[舊瓶新酒] 33A/37/237A重組建議

S3V1742C 發表於 2020-8-13 12:42
你留意番
無論係S3BL既237X/33X版 或者castanopsis兄版既 237X
都係仲會有33A同37 cover番 長深荔客

237X我已經喺前面回覆計過數，相信除非特別多客回流，否則都係永世20分班嘅命
20分班搶到幾多鐵路紅小客，心中有數

同埋我嗰段係講緊你「33A/37曾經多客，證明237X會多客」呢個論證存在謬誤，請勿斷章取義
回流客同新客有時可能貪快混用，但佢地其實係兩個唔同概念
40觀荃/234X荃尖呢啲巴士本身做過，可以叫回流，大窩口道油佐呢啲以前從來冇巴士到嘅，應該叫新客

講真，33A自己咩料先得㗎，講真九巴最盡嗰期提過33A縮到去美孚，
100兄建議擺欽州街做循環，北河街客可以行到去，再拆旺角特快，已經好大讓步
cast兄方案，條237X運豬稍加為難唔畀入尖沙咀，重組價值即刻損失一半
至於287X何以>>>>>237X，我早前回覆都講咗，你唔聽就算

我甚至認為，九巴前排忽然肯再改30X入楊屋道，
分分鐘入去搶到客，就會搵33A、238X一齊祭旗，減走三架畀佢，拆唔拆旺角特快後話
事實上我早前建議嘅230，亦保留呢個操作空間，始終大窩口道行車慢客量少，係唔好做

S3V1742C 發表於 2020-8-13 12:38
我亦都好奇你 點解會知道葵盛係想要一條全特快日特快尖沙咀線多過一條經旺角特快直落去尖沙咀線先
而且  ...

葵盛出旺角，37 回程站位差，但勝在夠平，班次亦可以，去程深入旺角之餘走線亦算直接。如果係葵盛兜葵涌邨，無論係好似今日 237A 原路出入，定係好似 castanopsis 兄方案逆走德士古道上公路，都唔會快得過 37，但收費貴兩級，你認為葵盛要一條咁既旺角特快有咩意思？

好一句「葵涌邨班客會唔會甘陪你兜葵盛」，調返轉葵盛客都唔見得會咁樣同你兜葵涌邨

好可惜，無論係我個版本既佐尖特快 237X，定係 castanopsis 兄版本既旺尖特快 237X，都係要 37M 找數。講左好多次，37M 做緊葵盛而唔係葵涌邨生意，葵盛自然有主導權

另一個選擇係葵涌邨兜葵盛再出旺角，但如果葵涌邨唔肯兜葵盛直出尖咀既話，葵涌邨兜葵盛再經旺角先出尖咀，佢地更加唔制

葵盛旺角特快作用不大，佢地係一定想要特快尖沙咀多過特快經旺角往尖沙咀

而葵涌邨兜葵盛但直出尖咀，行車時間唔會差過葵涌邨直插旺角再掃落尖咀

你成日淨係識「旺角以南」「旺角以南」，但葵盛同新區呢件事上面既需要、先天條件同利益根本唔完全一致，而你就幾乎無意識要考慮點樣平衡雙方利益。新區角度可能覺得一條旺角掃落尖咀最好，但葵盛好唔同。就算你話一條掃晒做密車最好，問題係你無平衡雙方利益，總有一邊覺得自己被出賣或者蝕底左，咁又點樣落實得到呢？

況且一條旺角掃到尖咀睇死都係廿分班

castanopsis 發表於 2020-8-13 00:50
41A服務範圍，七八成都可以喺10分鐘內行到落地鐵站
相比之下，葵盛/葵涌邨其實更加遠離鐵路站

首先睇唔明你個遠離鐵路站點計出來
葵涌邨巴總同青衣邨巴總比較下
行去大窩口站都仲近過行去青衣站，即使行去青衣站唔拍 $2
即係距離計，搭巴士得葵盛有着數

37 收咁平，唔趕時間自然會搭 37 而唔搭鐵
就算用依家開 15 時段計，只要 37 快 237X 5 分鐘到站，速度上已經可能打和
正常人都會上架 $5.8 嘅車而唔會等架兜圈嘅貴價「特快」
更何況等車時間計 37 15 分鐘時段平均快 2.5 分鐘
只要 37 跟返 E21 走線行長沙灣道，根本唔會有一半人為咗快 2.5 分鐘而上 237X，除非去旺角以南
結論係葵盛趕時間繼續搭鐵，唔趕時間搭 37
然後無錯新區 237X 係有客
我又假設埋佢地唔會落地底或者上紅小（事實係已經有其他版友質疑過，例如站位方向唔同）
你仲要講到荃富街咁理想，咁點解仲要打劫條 37 而唔係自己爆 5 架車葵涌邨做總站

