[舊瓶新酒] 33A/37/237A重組建議

S3V1742C 發表於 2020-8-7 23:42
其實呢係我講得唔夠清晰小人坐當然唔可以無視八仔轉乘可以當其中一個方法縮短後33A比人平價$6.4落旺角同 ...

你覺唔覺得你講既野前後矛盾？

如果 33A 返荃灣最多客果幾個站係基榮小學、北河街、怡靖苑同荔枝角站，太子至北河街之間少客既話，回程無左呢段都唔係問題，反正行去 33A/X 站位都係步行距離，學你話齋大不了咪加個轉乘收 33A 原價

33X 做循環，鴉蘭街係基榮小學既替代，你亦可以諗下基榮小學堆客係由邊行出來

你夠識話新填地街少人上車，根本問題除左係 33A 太慢外，站位亦方便唔到大半個旺角。太子一帶少客，我倒走佢地，將 33X 站位執靚，鴉蘭街旺角道先達朗豪坊做齊晒，換取更多人既方便，有咩問題？

北河街有買餸客，亦有非繁人流，但西九龍中心總站唔係合理替代？根本好多地區由深水步返去，都要行到西九龍中心/西九龍警署先有車坐，但一樣可以做到客似雲來，站位亦方便到西九龍中心行街客。況且總站開車，唔再好似而家，受到大角咀至汝州街之間交通狀況影響，仲穩定左

castanopsis 發表於 2020-8-9 20:39
你個方案將33A/37二拆四
客觀效果，係條條線都只係夠客開20-30
重組搞到咁，無論對巴士公司定乘客而言都 ...

基本盤有幾多係一件事，現實做唔做得到呢個重組又係一個問題

即係好似 42A，有好多朋友覺得可以同 43C 一齊，複製 41A 44 模式重組，去埋尖沙咀。但問題係地區亦唔會同意去油麻地佐敦收費跳兩級，同時出旺角車程縮減對比起等車時間增加唔算明顯。當然 42A 本身用車數量多，想像空間較大；但 33A 係無米炊，可以做到既野難免比較有限

但與此同時，33X 拆完後仍能做到廿分班，等車時間無增加過但落旺角車程同站位明顯改善，對比 42A 個情況更容易得到地區同用家支持

對比你同我既方案，你既做法無疑對荃富街同大窩口都比較理想，但最值得做既葵涌邨，係咪用你個方法去做更好，已經有疑問。雖然唔會吸唔到客專登坐特快線，但去程站位同紅小相反，變左迫人出門口就要二揀一，未必有助於儲客

你個方案對葵盛出旺角無著數可言，葵涌邨出尖沙咀大家打和，但葵盛出尖沙咀係我個方案贏

我做唔到荃富街特快油尖旺同時，你做唔到葵芳尖咀特快，呢度只可以話大家對邊舊客有戰略意義，解讀唔同，無得拗，亦無對錯

但你似乎無解答過你個方案倒走左楊屋道新區流水客問題。當然長者可以坐 930，同樣係兩蚊，但九巴係咪有誘因倒走佢地呢？叫非兩蚊客坐 930 又係咪合理？至低限度我個方案對現有乘客影響較少。當然你話希望做到某個水平班次唔係錯，但前提係你個方案要落實得到先，否則都係無意義

castanopsis 發表於 2020-8-9 20:39
你個方案將33A/37二拆四
客觀效果，係條條線都只係夠客開20-30
重組搞到咁，無論對巴士公司定乘客而言都 ...

41A 本身唔係合理類比
成個青衣出旺角以南，喺有 41A 前最快都係青衣站 / 葵芳站轉鐵
但係大半個青衣行落去青衣站都要 15 分鐘甚至更耐，又或者搭駁腳
就算長康一帶行落去搭 41A，都有機會吸到青衣南旺角特快 / 尖沙咀客源喺 42A 過檔
就算計山下青衣邨、翠怡一帶，行去青衣站都唔會近過大半個葵盛行去葵興甚至葵芳站
仲未計成個新區大窩口本身都係貼近地鐵站嘅
橙色綫本身疏車，不論落尖沙咀定旺角都要兩程
種種因素加埋下青衣旺角特快的確有得做
你條 237X 根本無呢個效果，普通人 10 分鐘內行到落地鐵站嘅，都唔會覺得地鐵唔就腳
就算你計鐵路盤，綠楊新邨最遠果座落地鐵站分分鐘都要 7-8 分鐘
成個大窩口邨最遠果座行落大窩口站，都仲近過長安最遠果座行落青衣站
呢個情況下，你減返圍繞地鐵站 10 分鐘路程嘅圈，有無咁多人搭都成問題

S3V1742C 發表於 2020-8-11 12:43
油佐係有紅小  但係相對下佐敦道紅小車疏 旺角番荃灣既紅小係密到好多人坐其實反而係你唔明我講咩 係人都 ...

問題係33A冇車畀你玩拉到落佐敦再拆旺角特快又做得返始創
拉長到佐敦、拆旺角特快、始創/基榮+石硤尾街，只可以三揀二
當然cast兄成功地借37過橋去做哂三樣野，但係問題會變咗葵芳點做同葵盛係咪咁做最好

S3V1742C 發表於 2020-8-11 12:43
油佐係有紅小  但係相對下佐敦道紅小車疏 旺角番荃灣既紅小係密到好多人坐其實反而係你唔明我講咩 係人都 ...

不如我咁問你，既然你用 35X 做類比講旺角西無客，又不論強調紅小密車同速度快
咁嘅話，係咪無論如何，拆旺角特快都唔係出路先
坦白講，講咗咁耐我諗應該仲有其他版友睇唔明你立場
如果旺角唔值得做嘅話，不論拆 33X 定係 237X 都唔係出路，因為經旺角會倒走咗佐尖客
咁係咪大窩口新區自己爆條佐尖線，放棄油麻地（甚至必要時尖沙咀直上公路）就解決到問題先

S3V1742C 發表於 2020-8-11 16:37
要澄清一下 我自己從來係支持旺角做特快
只不過對於只做旺角特快既成效有所質疑
做埋旺角以南 係執新客

老老實實，荃葵青三大區尖沙咀線係各自一條，葵涌呢邊，得梨木樹石圍角先至可能搭到35AX單拆出尖沙咀車
中葵涌下葵涌實在太近鐵，附近亦無尖沙咀線拉過去
改動之後九西線最遠去得到佐敦，已經要還神

cast兄建議嘅237X相信出到黎客量唔會太差，
但現實考慮唔會入到尖沙咀，加車源有限底下潛力都麻麻，
永世20分班嘅話，會處於居民長期「就黎有車先等」嘅尷尬位

castanopsis 發表於 2020-8-9 20:12
上面#42詳細計咗一次車程
葵盛尾站出旺角，237X車程大約25分鐘，會明顯快過37或者小巴轉鐵
甚至出到油麻地 ...

但同一時間，大窩口、葵涌邨同葵盛圍三方的利弊好難權衡得到，
由當年 33A 建議掟上西廊做旺角特快循環，37 拉去葵涌邨都比人 ban，
就可以見到三個地方拉埋一齊係唔搞好過搞，各有各做仲好。