再論亞公角街 vs 烏溪沙的矛盾形成原因

miklcct 發表於 2020-9-8 17:06
你搵日下繁開始睇下屯轉屯門方向睇下有幾多人由259D跳59M／59X先好講。59M／59X太多人排呢個問題已經講過 ...

要轉車有好多原因，兩線經既地方又未必一樣，下繁259D唔經市中心直去碼頭區，如果根據你咁講，係馬鞍山咪冇人坐81C出尖沙咀

David_hk 發表於 2020-9-8 17:20
我覺得大部分情況你呢個論點都係啱嘅，不過總有例外。例如天水圍天華路以北去長沙灣道-太子唔會搭265B， ...

咁當然，呢個就係設立轉車站目的，而唔係好似某人咁任何情況都要轉車

tkglobe 發表於 2020-9-8 17:25
要轉車有好多原因，兩線經既地方又未必一樣，下繁259D唔經市中心直去碼頭區，如果根據你咁講，係馬鞍山咪 ...

九巴259D基本上行經全部屯門59M／59X嘅服務地區，只有龍逸邨例外，不過次序相反。而城巴最近開咗條新路線962G就係要搶返九巴嘅客，962G喺港島站位同962X部分相同，但係喺屯門就啱啱相反，直落龍門居先返屯門碼頭，因為要返龍門居嘅乘客係唔會搭962X返龍門居嘅，未有962G之前佢哋會960／961轉59M，甚至有部分人會無BBI照962X轉59M（因為960／961服務唔到銅鑼灣）。

DH8737 發表於 2020-9-8 17:20
錦英利安搭680根本係焗搭！
層主邏輯全錯

係佢立場，點都要轉到直上公路

tkglobe 發表於 2020-9-8 17:29
咁當然，呢個就係設立轉車站目的，而唔係好似某人咁任何情況都要轉車

你講呢句可以話全錯。設立轉車站嘅目的係為咗拉直路線，提高巴士上座率，刪減重複嘅路線，而轉車就係達到呢個目的嘅方法。

轉車站帶來嘅係方便、快捷、就腳，有咗屯門轉車站之後，九巴已經順利刪除同修改咗部分極度迂迴嘅路線，例如63X、66同68A等，令到呢啲路線嘅載客率有所提升。同樣道理，有咗轉車站之後，巴士調配亦都變得更容易，因為每條路線自己嘅班次已經變得唔重要，而只需考慮其聯合班次即可。

有咗屯轉之後，即使路線無修改過，交通都已經獲得大幅改善。例如由建生出發，以往要過海只能夠行去大興邨等12分鐘一班嘅960，而家就可以喺自己門口上58M，去到屯轉搭960／961，平均可以慳到4分鐘時間，因為唔使行過大興邨。去黃大仙以往只能夠等15分鐘一班嘅258D，而家就可以上58M，去到屯轉搭61X／258D／259D，平均可以慳到7分鐘時間，因為唔使兜大興同山景。

tkglobe 發表於 2020-9-8 17:25
要轉車有好多原因，兩線經既地方又未必一樣，下繁259D唔經市中心直去碼頭區，如果根據你咁講，係馬鞍山咪 ...

馬鞍山搭81C出尖沙咀係快過87D嘅，不過我會寧願搭87D轉車，無87D嘅77區就直接黨鐵見。

tkglobe 發表於 2020-9-8 17:29
係佢立場，點都要轉到直上公路

係呀，咁樣靠轉車法，我可以轉到數碼港收工，計埋等車1個鐘頭返到建生添！搭法係8X轉970X轉960轉58P，砌到同飛的條路幾乎一樣，巴士價錢的士享受。

miklcct 發表於 2020-9-8 17:47
係呀，咁樣靠轉車法，我可以轉到數碼港收工，計埋等車1個鐘頭返到建生添！搭法係8X轉970X轉960轉58P，砌 ...

我只會講，九成九搭巴士只會揀一條最近自己目的地同埋轉得最少車嘅方法，除非真係完全冇車，否則轉一次車已經係極限