未入嚟前以為行山, 入到嚟睇到經科大, 都還可以.
竟然之後落坑口, 仲要兜厚德, 行將隧出藍田站, 回程再用將隧入坑口, 又兜埋厚德, ......
巴士做, 效率又低啲.
西貢出入坑口, 唔係101M就係792M, 仲整多條792爭食.
792兜完坑口, 再出觀塘, 繁時塞將隧, 要改變人生活習慣, 棄101M轉鐵, 唔容易, 你最起碼諗諗計搞好條將隧, 令佢唔會塞車先好諗西貢經將隧出觀塘, 不過唔駛諗都知冇可能.
西貢去西灣河咁冷門, 而家792M厚德邨都轉到694, 將隧轉只係條路短咗, 需求低, 仲有其他合理方法, 巴士疏轉疏的優勢在哪?
然後, 西貢唔出坑口, 仲有出彩虹呢個最傳統方法, 咁試問藍田轉鐵嘅優勢係去邊度呢, 要過海 去油塘可以喺坑口轉, 九東其他地方喺彩虹轉, 早繁有292P一班車, 有全日小巴9號, 科大有104.
104已經做緊康寧道直落觀塘市中心 牛頭角站, 都唔算得好客, 科大 清水灣道-藍田可以有幾大期望呢?!
你的建議重點都在坑口直出將隧, 西貢只係點綴, 但當西貢有更穩定轉車方法, 西貢-坑口段只係101M 792M執雞, 坑口-將隧段(轉車)有102 103 A29競爭(小巴轉車站直行直過), 仲有經寶林的98D 297 694等, 西貢 科大 坑口-啓田道只得一班客, 冇流水成份, 點樣維持咁大架巴士去做一個唔疏嘅班次, 吸引人轉車站用佢出入西貢呢?
所以, 畀我最多係用小巴做, 紅小唔試, 就用綠小做, 行山, 不經將軍澳.
九龍段避免同12 60重疊, 應招標一條經安達臣到藍田平田邨或油塘油麗邨專線小巴, 專門做12西貢 清水灣道沿線-安達臣石礦場-藍田-油塘, 可能因寶達邨一段與12主客源重疊, 亦可不用招標, 直接交予12小巴營辦商做.
用小巴做較靈活, 就算中途兜入住宅區, 車程都會比巴士短.
此建議重點不是做坑口-將隧-藍田, 或者你可以無視.
另外, 將藍通車會唔會大減私家車使用將隧出入仲係言之過早, 將軍澳仲未發展完, 住得入去都係比較年輕, 會追求有品質生活, 買架車代步好平常, 西貢村屋發展仲未停歇, 一間屋仔三層樓, 一層一家人, 一間屋有三架車唔出奇.
將隧轉車站早前討論都話驚日日塞到大老山 屯轉咁款, 就算將隧少幾多車用, 巴士仍然係要跟慢線排隊入轉車站, 所以將隧未來交通唔好諗得太理想. |
樓主
