鑽石山站加建樓梯

早兩日發現鑽石山站觀塘綫大堂東端預留位起緊一條樓梯，但個位係非收費區，唔知實際會點用。

大堂層


月台層，以前係用鐵板封住的預留位

如無意外，
應該會喺樓梯出入口附近加裝一部出入閘機？
（參考彩虹站一個升降機小閘區，應該會喺大堂加設入閘機）

好大機會係彌補之前改建車站﹐令到觀塘線月台沒有樓梯往返大堂﹐所以要補回。
當電梯未能運作時﹐仲可以調配樓梯機支援﹐處理輪椅乘客上落大堂/月台。
只係古怪在而家成個車站已經改建完成後才加建。

而這條樓梯在正常情況下﹐好有可能只供入閘之用。
避免有人由觀塘線轉車去屯馬線﹐錯誤地出閘而影響車程收費。

呢個預留位都好耐下喎，仲以為會加裝電梯

睇來鐵欄位置應該會整多幾個閘機

一個由1979年留到而家嘅預留位終於得到好好運用。

睇返黃大仙東大堂使用情況，我諗就算開放，實際上閘機開放時間應該都係繁忙時間開放。

toyl 發表於 2020-8-20 10:14
睇返黃大仙東大堂使用情況，我諗就算開放，實際上閘機開放時間應該都係繁忙時間開放。 ...

格局上真係同黃大仙差不多。
如果係專做入閘﹐上下繁及周六周日都用得著。
除新蒲崗工廠區之外﹐上面個商場都帶左唔少人流使用的。
*以正常非疫情時期來講。


PS. 其實大堂層後面係好大的﹐整完樓梯及入閘機﹐就可以後而加鋪位

00742603 發表於 2020-8-20 09:17
一個由1979年留到而家嘅預留位終於得到好好運用。

唔算係好好運用﹐因為當初係預一對2條的自動梯的。

不過﹐一直以來的人流問題及大堂出口的佈局問題﹐令到好難發揮到這個預留位。



太子站的佈局可以講係一樣﹐深水埗方向的一邊﹐都係有一個專做入閘的獨立區域﹐接2條自動梯落2層月台。
分流大堂去月台的人流係好的﹐但係人流唔夠係好浪費開放的成本。

而鑽石山這個空間﹐由於與新擴建部份係不相連﹐變相就做左一個雞肋位。
唔能夠好似太子站的情況﹐完美地善用這個入閘專區。

kei_hk 發表於 2020-8-20 11:23
唔算係好好運用﹐因為當初係預一對2條的自動梯的。

不過﹐一直以來的人流問題及大堂出口的佈局問題﹐令到 ...

如果要好好運用，可以將收費區擴大，非收費區屈出去，空出來的呢個位做返一對電梯，將B出口連接新舊大堂的通道劃一半做收費區，成為第二條轉乘通道。

而家屯馬綫大堂近B出口一帶好少人用，人流都集中在中間。即使公屋落成，暫時都只係近A2出口。

DIH 發表於 2020-8-20 14:44
如果要好好運用，可以將收費區擴大，非收費區屈出去，空出來的呢個位做返一對電梯，將B出口連接新舊大堂 ...

我真係唔知當初70年﹐那一個封存的預留位係點去擴展。

但係那個位置的玩法﹐就係同太子站(上面我提及的入閘專區)一樣﹐連自動梯的方向都係一樣。
係乘客入閘後﹐要屈番轉頭向月台中央落月台的。

空間上就應該做唔到分拆一半做非收費區。


但以現時的情況﹐在擴建新站的時間﹐我相信都無預過會用埋這個區域。

如果當初有想過﹐真係未必好似而家這樣玩。
** 可能有工程技術問題﹐我們外人唔會明白的。

想最善用這個空間﹐這個預留自動梯位﹐就應該整多條轉車通道﹐可以直落屯馬線月台。
不過﹐要穿過使用中的出口﹐技術問題可能在於此。

現在﹐只能做到落觀塘線月台﹐真係有點浪費。
但基於現時觀塘線月台無樓梯﹐才焗住起番條樓梯出來。