荃灣區議員關注荃灣西至西灣河巴士線進展

依家睇18X之後係點,到時就唔駛口同鼻拗

大西北太大,如果家家有求
其實就算最後每區都有全日線
那怕只是30分一班,加埋都會變車海班次
對東區而言加重負荷,亦未必有位擺咁多線
公平原則下,一係開晒,一係一條都唔批
而接駁口岸線理論上睇高一線

今日先有議員鬧政府高估客運需求
但其實好似巴士公司同運輸署
有時諗野係保守
不過我傾向唔係佢地睇錯市
而係佢地知道D我地唔知既野

同埋有個問題係,全日線開左,理論上收唔返
914收左N年都收唔到

如果好似W1咁有退場機制,試下無妨

Ricky403 發表於 2020-9-13 14:53
錯
以前兩鐵合併前地鐵個行車時間係有低估
當然以前步速都預慢啲，中環香港預8分鐘畀你行，而家削到6分鐘 ...

我諗你要睇番清楚
按今日地鐵網站
荃灣到香港係22分鐘
荃灣到中環（經香港）係29分鐘，中間預7分鐘俾你行


而預計行車間的條款，係講明月台到月台，亦請自行預埋月台上去的時間

中環站4號月台車尾，行去香港站己經係最遠的轉車距離
（唔好同我講荃灣線月台，地鐵網站預夠9分鐘俾你）
正常步速5分鐘可以行完，
加埋正常下繁排隊扶手電梯，排到下班列車到站先搭到，先至要7分鐘。
再慢D唔係無，推大型行李/BB車/輪椅要搭升降機就要啦。
咁俾個最遠又要等的時間你，唔係保守係乜。

都係果句啦，行路有快有慢，等車都唔係次次一樣時間。
如果勝負要去到行得快慢/等多一兩班車果三兩分鐘決定，
咁難以講得上明顯有優勢。

castanopsis 發表於 2020-9-13 00:58
港島走線跟返100兄個建議
糖水道落橋，筲箕灣止步，應該係最理想
北角本身係旺區，多食店小舖，又有寶馬 ...

我自己就覺得用930X提速來回行告士打道只停大站同做埋北角炮台山甚或至大膽D開新線由北角開經炮台山同天后銅鑼灣跟住過海，
一來整個炮台山同北角都基本上可以覆蓋到
二來銅鑼灣天后可以有更快車程去到西隧口，唔駛兜電車路去到上環先上公路

至於東區線去荃葵就柴灣東兜完小西灣跟682X去到模範邨上橋，去柴小就跟960X/968X去到英皇道跟82X入柴小
一來太古坊上班客有直達服務
二來柴小有直車之餘時間上又唔會比788/789轉西隧線時間上相差太遠 (根據平日搭968轉788同968X轉82X既經驗大約差5-10分鐘左右)

s3n370 發表於 2020-9-13 09:53
哈...其實我係唔睇好荃葵 - 東區開全日---至少响今日的環境下

好同意你所講值唔值得做係相對，

我萬分同意荃葵本身太散，呢點係先天令到荃葵東區線難做既原因

跟大路行就真係同鐵打到正，亦唔好幻想咁樣可以做到好多遠離鐵路既 BBI 客。我提出荃灣線應該抄 930X 行法，葵涌線考慮用 936 走線做兩味，唔係無原因

290 行葵涌道青公大路走線行得通，因為相對倚賴東九龍/將軍澳一邊民居，當中有唔少唔近鐵路，就算葵涌道係兩繁位、相對遠離民居同全日位，依然做得住。但荃葵東區線相對更倚賴荃葵居民，咁行係唔會 work

而新城同九巴做荃葵東區，亦正如你指出，當中考慮會好唔同。新城來講，最大誘因係條線回本門檻唔高，值搏率甚至比起佢地近年好多為插旗而開既新線更高，前提係唔好亂行

又咁講，新界西來往港島東，兩繁同非繁考慮都會好唔同。屯門天水圍青衣成堆繁特，繁忙時間係會好做過荃灣；但非繁係另一個故事，荃灣同元朗全日會比起其他純住宅區好做

但我認為師兄你提出既 902 唔會比起直入荃灣好做，行車時間相若但新客少一截，仲可能收唔到荃灣價位

S3BL100 發表於 2020-9-13 23:26
我萬分同意荃葵本身太散，呢點係先天令到荃葵東區線難做既原因

跟大路行就真係同鐵打到正，亦唔好幻想咁 ...

