290系定位討論

等6幹起好290X兜完將軍澳東南直接上公路，290b做番怡心園至安達臣區間的空缺

WongKinYat_WKY 發表於 2020-10-9 23:06
呢個post係290大戰嘅導火線

只要無人身攻擊/挑釁性言論(我都唔想有)
理性討論100頁都得

PC6429_JY6516 發表於 2020-10-10 01:04
就係隧道塞車啲人先衝曬上山
唔好同我講安秀道貢獻幾多
將軍澳越來越多人住都係事實

都係果句 98S 快過 98C 一班車已經足以證明隧道快過行山，由將南出發更加唔使講

PC6429_JY6516 發表於 2020-10-10 01:13
快唔到幾多
98A特行隧道都冇乜客

快過就係快過，所以 98C/S 共同站會有一批熟客專程等 98S

而 98S 離開欣明苑係坐得滿所有窗口位+部分路邊位，剩返既位就新都城茵怡坐埋，甚至要企，

但同一時間 98C 去到欣明苑 成車 10 個人都無，已經證明絕多數人棄行山保隧道，背後就係隧道係快過行山。

GW5878 發表於 2020-10-10 00:55
咪玩啦 隧道係塞 但如果行山快過隧道 咁隧道應無人無車再用先係 但實情呢？

就係因為大家都知塞隧道都快 ...

係, 閣下呢點完全駁唔到

舉返102/106/柴小2告士打道維園東行呢個例子, 燈多都算, 去到英皇道又得番一條行車線, 前車唔郁即刻企喺度...(雖然話係巴士專用線, 但奈何現實係乜狗屎垃圾車都偷雞行英皇道東行)


N118/舊18P維園道冇燈, 歌頓道電氣道渣華道起碼兩條行車線同燈都比較少, 自然好受好多

所以我非常反對行山無敵論囉(正如行隧道非無敵=行渣華道非無敵咁解)

PC6429_JY6516 發表於 2020-10-10 01:04
就係隧道塞車啲人先衝曬上山
唔好同我講安秀道貢獻幾多
將軍澳越來越多人住都係事實

你確定寶琳路全部雙線?

GW5878 發表於 2020-10-10 01:06
都係果句 98S 快過 98C 一班車已經足以證明隧道快過行山，由將南出發更加唔使講

...

等緊youtube有比較片交到功課

快一分鐘係快，之但係，
個題目根本唔係要快。
我意思係，論快，如果要快，無論行乜都好一個站都唔停就梗係最快架
問題係夠客咩？290系將南有幾多人上？

290X某些非繁班次係可以寶邑路一直飛站到尚德。將南主要問題係，就算用咩路都好，繁忙時間一定唔夠地鐵鬥。調景嶺去荃灣連等車只需要46分鐘，而且一定有位坐。仲有早繁65折優惠同普通8折優惠，車費已經平過290，特別係去程自然比較難吸引到將南客。
所以以巴士公司角度，根本唔係要砌一個最快既方案出來，想要最快既，搭的士更快。巴士公司係要吸引到最多客。要最大化利潤，自然會有取捨。

所以點解290系無一條行將隧？唔好意思講個殘酷既真相出來，就係巴士公司明知非繁行隧道將南去荃灣更快，不過咁改快都唔夠原本290賺錢，諗下290X係慢架，但係係做緊幾水客 (康城 > 將軍澳區內 / 安達 / 彩虹 / 黃大仙；安達 <> 黃大仙 ；黃大仙 <> 荃灣)，個total revenue更加大。

除非，將南有statistics話到比巴士公司聽，290開隧道線係賺到錢。例如係，296A轉40/42C既客量。
不過有幾多人咁樣轉？

所以個問題根本唔係快唔快，而係賺唔賺到錢；如果你覺得290應該開隧道線而九巴又唔願意開，而你又唔滿意既，非常歡迎自己開間巴士公司同九巴撼過

//
當然，可能會有人話，正係因為290X等等要兜山路，先至客量不佳；
但就算290系改行將隧，仍然會途經多個塞車位，包括將隧、觀塘法院支燈、彩虹交匯處U型橋等等，加長行車時間都唔係最大問題，290本身車程咁長，塞車容易導致班次不穩，好難撥好多車入去維持班次。

而且我覺得大家去討論將隧 + 觀塘道 VS 寶琳路 + 秀茂坪道 + 順利邨道邊條路比較塞時語意比較含混，寶達最塞車既時間，都只係早繁返工返學果兩個鐘，但係觀塘道將隧係任何時間都可以塞既，東西行都係。觀塘法院支燈經常都頂到上狗屋。西行開源道迴旋處慣性慢車。啟業邨一段來回都成日塞。當然非繁無塞得咁嚴重，但係至少兩者行車差距就減少左
所以計算塞車，應該以一整日平均delayed minutes來計算，而非maximum delayed minutes來計算。不過我既重點都並唔係時間，而係$/時間。

以上塞車既情況可以扭轉既，就係當六幹起好後，一出將藍可以直經中九龍幹線去油麻地交匯處，到時就唔需要再無病呻吟。