37 減得一正一蛇加埋 37M 3 架車已經夠自拆葵盛特快，最多打劫埋 38 已經夠玩有突
而你就令葵盛硬食核突走線無得之後拆真特快

S3V1742C 發表於 2020-8-13 12:38
我亦都好奇你 點解會知道葵盛係想要一條全特快日特快尖沙咀線多過一條經旺角特快直落去尖沙咀線先
而且  ...

路過講句
成個荃葵無咩地區落旺角會係平均等 10 分鐘巴士快得過駁腳或者行路轉鐵
就算梨木樹都好，講咗咁耐要死攬兩條慢線，其實大家心水好清九記開條等 20 分鐘旺角特快快唔得過等 12-15 分鐘慢線或者地底好多
要陰乾平線但無快到，咁點解要重組
然後尖沙咀情況完全唔同，除非同西鐵打到正，唔係嘅話巴士等車加埋直落高鐵站時間，相當大機會同地底打和甚至快咗
重點係巴士平均等車時間計同鐵打和，趕時間嘅乘客先吸到一半
同如果等 14-16 分鐘車後巴士落尖沙咀都打和，巴士先可以吸到 7-8 成客
基本盤計，巴士落尖沙咀多好多，亦真係搶到新客源返來

S3V1742C 發表於 2020-8-13 12:56
當初係你對價錢敏感在先
依家又可以話加價加一級同兩級係兩回事
仲要係你原先計劃無任何轉乘優惠提供

唔知你要我 loop 多幾多次

原有路線改快，加價一級可以，而且係慣常做法。但咁唔代表加價兩級都可以！

又要我講第幾次，當年 33A 37 重組流產，33A 加價並唔係死因，死因係 37 加價，有班客無快過但無啦啦要畀多左錢

我重提既方案根本同當年做法有別，你都可以屈我「重覆再提失敗方案」，你真係好應該去篡改歷史書

你一味話會倒走太子客 你條循環線係旺角塞下車 咪又係會倒走回程太子客
仲有既係 潛在既油麻地 佐敦同尖沙咀既客
基本上係多過你果半邊旺角客
就算果半邊旺角客 佢地唔簡黨鐵
本身都仲有慢既37 快同貴既紅小簡
係甘多競爭對手 你條33X有咩優勢先

起碼我仲來回方向都做緊太子生意


又要我重覆幾多次，佐敦尖咀有另一條特快線處理，一樣做到佢地生意，旺角特快都無需要落佐敦尖咀。既然佐尖客由另一條線吸納，自然亦無需要考慮佐尖客比較多定係另外果半邊旺角客比較多。需要考慮既唔係一條線有幾多客，而係出咁多部車做到幾多個客既生意

係得返油麻地，但成條彌敦道，油麻地基本上最少客，比起果半邊旺角仲要少

亦唔好忘記果半邊旺角先係最遠離朗豪坊紅小既位置，亦唔見近 37 站位（況且 37 又做唔到葵涌邨），但人流又唔係少，明明有方法可以引佢地直接上 33X，你就要為左所謂「旺角以南」唔做佢地生意，由得佢地行去坐紅小就算

最後結果會係，大家都吸到佐尖客，但你就為左油麻地而棄半邊旺角甚至太子，明明先達同旺角道係 33X 競爭力最大既位置，你就要奶路臣街同紅小死過。唯一結果只會係弄巧反拙，得不償失

如果你只會不斷重覆舊觀點，無新 point，甚至改寫歷史，我覺得再討論落去都係浪費時間

楊屋道街市果邊係值得一條快線
透過238X重組分拆去做
而唔係靠33X

我唔係講楊屋道往來油尖旺，我係講緊楊屋道街巿往返新區囉，呢班客唔係個個都會坐行緊沙咀道既 34 同 43

tonychow 發表於 2020-8-13 14:11
首先睇唔明你個遠離鐵路站點計出來
葵涌邨巴總同青衣邨巴總比較下
行去大窩口站都仲近過行去青衣站，即使 ...