我反而覺得荃葵東區線難做既原因係東區定線難定

荃葵基本上如果去其他區大家都習慣左出青公葵涌道搭車，
你睇下沙咀道/楊屋道個幾條去其他區既線都係因為行青公要兜大圈先去到大窩口(33A/930)/海濱(33/930A/930X)又或者方便其他區居民往荃灣購物(E31/E32A)先行沙咀道/楊屋道

葵涌基本上要改就最多過左葵興後兜入去興芳路做新都會客
如果好似 閣下建議荃葵分家，咁成個葵興芳做唔到之餘(尤其葵廣全日都應該出到唔少客)，荃灣客又唔會因為飛左葵涌而加快車程(分分鐘行沙咀道塞燈已經抵消左飛葵涌既時間)，可謂得不償失

至於東區，如果真係如 閣下所講夠車拆做2條線，我會寧願比東區拆
因為東區一條線過只會做多條106翻版，
但如果放棄一個小區又對放棄個小區唔公平，而且建議放棄個2個小區(柴小v.s.北角炮台山)又係商住區，又出到唔少客

至於其他，小弟大致上都同意，最多係如果最終只係可以比開條西隧去東區既接駁線可能110轉910行西隧可能會比開條902好，最少唔使同102搶飯食，而又唔使驚行循環線會脫班

s3n370 發表於 2020-9-13 10:38
原來都係抽巴士公司數據，
咁同你早前批評，“離地”嘅planner有乜分別呢

我自己都係西隧線常客
仲因為工作原因會去曬新界西咁多個區
單係過去幾個禮拜，930X/E11/962X/961/968/978全部搭勻曬

各條線既行車時間，同做出來既客量，我有眼睇，唔會離地
問題係大家需要一個實數去討論，先用返巴士公司/地鐵既官方行車時間做基礎

眾所周知，巴士公司嘅數字都傾向低估，
地鐵嘅行車時間則傾向高估。

九巴網站既行車時間，係按實際情況估出來

唔知你有無留意過
同一段路，繁時特別車，同全日線
網站上面寫既車程係有分別
舉個例，興發街>東隧，621寫15.6分鐘，603寫7.9分鐘

我宜家攞咗兩條繁時線（935/960X）去估車程，已經唔算係樂觀
亦已經factor in咗你講既塞車上落客問題
更加唔好話 荃葵<>東區線，超過一半人係搭朝早入荃葵/下繁出港島，西隧口塞車對最大客源毫無影響

港鐵個車程亦唔見得係高估
你試下唔同既組合（石硤尾>油麻地/深水埗>油麻地），就知佢只係預1-2分鐘轉車時間
荃灣去北角，無論係搭10分鐘一班既東涌線，定幾班車先上到既荃灣線>港島線
1-2分鐘轉車，其實都係完全不設實際
未計港鐵幾條市區線繁時都會塞車，單係每個站開幾次門已經搞你好耐
你所講既36-40分鐘，你自己都話好難做到，如果一般情況其實同網站寫既，分別不大

咁樣一來一回，巴士葵芳至北角响正公路出入口，
當然仍然有優勢，但遠DD就唔明顯。

尾站去尾站，巴士快地鐵70%
連筲箕灣去荃灣，頭站去頭站，都係巴士贏
咁都唔叫大優勢？

你話唔明顯
但好多大家公認優勢好大既巴士線，例如968/87D/98D
巴士時間都無贏咁多
唔好死撐啦.....

1) 290
响你一提出一刻，
小弟已指出290係做緊新界西-東九龍呢水客
呢個組合客量大，但供應遠遠追唔上。
無論從營收同服務最多市民，點都係做佐呢面先。

290所謂黃大仙流水客
數量其實不及唔介意上290A/290X既坑寶<>荃葵客
夾夾埋埋單係坑寶康翠<>荃葵，每日都做緊近萬人
麻煩你老老實實答我，點解你認為需求相約，巴士優勢更大既筲箕灣至北角，做唔到同樣效果

2) 荃葵市佔
正如我早前所講，市佔不是一切，
有錢賺、賺得多先係皇道。
既然你拎962X出黎比較，
我亦只係指出你嘅比較係偏頗，
更顯出荃灣過海線唔易做呢個事實

