屯馬綫通車後，263 及 269D 有減班的危機嗎？

老老實實，係馬鞍山/第一城坐城隧線落荃灣轉車去屯門時間仲快過條屯馬線
屯門線係觀感上唔洗轉可以直接去到咁解
反而263應該開全日線來往馬鞍山/第一城<-->良景/碼頭
咁先搶翻堆客翻黎

he_01 發表於 2020-8-24 23:20
呢排61X嘅待遇唔似要上路

所以咪話唔贊成cut 61X。不過回顧61X嘅文，就知有人非要61X cut 不可

但61X派車真係靚左好多，要E6X有E6X, 要3ATENU有3ATENU
至於屯馬巴士線，個人認為應該係搵40X同43X改，先可以令成個轉車站受惠。就咁開一兩條繁時線可以，但唔算係解決左問題。由於唔熟，所以交番俾其他人討論

eric278 發表於 2020-8-24 22:07
不過學生就會！因為有特惠港鐵車費！

係考慮車費嘅話 有冇臀馬綫都一早上咗黨鐵啦

MCMoore 發表於 2020-8-24 22:51
沙田市中心計，現時紅磡站轉東鐵都快過日後大圍站轉。但城隧線有個問題係靠轉乘覆蓋河東及大圍，如是者大圍 ...

俾你講咗重點，263 及 269D 做城河東及馬鞍山其實總係爭梗啲，尤其轉車上浪費唔少時間，又未必有位坐 (轉車站上車的確無保證可以坐足全程，我都企過唔少次，甚至趕起時間嚟，幾經辛苦擠上去 ) 如果目的地係天水圍北或屯門北等地，好大可能又要再轉多次車，前後三程車。

同埋依家由城河東去大西北，搭鐵係最少轉兩次車，唔係一次 (仲要紅磡站非繁經常唔係月台對月台，依樣極趕客)，日後反而一下子減至一程過 (頂多再轉程輕鐵)，
我個人認為吸引力真係大增。

無可否認，城河西嘅人應該點都會繼續保住依兩條巴士線，依家就視乎城河東或馬鞍山班人點睇。

以67M/X區內走線,兆康應該會改哂搭鐵

其他地方唔太清楚,不過連埋263+轉車嘅額外等車時間,屯馬實際用時差距遠比觀感差距細
唯一可以肯定嘅係唔會有明顯幅度減班

SLsTuDiO 發表於 2020-8-24 22:11
印象中好似講過就算全線通車之後 唔會班班車都行勻全線.
如果要中途落車轉下一班, 咁我不如照坐翻263/269D ...

lee個我又冇印象喎，係咪部分班次會由屯門開去紅磡/烏溪沙往啟德?

240798790262289 發表於 2020-8-25 00:51
lee個我又冇印象喎，係咪部分班次會由屯門開去紅磡/烏溪沙往啟德?

之前有人講過話係第一城至天水圍，技術上係易做嘅，但效益唔覺得太大，因為行埋餘下嗰段路程都唔長。

SLsTuDiO 發表於 2020-8-24 22:11
印象中好似講過就算全線通車之後 唔會班班車都行勻全線.
如果要中途落車轉下一班, 咁我不如照坐翻263/269D ...

由紅磡站向東去到啟德站同第一城站先有側綫停泊列車，但出入啟德站側綫都會阻塞正綫，所以區間車起碼會開到第一城站

263同269D都係同時間做緊兩大轉車站，仲要兩條都係頂閘當食生菜，時間上又唔係無競爭力，屯馬線影響有限

不過我同意263應該要考慮擴大沙田同屯門覆蓋範圍