為接受VISA/mastercard做準備？

ViviTse 發表於 2020-10-21 01:59
但部嘢咁凸出黎，會唔會令頂閘時企少咗人？
會唔會將部機放八達通機上方更好？ ...

果個位suppose 係無人企
黃線以外範圍

kitarolo 發表於 2020-10-21 06:47
當然本地人也可用信用卡付款
(個別信用卡會提供短期車資回贈)
訪港客也可買一張八達通於境內使用

訪客俾補貼做咩？ 唔係大夥兒一向都不滿將香港嘅資源俾外來客？   如果你話呢個係吸引旅客黎既優惠，太微不足道了吧   遊客要有搭車優惠都有遊客全日通 （係巴士冇出者）


本地人可用信用卡付款 我明  （例 八達通／銀包漏低左 然而手機喺手就可以mobile payment）  但每日都用 除非好似中銀x龍運咁做推廣  有需要嗎？  而且信用卡拍卡機的交易失敗機會似乎多過八達通

我暫時未睇到有其他信用卡優惠搭交通  （即使九巴嗰張卡都係買九巴精品有折 搭車有回贈都係連結八達通）  如果話要每次搭車賺信用卡基本積分（而無額外3倍5倍的話） 申請八達通自動增值（經信用卡）都可以的了 而且一定有交津

你叫咁多間卡公司都交出用戶搭車交易紀錄  反而難喎

Quanta 發表於 2020-10-20 23:12
其實喺政府有交通費補貼下，真係唔覺得非機場/關口線有需要整咁多其他付款方法嘅機 ...

交通補貼唔係永久性，總有一日完結，到時就可以多個選擇

tkglobe 發表於 2020-10-21 08:24
交通補貼唔係永久性，總有一日完結，到時就可以多個選擇

你竟然覺得唔係永久性?
政府試下停咗佢睇下會點?

Quanta 發表於 2020-10-20 23:12
其實喺政府有交通費補貼下，真係唔覺得非機場/關口線有需要整咁多其他付款方法嘅機 ...

班遊客去到市區﹐都有坐車的需要。

另外﹐一個真香港人﹐巧合地八達通無錢+無自動增值﹐日後咪多一個選擇支付車費囉。

kitarolo 發表於 2020-10-21 06:47
當然本地人也可用信用卡付款
(個別信用卡會提供短期車資回贈)
訪港客也可買一張八達通於境內使用

訪港旅客真係都幾難搭公共交通搭到400蚊吧⋯⋯
就算搭到，拎咗資助，又有何用呢？

搭到400蚊嘅，都走去買張八達通用啦⋯⋯

kei_hk 發表於 2020-10-21 09:45
班遊客去到市區﹐都有坐車的需要。

另外﹐一個真香港人﹐巧合地八達通無錢+無自動增值﹐日後咪多一個選 ...

其實咪即係小巴要受支付寶玩嘅原理一樣囉⋯⋯

Quanta 發表於 2020-10-21 09:37
你竟然覺得唔係永久性?
政府試下停咗佢睇下會點?

根本上冇可能係永久性, 唔通到經濟真係好轉仲要補貼你，唔好覺得係必然，政府冇可能成世都資助你搭車

lsc04d11 發表於 2020-10-21 06:21
你講港鐵 即係你講港鐵全線支援qr code/信用卡付款？
九巴月票 我就唔明點解佢需要支援喎

MTR 的月票/日票及都會票﹐一律都有津貼。
但日票及都會票由唔唔係直接用八達通卡﹐乘客需要自己去登記機作出登記。

九巴月票就直接用八達通卡﹐乘客唔需要處理。

其他渡輪的月票﹐一樣可以有津貼﹐是否需要乘客做登記﹐自行上網check。


你話alipay hk 會加入做交通津貼﹐我都有機會相信。
最多加埋 V7 有機會加入做交通津貼。

原因係支付架構上﹐這2間都係獨資公司﹐補貼可以直接存入相關支付戶口。
只要佢地肯同政府商議﹐做到政府的要求﹐就有機會成事。

但係信用卡方面﹐VISA /MASTER 係信用卡公司﹐但係大家都係要經不同銀行做支付(找卡數)。
支付架構上﹐係分開2層的。
以現時交通津貼的運作方式﹐就要不同銀行去處理﹐行政手續成本會好高﹐成事機會好低。

仲未計算其他因素問題 : 包括A銀行肯做﹐B銀行唔肯做﹐都唔知點去推廣不令乘客有誤會。

GD1570 發表於 2020-10-21 09:51
其實咪即係小巴要受支付寶玩嘅原理一樣囉⋯⋯

小巴玩支付寶﹐應該背後仲有其他原因的。

1. 支付寶本身想推廣﹐可以半賣半送去推薦給小巴商。
例如﹐唔收交易手續費之類。

2. 支付寶自己提及﹐由於部機有GPS﹐可以做埋車隊管理。
如果佢真係有做這一方面﹐佢都要搵一些小巴線去做開發。
註: 我仲以為支付寶會爭到政府的ETA合約﹐結果比PCCW取得。