有冇可能將軍澳線再西延至上環？

jpoon 發表於 2020-9-11 21:45
其實中上環先最多客，只係去到添馬真係唔湯唔水
但未來如果東大嶼發展，單靠港島綫夠唔夠先? ...

咁不如明日大嶼鐵路、北港島線連成一線，明日大嶼鐵路改為跟十一號幹線共用過海通道，港島區沿住干諾道去添馬？

TYChow 發表於 2020-9-11 23:25
所以咪要反對興建北港島線囉！

1）將藍隧道、灣仔繞道通車後，叫九巴重開693便可解決將軍澳過海交通需要

東隧咁塞，仲靠巴士解決?

TYChow 發表於 2020-9-11 23:25
所以咪要反對興建北港島線囉！

1）將藍隧道、灣仔繞道通車後，叫九巴重開693便可解決將軍澳過海交通需要

你知唔知朝早將軍澳幾多人搭地鐵去中環灣仔一帶？
朝早繁時北角方向嘅將線，帶住大約3分2車客到油塘，喺油塘埋觀線過海客全滿，而去到鰂魚涌仍然有超過大半車都係去北角轉車
呢大半車客去到北角，再轉已經超過半滿嘅港島線，有時要4班車以上先上到
咁龐大嘅將軍澳過海人數，開番693就搞掂？唔好玩啦
如果係換線方案，港島東嘅居民喺北角，唔只轉多次車，仲要係逼上已經大半滿嘅將軍澳線去堅城方向，分分要喺北角等兩三班，仲要港島東嘅東涌線疏過以前一截，連內運都受影響，點會唔反對呀
交匯方案就正好令將軍澳同港島東兩批客分開，各自前往灣仔金鐘一帶

至於將線可否喺添馬繼續延伸，我就相當贊成
將線同港島線各自客量龐大，喺中上環繼續平行係可以考慮
長遠到有東大嶼線時，延伸咗嘅將線都可以直接轉東大嶼線，對將軍澳九龍東人都方便啲

leo_ku 發表於 2020-9-12 13:41
港島線東段減到1小時17班車，來成全其他人轉少次，叫人點支持?

除非加添馬短棍維持現有班次,但多重轉車已足以令東區居民否決

純粹技術探討，延伸有一定難度

1）AREOT係雙層設計，上層兩側將線調頭路軌包住機快調頭路軌，下層東涌線管道。由於AREOT埋深不足，將線延伸好肯定要係調頭隧道兩側興建新管度西延。西行管道仲需要快速下沉至東涌線水平以下，係無任何預留結構情況下，應該要有相當深度。西行管道而且會相當接近軍營，東行管道北面有中環灣仔繞道隧道管道嘅制限

2）中環碼頭一段只有兩種走線可選擇：民光街同金融街。行民光街就要下穿中環灣仔繞道隧道，行金融街因為唔夠闊而可能要玩單線雙層管道。兩者亦要下穿鐵路海底隧道，所以點行都係深深深


3）雖然干諾道西條路夠晒闊起島式車站，但上面行車天橋樁柱有機會要做樁基轉換。視乎走線是否做到站前折返，否則調頭隧道會起到皇后街甚至更西。車站通風設施亦可能要拆埋海港政府大樓黎起

leo_ku 發表於 2020-9-12 16:18
換線支持者只係提將線出中環唔駛轉，觀塘線轉少一次，但正正因為將線提高吸引力，令東區客要逼番落北角轉 ...

換線方案，將線某啲車程轉少一次，港島東某啲車程轉多一次(北角，平層)，我當打和啦。

但是計埋東涌線往會展、銅鑼灣北，將線往香港站轉少一次車(添馬站，換層)，整體而言是利多於弊囉。

HV7025 發表於 2020-9-12 15:47
你知唔知朝早將軍澳幾多人搭地鐵去中環灣仔一帶？
朝早繁時北角方向嘅將線，帶住大約3分2車客到油塘，喺 ...

但係咁可能會整死690wo,到時694咪日日爆?

eternalflame 發表於 2020-9-12 16:56
純粹技術探討，延伸有一定難度

1）AREOT係雙層設計，上層兩側將線調頭路軌包住機快調頭路軌，下層東涌線管 ...

如果是行香港站以北, 北港島線上環站能否學澳門輕軌東線擬議在關閘, 黑沙環的車站咁, 將車站起在信德中心近海水底 (興建時港澳碼頭內側泊位停用, 臨時填海建設), 陸地上只興建出入口及通風設備?
參考此圖 (澳門輕軌東線擬議設在關閘的車站設計):

出處: https://youtu.be/MhtLEODmkcw (澳門輕軌東線簡介片)