咁就輪到葵興會嘈
我心目中太子基隆街只係定時點，早到就稍作停留穩定班次，唔會落車休息
做雙向總站，好處係朝早逆向可以隔班私返葵涌邨開車，抵消返塞車既影響
執一執更表，同40X互跳，早繁/日中應該可以四部車搞掂
只係下繁出九龍本身會有客，要維持返兩邊20，可能要加架order，但呢個本身唔會點影響建議可行性
無論如何都好，都要做到一轉連休入面有大約 20-30% 時間係休息
我覺得你低估咗汝州街既威力
我知你未必有機會落場睇，但汝州街因為北河街行人專用區班人唔跟燈號過馬路，基本上日中任何時間都可以塞到拉手制
如果37宜家維持到班次，飛走汝州街減一車，非繁下繁個行車時間係唔會緊咗好多
其實而家 37 非繁已經係做緊 8 部車 15 分班，你飛走汝州街慳到既時間，係唔足以減到一部車出來，除非你同時減到 20 分班開六部車
你呢個做法，會略為好過Ricky403上面個自殺方案，但都係唔理想，原因有三——
一、
你搞完一大輪，服務範圍完全無擴大過，旺角以南仍然係真空
條33X單靠旺角，亦無可能塞滿一架車
建議你不妨望下41A北行，彌敦道堆站，尖沙咀/佐敦油麻地/旺角，客量各佔三分一
學701咁循環，客量就會好似701咁，非常一般
我個方案唔同，三條線客量都好穩陣，237X更加係大有發展潛力
做人要睇餸食飯，無左做埋油麻地佐敦會帶來更多客源，但而家 33A 37 本身都係亞皆老街止步，事實係無必要去旺角以南。跟 701 做循環，已經覆蓋旺角最多客既大部分位置，就算信和行去亞皆老街都係可以接受距離，站位遠比而家改善。我好同意 Ricky403 師兄所言，唔係條條旺角特快都事必要彌敦道左轉亞皆老街走鬥塞，而本身無全日線入油麻地既葵涌邨正正係少數有條件唔需要開線咁行既地區
而講到睇餸食飯，最大問題係收費。$6.4 最盡加到 $7.5 已經係極限，呢個收費應該無乜可能去到尖沙咀，甚至連佐敦都有疑問
而你強行將葵盛同新區夾埋砌一條旺角特快，無論先葵盛後新區，定係先新區後葵盛，總有一邊唔會比而家 33A 或 37 快幾多，換言之無藉口因此抽走本來果條旺角線
而 37 收得平過 33A，客量好過 33A，但潛在客量又唔好得過 33A，我放棄葵盛旺角特快係理所當然
尖沙咀係另一個問題，我選擇尖沙咀拆開來做唔係無原因
二、
33A其中一個好大既問題，係荃灣/大角咀頭尾段各自有塞車位
結果多客既長深荔<>新區一段，班次又疏又唔穩定
你個方案完全無解決過呢個問題，朝早新區班字軌客要等你部車從欽州街開過來隨機到，好影響吸引力
同樣係四部車，我個方案葵興站/葵涌邨準點開車，做到238X邨巴個效果，吸引力會高好多
深水步欽州街開過去大窩口，下繁前基本上完全無塞車位
三、
你個方案好似用車無咁緊
原因係因為你殺咗37M、抽43車
但呢個本身唔係given，尤其 葵興芳<>新區<>荃灣 改完之後係少咗車，43再減其實講唔通
如果37M係可以就咁殺既，我個方案都唔會有任何用車問題
但分別係我改完後仲有條 33X 做緊葵涌邨同大窩口來往楊屋道，你就成條無左，新區荃灣減得比我仲多。我認為值得保留楊屋道街巿往來新區
新區往來葵興芳仲有 44M
而 43 客量平平，個人認為有條件做有限度提款機，協助新區交換其他野返來
|
|
|
fb.com/scientisthk2usa/
|
|
|
|
|
|
攞人口數字黎講可以，但當區居民點樣構成更加重要
葵盛以前都算風光，37 38 47X都有個位數班次，朝早仲有337過海，
甚至仲好過荃景圍 (主要依賴兩繁邨巴)、荃灣西約 (234X雙位數+334僅兩班)
過咗二十年？337因為經荔景，98年東涌線通車就客量不足加有鐵路取消咗，
237A上座率一直唔理想，改完旺角特快再入葵涌邨，上座率依然唔理想，
如果一個葵涌邨足夠趕走大部分乘客，何解38上繁東行依然做緊個位數？
城巴930拉咗一班兜葵盛圈，但都係僅僅一班而已
究竟係九巴唔想做，定係葵盛出區需求最大嘅時代已過，心中有數
葵涌新區荃富街都叫做好啲，葵盛尤其西邨據聞人口老化相當嚴重
退休人士習慣咗搭47X行新城市，你塞條旺角特快237X佢地都唔會用得著
而新區33A拆線都相當勉強，我揀先飛起興芳路換拉長條線去到佐敦
