坑口啲垃圾交通

我呢排多咗入坑口，有時諗搭咩車都煩，係時候講下今朝經歷啦。

我今朝約咗人08:00坑口站等，上次同樣情況去程，當時我無九巴月票，屯轉上中61X，跟手去到黃大仙就保咗鐵，回程我寶林走，直搭290，今日我情況就咁嘅。

去程我搭06:40寶田開嘅58M，去到屯轉好快有259D，我有九巴月票，去到畢架山花園見到290快有車，於是轉咗290。我喺07:19上咗290，去到重華路落車嗰陣已經08:00！由畢架山花園搭到坑口，40分鐘都唔到！
至於其它選擇又如何？如果使用全程九巴嘅話，搭到去觀塘？搭98A兜山，慢。轉車站見？等完車來都係要兜寶林，等得車來部98A都兜完山。去牛池灣轉91M？唔快得來又班次疏。

好啦，到回程。先睇 Google Map ，隧道塞車，清水灣道出九龍過井欄樹又塞，之前有部98A喺迴旋處撞咗車。睇ETA，91M同290同一時間有車。因為清水灣道塞車，290落彩虹全程暢通嘅關係我上咗290。結果？兩部車同一時間離開坑口圈，我搭290轉左，部91M轉右。結果喺舊清新清轉落坪石個匯合位見返！290居然慢到跑唔贏出名慢，爬山重要站站停兜科大塞埋車嘅91M。

尋日將軍澳開始有轉車站，各區都有受惠，去寶林有兩條九巴兩條新巴，去尚德有三條九巴半條新巴一條城巴，去康城有一條九巴一條新巴，至於去調景嶺呢個死角，雖然無九巴但都有兩條新巴。唯獨係坑口待遇最差，得20-30分鐘一班，收成 $10 ，朝早重要一個鐘一班嘅A29。

至於九巴網絡方面，去寶林嘅話，新界西直接轉290最快，其餘地方轉車站轉98D 297都可以直達；去尚德嘅話，直落觀塘轉296A就得（290X都係慢）；去康城更加有帝線98；唯獨去坑口得特慢線91M同特慢線98A同特慢線290。如果用其它直達坑口交通工具？一係班次極度疏落嘅A29，一係唔知幾多班先上到嘅102，一係就唔入圈嘅103，一係就地鐵多重轉車。

究竟坑口人做過啲乜得罪晒九巴新巴？（唔好離題講同坑口無關嘅嘢）

因為有康翠漢奸，完。

91m係等車耐咋，上車好快到彩虹
真係唔算慢
佢同98a比，當兩面都順利，91M出咗彩虹啦，98A都未必出到apm

GW5878 發表於 2020-10-3 23:03
因為有康翠漢奸，完。

康翠唔屬於將軍澳？乜都係漢奸

ATENU135 發表於 2020-10-3 23:04
康翠唔屬於將軍澳？乜都係漢奸

無話佢地唔屬將軍澳，只係講緊有佢地存在就不斷拖慢坑口既車程。

GW5878 發表於 2020-10-3 23:08
無話佢地唔屬將軍澳，只係講緊有佢地存在就不斷拖慢坑口既車程。

咁你快啲爭取直出線，係度嗌漢奸冇用

ATENU135 發表於 2020-10-3 23:15
咁你快啲爭取直出線，係度嗌漢奸冇用

漢奸就會跳出黎話影響佢地啲班次，所以不論任何方案(即使唔會對佢地有影響)都會反對
所以佢地係漢奸係唔係浪得虛名。

畢架山花園 > 坑口區：
290 因為要兜山路，就算無塞車都要大概9個字，41分鐘已經唔算慢啦。
相反，A29雖然龍翔道、觀塘道站站停，但係唔使兜山路，無大塞車基本上半個鐘搞掂。
簡單D講，290係可以慢A29一半。

cwsj2003 發表於 2020-10-3 23:03
91m係等車耐咋，上車好快到彩虹
真係唔算慢
佢同98a比，當兩面都順利，91M出咗彩虹啦，98A都未必出到apm; ...

我個人認為91M碌神唔少，或者係D車殘，早幾年試過坑口道上斜，架車無力到同人急步行無分別......
但有次搭著個車手，4,5個字就由彩虹飛到返坑口，已經入埋科大上落客，但淨係試過一次咁多。

91M定線係OK嘅，差在硬件配合唔到，同埋安達臣入伙之後，早繁除咗塞德望＋彩雲之外，再要龍尾井欄樹。
以前實快過98A，依家難講了

ViviTse 發表於 2020-10-3 23:57
我個人認為91M碌神唔少，或者係D車殘，早幾年試過坑口道上斜，架車無力到同人急步行無分別......
但有次 ...

安達臣道兩邊落山交通狀況...
樓上版友話山上康翠拖慢車程唔否認，但其實仲有寶達同/安達臣道房屋
塞車問題最大當然係將軍澳私樓入伙多太多私家9