留意我話41A沿線人口7.4萬
係計埋翠怡、灝景灣、宏福花園等相當貼近青衣站既屋苑
建議既237X覆蓋緊10萬人以上，計遠離地鐵站既人口都多過41A好多

你一方面就話地鐵時間太吸引無人會搭巴士
點知俾我踢爆咗原來37咁慢都有>4000個非長深荔客
然後你就死兜爛兜，話237X只係快過37，葵盛<>旺角客貪平唔會上237X
曬氣，長安上41A都只係快直出既44幾分鐘，唔通41A長安又無客啦咩？

有>4000個客唔搭鐵，搭特慢37落旺角
已經顯示就算theoretically地鐵快，都肯搭巴士
237X 葵盛<>旺角以南，對比地鐵，時間上肯定吸引過37 葵盛<>旺角
而油麻地/佐敦/尖沙咀加埋，向來多人過一個旺角
按呢個邏輯，237X至少會做到4000個葵盛<>旺角以南客

你成日話237X等得耐
實際上，有ETA之下，獨市/半獨市位開20係養到客
養到客之後，按237X個基本盤，繁時應該以開10分鐘一班為最終目標
相比隔離日日俾人問候娘親既綠小89系，實際等車時間未必會長過轉地鐵
反而如果葵盛自己拆尖沙咀特快，就真係永世都唔會做得密，甚至連夠唔夠客全日化都成疑問

castanopsis 發表於 2020-8-15 23:28
留意我話41A沿線人口7.4萬
係計埋翠怡、灝景灣、宏福花園等相當貼近青衣站既屋苑
建議既237X覆蓋緊10萬人 ...

青衣本身搭車習慣唔同，出旺尖搭地鐵要轉一次鐵，轉完又唔係快巴士好多，咁樓下就有巴士，所以巴士咪有多啲人搭

237X沿線嘅10萬人，都有唔少係老化人口，加上有啲人習慣咗出旺角以南係轉鐵，所以佢哋真係未必受你條237X

41A沿線人口有冇計埋長青邨？佢哋都有人行落嚟搭41A

Ricky403 發表於 2020-8-13 12:23
你攞41A黎比較，最大問題係青衣出九西本身要喺荔景或南昌轉多次車，巴士有個優勢
否則，照道理44青衣覆蓋 ...

33A+37總體客量係多過44唔少
拆出來計少過44都正常，始終新區/葵盛任何一區人口都少過青衣
亦要記住，以前無論33A定37都頗為風光
葵涌邨重建/葵聯邨入伙，區內人口上升，但兩線客量倒跌，係九巴一手搞出來
而減班明顯唔係因為無客，純粹係因為收得太平無肉食，次次都搵佢開刀做其他貴價線
如果33A可以用4-5部車做返同一班客，然後開返條價錢正常既237X，路線吸引力同巴士公司營收都會好過宜家好多
咁先有破局既可能，否則兩條線只會繼續頹落去，然後明明有客都變無客

留意番，37本身收得$5.8，主打嘅唔係速度而係平價，而且興芳路新都會先係客倉
喺計37有幾多葵盛<>旺角客之前，要七除八扣，
葵康苑打後上車全部都唔計，要數過客先可以得出結論
尤其你個所謂估算好多位都係葵盛<>旺角個數不斷乘二，呢個數一有啲出入，出到黎個數字就爭好遠
舉個例，如果實際只係1500個人用37來往葵盛同旺角，參考你個運算，最後旺角客2875個，再加油佐1438個，(先唔好期望入到尖沙咀，望下人地北區270A鐵路非直達都爭取咗幾耐先入到去)，最後出到黎係4313個
全日20分班，一日對開17個鐘共102班，4313/102=42.28，按行車時間65分鐘收$8.1計，300*65/60/8.1=40.12
的確唔會無得做，不過就算你估計方法正確，出到黎都係啲唔上唔落嘅level

RPP條數寫37有4000-6000個非長深荔客
除非葵芳美孚佔七成，否則無理由得1500個係來往葵盛<>旺角
然後你拋低一句“唔好期望入到尖沙咀”就將旺角以南條數減半
擺到明條數唔合乎你口味，結果要夾硬搵個辦法做低佢，真係令人嘆為觀止

葵涌邨貴為全港最大既公共屋邨，又離地鐵站有距離，入尖沙咀priority係好高
若果你想減少尖沙咀車流，應該係搵87D/281A/271拆唔經彌敦道既尖沙咀特快
而唔係搵一個十萬人既獨市/半獨市社區埋單