荃灣區議員關注荃灣西至西灣河巴士線進展

castanopsis 發表於 2020-9-14 00:47
我自己都係西隧線常客
仲因為工作原因會去曬新界西咁多個區
單係過去幾個禮拜，930X/E11/962X/961/968/97 ...

都係果句啦，又係用偏頗嘅論點，對住網站數字閉門做車。

(1)同其他區域比較
我早指出，即使數字相若，唔同區域連繫、唔同競爭對手已經有分別。

就算合埋眼唔知pattern，我早已提過：
682走線比鐵直接，鐵轉車次數較多；
290系做緊個更大嘅新西-九東市場...等等
就算係你新提嘅例子，不外乎都係呢D因素。
只係取其一點斷章取義，往往會忽略核心問題。

我諗黎到呢度，大戰多一百幾十篇都唔會完。
不如我又用另一個方向問。

你既然多番質問，“點解唔做？”
我相信你呢句係反問句。
既然你認真到咁多數字，甚至有自信到認為巴士公司睇錯市。
明顯你係認真思考。

咁你更應該唔係剩係死睇數字，
將“點解唔做？”呢句反問句，轉為疑問句，
認真地諗並去思考出路。
好似個推銷員咁只係強調好處， it won't get you there


巴士公司擺資源亦有優次。
睇錯三幾次市並唔出奇，
連續十幾年咁多拓展都睇錯哂輪唔到？南區隨時抽到車都唔試下？咪玩啦。

我估去到呢度你都無乜心機再睇，
但我都係要提以下兩個謬誤：

(2)鐵路情況
東涌線繁時開緊4分，非繁開6分半一班，
10分一班本應早成歷史。
只係疫情期間，先至臨時响非繁開番10分一班。

金鐘站要幾班先上到係最壞情況，
識行去車頭車尾，頂多係第二班。

車門要開關幾次，唔多亦唔會站站都係咁。
將最壞嘅，又唔會同時出現，甚至根本唔存在嘅情況炒埋一碟，唔係偏頗係乜。

(3)個人時間
我原文係講36分鐘唔易做，但唔極端，
而唔係36-40呢個range唔易做
唔怪之得你唔敢直接quote。


(4)個人經歷
小弟住荃灣，返東區工接近8年。
即使轉佐工都要定期過去，
上個月仲有一半工作日去佐北角（計埋在家工作都有）。

打從960B開線，一路去到眼見區區都有兩繁直/快車，
作為乘客都好想有直車，一班都好。

但眼見放工繁忙時間過後，suppose返新界仲有市場。
企响中上環番新界，莫講話同屯元天線比，
一架948嘅客數，頂得住930/X, 934同936四架加埋！
過海返荃灣真係好做？巴士公司憑乜優先俾車荃灣先？

有時班青衣友响呢個議題都幾難頂，但事實上又真係多客喎。

qunow 發表於 2020-9-14 20:25
荃葵港島東線係西隧通車嘅時候已經有建議開辦。

係邊一個建議？
印象中巴士公司嘅RDP係無提過

kay 發表於 2020-9-14 09:32
荃葵分家理論上都要做
930X行法,愉景都已經要坐15分鐘車先上公路
再坐耐D D客就走

兩件事要分番開，
33 咪夠一樣西站跑 15 分鐘上公路，你睇下沙咀道班客非繁幫唔幫到手？
個個人寧願行出大馬路搭 40 290 系密車線，或者直接去千色店上紅小。
33 成條沙咀道非繁表現仲差過同時間 33 觀碼一個站客量。

就算 33 做完 Megabox 改番出觀塘道，以 33 行車時間、班次一樣無力回天。
根本沙咀道、環宇海灣依類遠離鐵路客非繁唔係包生仔，930X 只係一個例外。

930X 非繁做得住，因為荃灣市中心成區佢地無更好選擇，相比之下願意行落沙咀道咪做得住。
唔係多得條 930 又慢又兜，930X 根本無可能全日。

你試下 930X 倒轉全日做 30 分鐘一班，再開條 15 分鐘一班大河道、青公、葵涌道西隧線直達中上環。
我保證 930X 一樣會得到 33 既下場。

唔係話 290 行法包生仔，但當 290 同 33 差唔多時間上呈祥道，點解新荃灣東區唔跟 290 行法做多區？

s3n370 發表於 2020-9-14 18:36
我諗狗衝呢個主觀詞無謂拗。

地鐵轉車出入站响度係永恆嘅爭拗

既然你係常客，應該相當清楚呢種通勤感覺係點
可能習慣咗，所以不以為然啦
或者可能葡萄緊，點解中灣繞咁遲先通車

「我都好想有直車，但係......」
即係你唔想啦
真係想嘅人，早就諗辦法將意念化作行動
930/X、934、936唔夠948好客都可以打沉
都係咁上下議論水平

當然，iTalk都係吹水多
真係特別上心想做野嘅，都搞咗份政綱選區議員

leo_ku 發表於 2020-9-14 22:23
東涌線係開緊4分鐘繁時，6.5分鐘非繁。但人地荃灣線繁時係少過2分鐘一班車，非繁3.5分鐘一班車，東涌線服 ...

咁你都剩係quote埋D壞處啫

就算係等第一通常唔會hold太耐，一分起兩分止第二，以荃灣線轉東涌線0既角度睇，
東涌線到佐站上埋車，仲要等埋下班荃灣線就耐佐啫
下一班荃灣線0既客就正，無縫轉車
一次半次係要等唔出奇，長期搭的話，兩邊總會五五波試勻哂

東涌至青衣直落果班就慘D，點都要硬食。

leo_ku 發表於 2020-9-14 22:23
東涌線係開緊4分鐘繁時，6.5分鐘非繁。但人地荃灣線繁時係少過2分鐘一班車，非繁3.5分鐘一班車，東涌線服 ...

平心而論，東涌線只係荔景上行全程車hold比較耐
其他站其他方向係可以接受
但係平日夜晚6分/假日6.5分又行得慢
上下繁或平日非繁7分起碼停站耐就會用全速行

不過佢可以講得出中環行去香港5分鐘基本
唔知你點睇啦

s3n370 發表於 2020-9-14 21:16
都係果句啦，又係用偏頗嘅論點，對住網站數字閉門做車。

(1)同其他區域比較

其實呢
本身條橙
平時唔係疫情
日間係開緊7-8分一班
晚間更加唔駛講 一過十點就開始10分鐘

Ricky403 發表於 2020-9-14 22:33
既然你係常客，應該相當清楚呢種通勤感覺係點
可能習慣咗，所以不以為然啦
或者可能葡萄緊，點解中灣繞咁 ...

我肯硬食960X/968X/18X額外車錢，加幾乎肯定唔會快佐都肯制，

有架平又唔0既直車就唔制？Are you kidding?


兩句根本係唔同角度出發：都想有直車，係從用家角度去睇。

而“但係”呢句，係設想我真係做巴士公司會點睇，
當個討論係拎哂數據，就己經唔係意見表達甚至係wish list咁簡單。
我亦只係跟住個呢思路去討論。
我晨早強調巴士公司調資源一定有優次。巴士公司剩係做荃灣呢一區？

而你呢句去將意念化做行動，正正係你所言，從有心人/區議員角度睇。



現實上，同一個人响唔同時空按番佢角色的思路做野，
並無必然矛盾