大重組唔一定要一步登天，33A飛興芳路之後，客量夠好一樣有機會加車拆線
286X/286P一樣先繞過長沙灣兜深水埗再番長沙灣，長沙灣客都唔係走好多
你話葵盛交通需求最大既時期過咗，我當然認同，九巴亦已經率先身體力行減咗好多次班
但你又知唔知高盛台、葵涌邨、葵聯邨，係2003、2008、2014年先入完伙？
最諷刺既係，每一次入伙之後九巴都會減一次班，次次都搞到爆瀉
然後？班客見你班次打曬大風又爆瀉，就一去無回頭
究竟呢幾區係 “需求低” 定 “被需求低”，自己判斷
實際上，經濟結構係有數睇，可以上政府網站查
見你講到咁口響，我即刻上網攞曬堆數落來
原來葵盛圍3.8萬人入面，勞動人口佔20000，仲多過梨木樹
如果葵盛+新區+大窩口，勞動人口更加有54599，係四順既兩倍有多
呢個咁既勞動人口數字，幾乎全部獨市，無車去旺角以南，其實真係離曬大譜
237A問題係開得一班，知名度極低
加上大窩口邨/葵涌邨唔少位都做唔到，我覺得難以作準
如果你有興趣解決奶路臣街問題
不如問下1/1A/104點解明明有其他行法，都仲要停奶路臣街再左轉亞皆老街兜圈
呢三條線車海線改走，我再拆多五條新界線都無問題
深長荔線旺角邊皮都唔掂，本身客量容易不穩，畀我揀我寧願放棄少部分「強迫症」深水埗客換取旺角道客
286X/286P一樣先繞過長沙灣兜深水埗再番長沙灣，長沙灣客都唔係走好多
86B變286X，幾乎全部客都快咗
33A改成 美孚>長沙灣>東京街>西廊>旺角>深水埗>長沙灣>美孚
旺角客根本無快過，深水埗客就無啦啦俾你改慢20分鐘，講唔過去wo
|
|
|
|
|
|
|
|
|
本帖最後由 castanopsis 於 2020-8-5 01:20 編輯
如上面所述，237A得一班車不能作準
返工要準點，得一班車唔知會唔會爆，走咗就遲到，其實係好影響吸引力
假如葵盛接受到 37 減班，例如減到全日 20，自己拆 5 架車全日落佐尖都得啦，點解仲要同大窩口拆？
而葵盛要拆線落旺角以南
葵盛>新區>大窩口>荃灣路 只係比 葵盛>葵興>葵芳，慢大約5分鐘
同時新區大窩口六萬人，長遠可以將237X個班次谷密一倍有多
葵盛角度，肯定係我個版本既237X著數
另外，37做緊7000人以上，大半係長深荔太子客，減落20唔合理
至於你個32/33A合併方案，我仍然唔明，究竟邊班客快咗？
如果單純係想攞32堆車，點解唔32/36A或者32/36B合併？
|
|
|
|
|
|
|
|
|
無論如何都好，都要做到一轉連休入面有大約 20-30% 時間係休息
你個方案好似都做唔到一轉20-30%時間連休
Again，如果可以學你講殺37M，咁就5架車行33A、37唔減車都無問題
做人要睇餸食飯，無左做埋油麻地佐敦會帶來更多客源，但而家 33A 37 本身都係亞皆老街止步，事實係無必要去旺角以南
做得重組，當然想搵新客
十萬人既獨市區無車去旺角以南，本身就係問題
你搞完一輪原來只係旺角快咗幾分鐘然後覆蓋無大過，我覺得好唔理想
而你強行將葵盛同新區夾埋砌一條旺角特快，無論先葵盛後新區，定係先新區後葵盛，總有一邊唔會比而家 33A 或 37 快幾多，換言之無藉口因此抽走本來果條旺角線
我個方案237X先葵盛後新區
葵盛係唔係快咗好多，但同時37順向班次亦無減到
葵涌邨大窩口直飛旺角，會快過33A好多，減佢服務亦好合理
講真，二拆三，多咗條線
我估班議員唔會為咗旺角價錢問題拉倒237X做油佐尖直車
仲唔藉機upgrade下班客改善下營收？
奶路臣街問題如上帖所講，應該從1/1A/104著手 |
|
|
|
|
|
|
|
|
本帖最後由 KW2523 於 2020-8-5 12:49 編輯
洗衣街唔少人搭1A,跟87D行可能有站位問題
而且太子內街咁多違泊,多一堆大車行就輪到個度塞
|
|
|
|
|
|
|
|
|
葵盛點拆都好都係同葵芳拆最着數
我想講嘅係，不論荃葵邊度都好，拆旺角特快本身就有問題
拆完 20 分鐘一班，然後旺角 - 葵芳搭鐵先 16 分鐘
當你架車要等 15 分鐘嘅時候，巴士未上西廊我搭鐵已經落咗車
然後你以同鐵鬥快做賣點去處理唔同區域，結果得一部分區域真係夠快
