有好多好多新手加入郊遊行列, 係咪人人都咁聽話唔約朋友, 係咪搵幾個警察戙篤企喺主要路口, 之後就全程同你戴口罩呢, 如果個個好似你同我咁諗, 天下太平.



期望你指出我一刀切咗喺邊度, highlight番畀各位板友做reference, 唔需要你不停寫一啲人地睇幾多次都唔明嘅.

053h4 發表於 2020-8-5 14:35
控制傳染病, 主要係控制傳染源同控制易感人群

而家措施係叫買時間, 醫學進步, 無特效藥都可能搵到特效療 ...

重點係可以控制到
正正因為病毒傳染性高,可以無徵狀,加上可以重覆感染
由個病毒向全球擴散既一刻開始,就注定無可能完全控制,除非病毒突然消失
你望下外國d數字,要清零一年半載可行咩?

要做既就係平時注意個人衛生,增強抵抗力,例如多做運動
流感高峰期既時侯,都只係建議高危人士少出街,打流感針有病徵就睇醫生,留家休息
全民坐監,d人未肺炎死先餓死啦

GA6072 發表於 2020-8-5 21:13
閣下不斷混淆視聽
將必要既人群聚集同非必要既人群聚集撈埋一齊up

郊野公園旺過旺角，老吹都唔好咁誇啦

咁睇下“必要”條線係點劃啦。

如果要去到餓得死嘅事，先至係必要嘅，咁你啱囉。
不過就算你自行禁足，乜都靠外賣或送貨，
送貨嘅人或D貨有病毒，你都係會中

但就算剩係睇生物邏輯層次低呢一層，
要健康抗疫，係除佐餓唔死，最起碼係身心維持健康。

而家係長期戰，個問題唔係yes and no，
而係點樣可以維持身心健康之餘，
同減低受感染之間攞個平衡。

你覺得搭車高風險，而我認為搭架96R分散D去遠D，
可以平衡到。咁呢個極可能係理想嘅平衡。

再唔係我去到巴士站見打哂蛇餅，
轉軚去個無咁多人嘅地方又得。
話說回頭，架巴士開得密，咪平均少佐人坐囉

我講咁多，從來只係駁斥一刀切嘅謾罵。
從來有得揀先至係皇道。

都無加班, 何來鼓勵?

巴士公司點調整班次, 純粹係佢自己預測既客量, 同埋有無人手開車, 仲有最重要一樣應該係有無肉食
如果個個自發唔去郊野公園, 九巴運吉幾個星期, 必定會減車
選擇權, 話係乘客度又唔係好適合, 應該係搵到幾多錢果度?

s3n370 發表於 2020-8-6 11:32
郊野公園旺過旺角，老吹都唔好咁誇啦

咁睇下“必要”條線係點劃啦。

必要定義係
少左果份事/人
係會導致社會不能維持個體基本生活需要
好似封關之餘都要維持貨運保糧油醫藥供應
小弟非常同意有得揀呢個論調
不論巴士公司同乘客
上得車就代表你揀左
但麻煩中伏賴野就自己負責
唔好話人無監管

s3n370 發表於 2020-8-6 11:32
郊野公園旺過旺角，老吹都唔好咁誇啦

咁睇下“必要”條線係點劃啦。

「我講咁多，從來只係駁斥一刀切嘅謾罵。
從來有得揀先至係皇道。」???

「一刀切」係指我嘅言論, 唔畀板友揀去郊野公園, 一定要去社區公園?

該板友話自己三次被隔離, 少做運動, 感覺自己身體差左....... 一兩星期唔出街尚可接受, 以月計就唔得.

我就用自己經驗, 提出唔去行山, 可以喺社區搵地方, 行下坐下, 而家好多公園都好少人, 鼓勵板友嘗試改去公園做運動.

喺公園做運動冇人會阻你, 公園本來就係畀人郁動嘅地方, 前提係, 你要戴口罩, 注意個人衞生, 盡量唔去人多地方, 呢啲前提應該無需多講, 而家係人出街都要做到.

康體設施冇開放, 只要你著住波鞋跑鞋, 可以做跑步 急步行呢啲無需任何設備都做到, 對肺部和身體都有益嘅運動, 冇得正常玩球類活動咩, 你又可以當練波, 對住幅牆傳球, 冇話唔得, 利用公園座椅做掌上壓又得, 借助欄杆扶手做唔同健體動作亦得, 愛健康嘅人, 係唔需要人哋逐樣同你舉例, 唔去郊野公園行山可以去邊度做啲咩運動.

覺得社區空氣唔好, 可以學下成功人士, 太陽未升起就出去跑步, 就算唔喺山邊跑, 夜幕低垂, 深夜冇乜車行嘅馬路, 空氣自然會清新, 黎明至清晨時份出街, 試過嗎? 早唔早起睇個人選擇, 唔鍾意, 揀夜晚九點十點去公園又得, 運動完沖個靚涼瞓得好, 完全係睇你點樣揀, 點樣過你嘅抗疫生活.

你又可能會話, 每日返工朝九晚九, 一個月得兩日假期, 又有頭家要顧, 唔駛食唔駛瞓咩! 社區公園好多人行過, 行去公園時, 做緊運動, 都會接觸到好多人, 增加咗感染機會.

希望你唔會咁諗啦, 如果係嘅都唔緊要, 你用你嗰兩日假期去郊外行下, 冇人阻到你, 亦從來冇阻止人哋揀去行山, 因為郊區居民出告示叫你唔好入去, 同我建議板友改去普通公園, 都有選擇權留畀人去揀, 絕無半點「一刀切」唔准人做乜唔准人做物嘅意思!

只係, 板友都認同一兩星期唔出街尚且可以接受, 而你為左一句「一刀切」, 作出一堆前設, 代表二百幾萬家庭發聲, 將個題帶左上太空, 完全唔知你想點!

其實我講呢一大堆嘢, 可能同你所講嘅「一刀切」完全無關, 可惜你不斷迴避, 講嘢鍾意兜圈, 都唔願直指邊段係你心目中的「一刀切」言論, 如果我會錯意, 離晒題嘅, 望大人你見諒!