你話930X市佔低，所以荃葵東區都打唔贏港鐵
我之後用930X vs 962X，證明930X市佔其實並唔低，至少唔係餅碎
荃葵東區時間優勢更大，市佔相應地會更高

你宜家迴避我問題，話市佔唔係一切
以我理解，即係你認同荃葵東區線有高市佔，但你認為高市佔唔代表有錢賺？

咁問題又來啦
荃葵東區線，75分鐘連休，我當只係收$17
回本人數係35.5（計隧道費）
實際上政府將會補貼隧道費，回本人數就更加低見22.1人
既然需求同290差唔多，平均每班幾肯定唔會連22人都做唔到，所以條線基本上係穩賺

3) 682
既然條線係做全日，咁係咪剩係睇某時段某方向嘅交通情況就夠？
早早批評你經大隧嘅大計已有提及。
鐵路去馬鞍山比巴士轉更多兜更遠，我諗你點都否定唔到。
況且，我講overall condition，你就剩係抽對你最有利嘅講。真係偏頗得很。

宜家係你話682對比地鐵優勢好大，大到唔能夠同 荃葵<>東區 比較
你既然講得出呢句，係唔係應該俾少少車程數據，支持你既論述？

S3BL100 發表於 2020-9-13 23:26
我萬分同意荃葵本身太散，呢點係先天令到荃葵東區線難做既原因

跟大路行就真係同鐵打到正，亦唔好幻想咁 ...

如果 按290走線但兜入葵芳/葵興站 其實已經做到好多大屋邨
眾安街:石圍角邨
大窩口站：大窩口邨/葵涌邨
葵興站/葵俊苑：葵興邨/葵俊苑/葵康苑
葵涌廣場/新都會：葵盛東/西邨/葵聯邨/葵芳邨
葵涌道茘景邨：茘景邨
基本上大半個南葵涌都做得曬 雖然有啲地方係要行幾遠 但其實不嬲啲人都要行去駁鐵 同去巴士站嘅距離差唔多 咁樣的話係得東北葵做唔到

S3BL100 發表於 2020-9-13 23:26
我萬分同意荃葵本身太散，呢點係先天令到荃葵東區線難做既原因

跟大路行就真係同鐵打到正，亦唔好幻想咁 ...

架902初步諗法係開短棍或私牌外，
另一個穩定102班次嘅方法。

順道試埋西隧轉乘客量，
同埋東鐵過海，無佐東鐵嘅轉乘客後嘅出路。
做新客其實係配菜或副產品。

保守估計，非繁60分左右一單連休，
繁忙時間頂多多十分鐘內，要抽嘅車數唔會多。
而102唔會拉疏好多，原底客唔易流失，
成組黎睇，902除佐係要捱貴超多嘅西隧，
其他增加嘅成本唔高。

既然定位係配菜，日間夠新客冚隧道費就夠。
係夜間就難搞D。

獨立一條線睇的確係有佢問題，
板友提過嘅自身客源窄同時段的確係。

時段問題：
好粗略畫過運行圖，要唔影響102時段，
又或者响充足行車同休息時間以外，
盡量縮架車嘅dwell time，兩者都好難兼顧。
拉去美孚以外嘅地方，除佐表面收貴D，
亦係試下可否幫到夾時段，或利用dwell time做生意。
得閒再諗下先得。

客源問題，早晚兩繁應該夠做。
退一步黎講，就算條線效果衰到要縮要摺，
回復原狀唔駛太多功夫，轉乘客亦有18X包底。

荃葵分家理論上都要做
930X行法,愉景都已經要坐15分鐘車先上公路
再坐耐D D客就走
沙咀道亦係兩頭唔到岸地方,無理由唔做

而條線係葵涌區服務居民既話,跟936行法都正路,住宅區兜正人地門口出面,先有望吸到最多客,而唔係落山轉MTR

如果930X跟290行法,都幾肯定繁忙時間開唔到咁密,環宇海灣一帶,沙咀道係客倉

過海同唔過海,有時要分開考慮
如果過海搭車都要搞一輪轉車或者要行
點解又唔保鐵

930/930X/934/936最大價值係一程過

s3n370 發表於 2020-9-14 09:26
架902初步諗法係開短棍或私牌外，
另一個穩定102班次嘅方法。

102P改902會飛起咗尖東
目光放遠少少，紅隧口唔係淨做紅磡站轉乘客
而且902九龍頭站無論佐敦、旺角定係深水埗都有問題