一人N篇搭巴士行錯路嘅經歷

請勿下車 發表於 2020-10-26 11:15
都幾佩服迴旋處多啲路線，好似機場嗰啲，記死啲司機

試過E22入機場，第一個迴旋處就轉錯，跟咗S1行飛機燃料庫果邊，
之後又入咗空郵中心，聽到報站機係到叫先知道行錯

另外都見過2X，722同102P唔知點解入咗太古城圈

koneotis 發表於 2020-10-26 14:19
試過E22入機場，第一個迴旋處就轉錯，跟咗S1行飛機燃料庫果邊，
之後又入咗空郵中心，聽到報站機係到叫先 ...

小弟半年前坐過6859行E11都遇到同樣經歷,但個次好彩行到飛機燃料庫之後發現不對路後即時係機管局辦事處行返出赤立角南路返原路.(只係曬多3-5分鐘啫)
btw,機場班師兄經常發生行錯路事件,都係每日玩跳飛機跳得盡過龍而且仲要就記太多線所致先搞成噤.(不論係黃公司飛人二部定龍LWB都係)

koneotis 發表於 2020-10-26 14:19
試過E22入機場，第一個迴旋處就轉錯，跟咗S1行飛機燃料庫果邊，
之後又入咗空郵中心，聽到報站機係到叫先 ...

既然新巴2X班師兄成日入太古城個圈上東廊,不如永久化兼順手做埋該帶屋苑一站直達天后,銅鑼灣令到唔駛成日受又慢又脫班2A氣.

52X屯門方向唔記得轉落深井，要响小欖掉頭落屯公九龍方向，
再行去深井落番去，
成程車多咗半個鐘

260x 落咗呈祥道，轉埋上青沙，然後求管制區職員用隧道口u turn支路掉頭，然後落返連翔道

AtrHenu 發表於 2020-10-26 15:16
既然新巴2X班師兄成日入太古城個圈上東廊,不如永久化兼順手做埋該帶屋苑一站直達天后,銅鑼灣令到唔駛成日 ...

而家2X拉咗去嘉亨灣，同720互跳得多，記錯都唔出奇

102番九龍, 唔熟路堅拿道轉左落橋去金鐘

試過43X蛋撻行蒲飛路落山，非常刺激

試過213D返中秀喺亞皆老街上咗橋飛咗中電個站。又試過213M落藍田埋完寶達邨站之後落左去秀茂坪道轉右燈位，之後倒返車返原路去秀暉樓。

8月尾一個星期六果陣個師傅揸82X應該以為自己揸緊82，停完愛秩序灣道之後，無轉入去停愛賢街，偏偏我就要去東大街果邊，我就點咗佢入筲箕灣總站比我落，之後佢就應該跟102出返去。
點知去到星期一，我係太古城中心外面竟然見番同一條友係度發夢又係以為自己揸緊82，入咗去太古城中心，連康怡廣場都無停飛咗落西灣河。
去到9月尾，又多一單因為發夢所以行錯路，呢個仲犀利，不過就係九記118，條友懶醒咁樣係紅隧往港島方向跟咗5A咁行入咗去梳士巴利道，過埋紅磡站個巴士站先知賴嘢，想同返出嚟都好難啦，跟住直接清客叫班客跨過欄杆入返去隧道口巴士站等下一班同下一班個師傅講喎（呢個時候其實已經走咗兩班118），梗係鬧啦。過車個陣，啲乘客show晒相又車牌又性，個個師傅搞咗好耐先放班客上車，呢個時候同一架車連埋同一條友竟然出番嚟喎（當然我唔知佢點做到係5分鐘內成功掉頭啦，不過肯定冇倒車嘅）