有冇可能將軍澳線再西延至上環？

其實交匯都唔係好壞嘅
因為某程度上交匯可以做到「特快」效果也令到部份目前要轉線而目的地係靠電車路嘅人放棄轉港島線

例如目的地係Times Square/銅鑼灣廣場一帶
依家將線過海一定係轉港島線再上地面
但交匯之後，應該會有部份人選擇留喺將線，北角後直達銅鑼灣北，然後再行去目的地

又例如將線過海去太古廣場，交匯後可以繼續留喺將線
直接去到添馬站先行去目的的地

當然，令唔令到啲人有如此改變，好大程度係睇下新站配套設計
只要做好設計（最低限度係類似尖東《》尖咀站咁有walkway同冷氣）
相信難度唔大
另一方面，希望東涌線同將線都可以預留延長可能
（將線向西，東涌線向東）
以配合未來發展需求

4437 發表於 2020-9-14 02:25
你自己上兩版都話半山要有鐵路，咁其實好簡單，將南港島線（西段）延長，HKU之後再伸延去卜公、堅道，再 ...

呢個走線，俾明日大嶼鐵路用會不會更好（總好在堅尼地城全部灌晒落港島線）？甚至用當年沙中線維園方案落到銅鑼灣，大概如此圖：

JX9097 發表於 2020-9-14 12:36
其實交匯都唔係好壞嘅
因為某程度上交匯可以做到「特快」效果也令到部份目前要轉線而目的地係靠電車路嘅人 ...

exactly
交匯行法，正正就係帶將軍澳+九龍東嘅人，直接行新線入市中心，同港島線港島人分開，需要喺北角轉車嘅人數會明顯減少，樽頸問題有望改善
但換線行法，將軍澳人會偏向繼續停留喺舊線，但同時港島東大量乘客需要喺北角轉車，港島東唔只班次疏咗，轉車時間更有可能大幅增加
對於解決將軍澳線樽頸，交匯係肯定好過換線

至於話東鐵客轉去柴灣轉多咗，講真有幾多人要由新界東坐到去鰂魚涌以東？
即使喺會展轉交匯版將軍澳線，都夠轉一次車就去到鰂魚涌太古坊，已經應付到太古坊返工客

交匯嘅主要缺點，就係東涌線去唔到港島東，呢個就真嘅
呢個就係呢篇文其中一個討論對象，希望喺設計添馬站時預留條件俾東涌線東延，咁就區區都有得益

mak5052 發表於 2020-9-14 13:37
呢個走線，俾明日大嶼鐵路用會不會更好（總好在堅尼地城全部灌晒落港島線）？甚至用當年沙中線維園方案落 ...

半山有冇位起咁大個車站？
以半山需求可能一個細車站都夠

jpoon 發表於 2020-9-14 15:37
半山有冇位起咁大個車站？
以半山需求可能一個細車站都夠

同意
不如將「半山」站東移兼搬落山
改為「中環南」似乎仲符合效益

HV7025 發表於 2020-9-14 13:45
exactly
交匯行法，正正就係帶將軍澳+九龍東嘅人，直接行新線入市中心，同港島線港島人分開，需要喺北角轉 ...

不過認真，將線交匯只可分流銅鑼灣，金鐘同中環（海旁）
因為將線暫時只係去到添馬，本身落香港站已經轉一次線（東涌線）
若果目的地係電車路/ 大道中的話，好大機會都係繼續港島線見
當然，單係銅鑼灣同金鐘已經分流到一定人流
只係若然去到香港站（中環）的話，吸引力更大

JX9097 發表於 2020-9-14 16:12
同意
不如將「半山」站東移兼搬落山
改為「中環南」似乎仲符合效益

但係其實東鐵綫都計畫延長至中環南
其實啲客去呢度嘅話
喺會展轉車已經得

AlexLee 發表於 2020-9-14 16:17
但係其實東鐵綫都計畫延長至中環南
其實啲客去呢度嘅話
喺會展轉車已經得 ...

我講緊嘅唔係西行，而係東行（即板友提及東大嶼入港島）

JX9097 發表於 2020-9-14 16:15
不過認真，將線交匯只可分流銅鑼灣，金鐘同中環（海旁）
因為將線暫時只係去到添馬，本身落香港站已經轉 ...

無可否認交匯方案對香港站係無咩吸引力
但能夠令將軍澳線往銅鑼灣、灣仔北、金鐘嘅乘客唔走入港島線，減少北角站候車人數，已經係一件好事

特別係上環西營盤、中環山腳、灣仔南、禮頓道一帶，係商業中小企林立嘅地方，住港島東嘅員工比例較多
呢幾個小區並無太多巴士線往港島東，而且有唔少管理級都會因為方便而搭地鐵，所以港島線客量高企

如果採用換線方案，呢一大批傳統港島東人，連帶去油尖旺、深長荔、黃竹坑嘅，大部分都要喺北角轉車
(近年雖然尖沙咀淡咗啲，但黃竹坑同荔枝角多咗office，客量都不容忽視)
咁變咗喺北角轉車人數仍然龐大，只係同而家反方向
同時將軍澳線已經載住大量東九龍將軍澳乘客，去到北角騰出嘅空間有限
對港島東來講，做成嘅不便唔單只係轉多次車，而係上唔上到車都成疑問

jpoon 發表於 2020-9-14 15:37
半山有冇位起咁大個車站？
以半山需求可能一個細車站都夠

呢個半山站我覺得無需要
現時西營盤、香港大學兩站，已經足夠cover到西半山
中環半山就由沙中線中環南站做最好
至於東半山，堅係高級豪宅區，巴士線都唔多條，送條地鐵俾佢哋都應該唔想要

新鐵路要補位嘅位置，我認為係大道東、禮頓道一帶
長遠可以考慮繼續去太古一帶，補回交匯方案下東涌線入唔到東區嘅不足
甚至繼續前進，喺東區剩餘嘅鐵路盲點補位
至於係由邊條鐵路嚟補位，可能性就好多
所以現有規劃最好保留各線延伸條件，以應對將來嘅發展變化