石圍角架 32 唔止唔夠快，唔經中軸線係更嚴重問題
梨木樹唔肯重組 A B 內街走線嘅情況下，拉 36A 36B 兜來兜去一樣反感
特別係石圍角，除非做尾站上公路，如果唔係巴士落旺角唔會快得過用 10 分鐘行落荃灣站
不論 30X 又好 36B 又好，拆條旺角特快好大機會貴咗但同搭鐵轉 M 線差唔多時間，仲要深水埗線好大機會陰乾埋，咁拆來把鬼
葵盛行新區慢 5 分鐘，問題係西廊特快比起長沙灣道一般只會快 10 分鐘左右
加上葵盛頭站，即係葵盛出佐尖同祈德尊搭 234X 出佐尖一樣咁慢，有幾多吸引力都係問題
就算你唔問用秒計嘅準巨，你試下問其他版友，如果你條 237X 喺葵興站前落車開個雙向分段，有幾多人會繼續搭落去而唔係拍咭落地底
最慘係，興芳路永遠唔會拆到條佐尖特快，即係葵芳 - 佐尖 100% 落咗鐵（留意返最近都要搭 42A）
搭鐵 21 分鐘 + 等車 3 分鐘下，巴士開 20 分鐘一班，7 成時間 14 分鐘以內等車，即係葵芳 - 尖沙咀用 10 分鐘跑完就會快過搭鐵
巴士可以行三幹，非繁 10 分鐘內跑到落高鐵站，呢種先係搶到客嘅特快
亦解釋到點解新都會 930 收 $17 都仲可以做到客倉
我嘅重組方案重點有兩個
- 同鐵鬥快，要喺大部分等車時間（例如班次間隔 70% 下）加埋都快過鐵，先叫觀感快
- 唔同鐵鬥快，直行長沙灣道彌敦道，站位係重要因素
|
|
|
|
|
|
|
|
|
本帖最後由 LF6277 於 2020-8-5 16:37 編輯
唔睇好條237X 新區要出旺角佐敦早就上哂車海級紅小 而葵盛又無快過 反而我係度諗33A縮去海濱食埋38A既可能性
|
|
|
|
|
|
|
|
|
castanopsis 發表於 2020-8-5 01:05
你話葵盛交通需求最大既時期過咗，我當然認同，九巴亦已經率先身體力行減咗好多次班
但你又知唔知高盛台 ...
1)
葵涌新區唔係要為咗就你而同葵盛捆綁，由你嗰五萬幾減二萬，即係有三萬幾係葵涌新區+大窩口，可以拆出黎搞
學S3BL100兄又好，學tonychow兄都好，佢地都示範咗點樣將葵涌新區大窩口同葵盛分開
高盛臺得單幢，單幢樓就算偏僻獨市，待遇又有幾好呀，睇下條14X做緊乜班次同乜走線啦
講黎講去，葵盛得葵聯邨同高盛臺係比較新
但巴士做葵聯必定係頭站，做埋高盛臺仲要來回都兜大圈，唔係開到38呢種頻密班次，正常人都上咗小巴 (37M唔係有車都廢事等，疏)
2)
「先來後到」，點都冇理由為咗遷就旺角特快願景，而要1/1A/104原有三條搭咗幾廿年嘅洗衣街客讓位嗎
運豬當年已經算識揀，揀條有203C局部分流，路程最短嘅104改，點不知203C唔到石硤尾白田，白田一出聲又係冇得改
人地唔學大角咀嘈噪音咁，嘈你旺角特快阻住地球轉，想特快應該拆哂尖沙咀特快，已經好仁慈
咁1/1A/104三條線要由彌敦道北行轉入洗衣街北行，點樣可以將佢地撤離彌敦道左轉亞皆老街？
嗱，好簡單，天橋搞掂之後，運豬一句開番彌敦道右轉旺角道，北行就天都光哂，幾多旺角特快，只要唔係兩三條車海，都塞得落
不過到時彌敦道南行倒塞西九龍走廊橋面，重演高鐵通車前連翔道倒塞三幹南行，倒哂去程油尖客，就等睇好戲鳥~~
(幸災樂禍mode：西廊塞車咪行大埔道囉)
3)
旺角客打和，深水埗慢20分鐘？
你未免太睇少東京街打後嘅長沙灣道南行一多車可以慢到咩地步
平日下晝四點幾，長沙灣內街倒塞，長沙灣道多車，於是東京街燈要第二次綠先過到
欽州街燈一樣多車，第二次綠先過到
南昌街前面再塞埋站同爭位，又係第二次綠
呢度已經要加6-7分鐘
況且，有站友提過長沙灣道右轉唔到東京街，即使要採用呢類走線，本人淨係諗住去程最多停埋光昌街/昌華街之後就右轉興華街，不停站直剷弼街，亦計過數，多數去到太子左右打和
太子返深水埗，一般行車只需5分鐘左右，何來慢20分鐘？
呢類走線唔係主為吸客，而係為慳車，務求一轉兩個鐘做哂出四架車搞掂
最後，本人並冇提議33A用呢類走線，前面回覆亦已經表明本人提議33A先飛葵涌道天橋延長西九龍站加價，切勿胡亂解讀 |
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
樓主
