290系定位討論

GW5878 發表於 2020-10-14 16:10
咁既然有更加好既路段可以減省非繁忙既交通時間, 點解要自廢武功?

唔夠客。完。

坑口98D特有幾多人上？
唔講繁時，796P夠係隧道車，非繁忙時間 = 吉車遊街咁滯

所以，一個站都唔停仲快添

你有錢大可以試下開間巴士公司同九巴撼過

GW5878 發表於 2020-10-14 16:16
點解你認為行山走既車一定係由山下開上去? 唔可以係康翠/安秀道/秀茂坪出黎既車?

再講,

好簡單，田忌賽馬。

山下本身有鐵，同鐵 (對家既上馬) 鬥根本繁時無可能鬥得過

所以尾站放山上，至少山上客源較穩定。

反而如果山下頭站，山上尾站，變左鐵又快唔過，山上又兜不如搭小巴轉鐵好過，兩敗俱傷

GW5878 發表於 2020-10-14 16:17
近廿年都未係非繁開過坑口直出既隧道巴士線, 咁唔仲自廢武功咁叫乜??

坑口點直出呀？

坑口本身係一個困局。

廿年前將南康城都未發展。尚德寶琳坐擁一大堆直出線，你是但拉一條走去坑口直出都可以反你枱，所以根本無線可拆
坑口咁有牙力既，咪試下拉下296C/98C反轉行。不過坑口人搭鐵既比例，已經差天共地啦
再講，坑口巴士站站位與地鐵既距離，同寶琳平均巴士站站位與地鐵既距離都無得比

到而家將南調景嶺 / 坑口已經分屬九巴新巴地頭，除左798A例外。所以都無可能有將南 + 坑口直出等組合，唯一可以加入競爭既係康城，即係最大可能就係拆條康城 + 坑口線

跨海大橋起好後，分分鐘坑口開入康城經跨海大橋走仲會慳總車程 (康城自轉時間閑閑地都10分鐘先轉到返康城路同一個十字路口位)

poondriver 發表於 2020-10-14 16:45
其實問題係唔知點解呢度d坑口巴膠 同佢地講學尚德咁爭坑口開線直出啦
佢地永遠都幾百個理由話唔得嫁唔可 ...

咁多方案之中，我覺得以

• 加兜寶順路 (頌明 / 景林邨景榕樓)
• 環保大道往康城方向近南豐廣場興建停車灣
  

較為不影響其他地區乘客既方案。坑口本身就有先天之弊，102小巴、鐵路覆蓋率高、A29車程貴及得單向等等。但呢d都係坑口自己地區問題，無理由要其他區幫手解決，所以我覺得可以先考慮寶順路加站 (例如：796C加站，以及與796E重組繁時拆多幾班)