東鐵線應否加票價?

k68420 發表於 2020-9-19 02:09
R-Train出唔到街明顯係港鐵行政連環失誤而導致，根本就自己攞嚟

總之唔係新東居民錯，OK？

kitarolo 發表於 2020-9-18 14:10
就算搬出歷史原因
東鐵唔可以話全無著數
當然弊大於利就必然㗎啦

其實講到口臭，除左表面車費平之外，東鐵到底有咩著數？係冇呀！


次次路線改動，東鐵人九東人都係犧牲品：觀塘線兩削過海、尖東歸西，最不合理，肯定係尖東歸西。

有人口口聲聲話咩「尖東站一早plan畀西鐵」(其實有商確)，所以尖東歸西好合理。但鐵路發展策略2000，第一優先係港島線延線(包括西港島線同北港島線)，第二優先係沙中線，第三優先至係導致尖東歸西既九龍南線，結果係點大家都知，「一早plan」第三優先既，就居然打晒大尖急急優先上馬，第二優先既沙中線就死拖爛拖。呢D「一早plan」就選擇性失明。

尖東歸西，就導致有人坐擁3個地鐵轉車站，3個都可轉過海線；有人就得返1個九龍塘，就要同樣係削服務重災區，都係冇過海線，完全失衡。

咁多條線，條條線都係一係本身過海，一係轉一次車就過到海，偏偏只有東鐵同馬鐵，點都要起碼轉兩次。平時已經夠煩，參與集體港島行街日(6.9、6.16、7.1、 8.18....)就仲死，每一次轉車，都意味著分分鐘等五班車都未必上到，唯有搭倒頭。例如旺角轉唔到往中環荃灣線？就要搭荃灣方向，深水步再轉中環方向。一係就提早上晝就到集合地點，去中圖打書釘打到夠鐘行街。

除非少數住得近火車站、或者有大埔K巴既幸運兒(但紅日除外)，一搭多程九巴/小巴去火車站，就乜野平車費都收皮。
睇下呢條片，享用「平車費」既東鐵人，「唔使」受某D人口中又麻煩又費時失事既輕鐵K巴「折磨」，有幾咁令人恨到流晒口水。
https://vimeo.com/148981585

過境天價補貼本地車費，就識眼紅，成日又要抽下水。但人地付出既代價，你又使唔使受？東鐵被班貴客攪到烏煙瘴氣，南行上水上車都冇位坐要企到九龍塘，仲有蝗通車，尤其下繁北上打仗時間，佢居然夠膽整班北行蝗車，攪到九龍塘北行東鐵月台間封、人流倒灌大堂，呢D你地又會唔會咁？



呢大半年，東鐵真係做返條相對正常既客運線，感恩。

mckhgc 發表於 2020-9-19 21:56
其實講到口臭，除左表面車費平之外，東鐵到底有咩著數？係冇呀！

03 04年九鐵已經決定咗東鐵過海
與其怨九龍南線令到東鐵失去咗過海轉車站
不如講返點解沙中線搞咁耐好過

he_01 發表於 2020-9-19 22:50
03 04年九鐵已經決定咗東鐵過海
與其怨九龍南線令到東鐵失去咗過海轉車站
不如講返點解沙中線搞咁耐好過

咁多年其實隔離起過另一條
全新並地下化都落成兼通車了,
舊有路線成條送俾直通車又點話。

最大問題,攞到盡,12卡轉9卡難度太高,
又唔能夠暫停服務數個月去做,企圖各線
之間無縫交接,但其中一環延誤就牽連甚廣。

mckhgc 發表於 2020-9-19 21:56
其實講到口臭，除左表面車費平之外，東鐵到底有咩著數？係冇呀！

師兄嘅論點我喺舊帖都已經睇過
即使我無參與嘅帖都有翻閱

最大問題係唔肯引入轉線回贈制
成條線送俾隔離零成本

#15亦都列出咗,例如九巴73B
係貴且服務時間有限,但偏偏有
盲炳話東鐵轉咪得囉,舉例說華明
去科學園靠東鐵,三程車得嚟仲要
地圖上「搭返轉頭」粉嶺去大學站
普通等要12蚊睇吓巴士/小巴有無市場……

東鐵有嘅好處係西鐵通車之前
新東絕少發生屯門公路無三四個鐘
都未塞完車嘅苦況,當然東鐵除票價
上「表面」便宜嘅好處,80年代或打後
出生嘅人已無法受惠,甚至出現樓主呢類
驚東鐵唔死嘅諗法走出嚟。

題外話輕鐵轉西鐵,如果天水圍或元朗落車,其實第二程唔應該免費,以補差額計算。例如良景>元朗,輕鐵一程收$6.3,轉西鐵就$5.1+$1.2=$6.3

mckhgc 發表於 2020-9-19 21:56
其實講到口臭，除左表面車費平之外，東鐵到底有咩著數？係冇呀！

不過咁
如果無尖東歸西
280x都唔可能開到
270a一世去唔到尖沙咀

區麗芝 發表於 2020-10-17 01:23
咁攪法仲有大西北區內客轉西鐵嘅?

或者轉西鐵只收較高價錢