屯馬線巴士路線重組集中討論

dennis28a 發表於 2021-2-6 06:25
如果一條葵益道同葵涌道，一條行興芳路，請問葵芳班客點等車？
兩條巴士做相近客源但唔同站位，各自 20 分 ...

葵芳站位係一個問題，但而家 37 行興芳路，33A 行葵涌道，而葵涌道又會比興芳路稍快；各自拆兩條後，順理成章都會係一條興芳路、一條葵涌道

開廿分班係資源問題，只做旺角循環亦係資源同配額問題。我成日都話，呢個年代，客量已經唔係開線與否既唯一因素甚至決定性因素。只要食水深、有資源，無客都可以開線；如果無資源、無配額，有客都唔開得，或者只能開廿分班

不如望下而家 33A 37 各自有幾多部車、做緊咩班次先，又留意下原來 33X 37X 做西廊旺角循環，一轉行車時間大約等於原線一單或者一單多少少，機會成本有得計

咁我同意分開兩邊做廿分班，對個別客源唔係最理想；但我亦唔同意去程兩邊做緊相同客源。唔好忘記兩邊之間擺左大大個地鐵站，新都會客行得出葵涌道不如直接行入葵芳站；大連排客行得返入去都唔見得會行落興芳路新都會分站

反而係回程，落車站位雖然唔同，但做緊既客源的確比較相近

可以睇返點解我要提 33X，係因為你早前聲稱認為我會覺得 37X 可以做到你心目中 41 改道方式做到既大連排 -> 旺角客源，我有必要澄清返


而我咁拆，同港鐵搶客並唔係唯一目的，甚至唔係主要目的。廿分鐘班搶到幾多，我自己都有自知之明，我唔會誇大其辭，但成組線既效率提高左係事實。當然運署會唔會將成件事睇作純粹同港鐵搶客，而無視其他好處，尤其減少幾條巿區繁忙道路巴士流量呢點，我就控制唔到

不過早若干年 37 33A 重組都擺過上 RPP，說明咁樣改快並無觸及運署紅線，至少無觸及佢地當年既紅線先

No Offence，我有時講既野，去到執行層面都一樣會比人打回頭，無問題，甚至大家點講大家都無問題。
但有無諗過你有時代入政府部門既諗法未係全面呢？甚至區內利益人士係唔係真係咁諗呢？

無錯我同意有關當局到底真係點諗，得佢地自己最清楚，甚至乎自己條紅線都可以隨時間移動

但唔代表我地唔可以作有憑證、有根據既推測

至少唔係將有D明知一定唔得既野（例如地區配額、無新增人口既蝕錢線加車）講到大條道理可以發生先，或者因為呢類規限阻礙自己既願望實現，就要當假新聞、唔存在（淨係呢條 thread 同 F1 版都大把）。有D明知一定唔得既野，其實都好明顯，無爭拗空間

大家都係年年睇文件、聽錄音，增長了解，慢慢學野。咁樣作合理推測，就算唔全中都中到七八成

不過我同你響呢度花咁多時間吹水應該點做點改，無非都係想帶來進步而已。佢地有自己一套規矩同處事方式，唔代表唔存在比起佢地提出來既野有更理想、效益更高既做法，又能符合佢地既規矩，所以我地先會花時間諗計可以點做

其實我一直都講緊正題。

我諗到呢一刻，再講條 41 都唔會有咩結論，我地只能 agree to disagree。Let's leave it at that

不過我諗青山上路做到葵涌區居民數目會比起下路多，呢點應該毋庸置疑，就算你話做唔到半個上葵涌亦然。你既角度似乎係純粹想盡吸土紅何客，我既角度係想同時盡可能做更多荃葵青客，大家出發點唔同，無得拗，我亦無講過果欄西廊走線唔收貨

我亦無否定過你話行葵涌道西廊果欄可以做大連排旺角南呢個觀點，就算我指出我有提出 33X 做埋大連排旺角特快，我亦無講過話 33X 可以做到你心目中呢個功能，做緊既野根本有分別


我亦依然唔認同你對九龍塘行車時間既評估。留意唔係只係得條 7 仔，仲有成堆新界東線，萬基大廈/中電去到歌和老街口，九巴網站數據都係 7 分鐘左右搞掂。如果你認為呢個數字有問題既，咁多條線齊齊出問題既機會有幾大？

當然我係講緊平均數，我無否認過有部分時段一定耐過呢個數字。但平均就係平均，我又真係想知道你下下要坐咁耐，你揀既時段到底有幾大代表性

或者換個角度，行果欄西廊葵涌道，入到荃富街要幾耐？真係明顯快過九龍塘同青山上路？何文田街落到渡船街、渡船街到葵芳廣場、葵芳廣場到荃富街，全部都有類近路線九巴行車時間可以估算，不妨計下，睇下差別到底有幾多

ATENU364TC196 發表於 2021-2-6 22:55
268X 朝早入元朗客量其實真係唔係咁差，有時仲坐滿，只不過係九巴唔肯加班咁解咋喎

而且你又係不斷走去 ...

憑空作配額？本版好似只係得你一個堅稱尖咀非配額限制區，反而提出過尖咀配額問題既版友就大把

唔係因為現實限制窒礙你想做到既野，呢D限制就唔存在，提出呢D限制存在既人就係老作

不如咁問，如果運署只係批准 242X 開基本廿分班入尖沙咀，你又打算點解決？我之前問過但你好似無回應過，咁樣唔係解決問題既方法

至於收費問題，再嘈都唔會有共識。問題係唔見得有方法令到九巴同地區同時滿意，又唔會衍生其他問題出來。本版都有其他青衣版友其他文入面提過，唔知點解有人咁堅持一定要 43C+242X，42A+242X 咪算囉

S3BL100 發表於 2021-2-6 23:58
葵芳站位係一個問題，但而家 37 行興芳路，33A 行葵涌道，而葵涌道又會比興芳路稍快；各自拆兩條後，順理 ...

可以睇返點解我要提 33X，係因為你早前聲稱認為我會覺得 37X 可以做到你心目中 41 改道方式做到既大連排 -> 旺角客源，我有必要澄清返

No No No No，又係慣常你睇一半文唔睇另一半文既情況，睇番對同 xdxd 兄既原文。

不過以佢性格，佢會寧願屬意葵涌行興芳路開條 37X 淨做旺角。
咁所以 41 改行西廊、葵涌道做特快旺角南，對佢黎講係一定有誤差掛，所以 41 咪要行上青公上路囉。

我成日話，根本個盤夠大，係港鐵沿線唔一定搶唔到客，你試下將你條 37X 同 41 何紅土合併

而依句話我係上一篇文解釋左，我係同「港鐵沿線唔一定搶唔到客」，而唔係你條 37X 做到我心目中既 41 改道方式。
我心目中既 41 係連亞皆老街都唔入囉。

我每一次你對你理解能力覺得驚奇。

無錯我同意有關當局到底真係點諗，得佢地自己最清楚，甚至乎自己條紅線都可以隨時間移動

但唔代表我地唔可以作有憑證、有根據既推測

不過我同你響呢度花咁多時間吹水應該點做點改，無非都係想帶來進步而已。
佢地有自己一套規矩同處事方式，唔代表唔存在比起佢地提出來既野有更理想、效益更高既做法，
又能符合佢地既規矩，所以我地先會花時間諗計可以點做

講就講得好好聽，即係起碼我同你都無權 100% 代表到當局點諗，而你有唔少都建基於你對佢地認知去推測出黎啦。
咁就唔好對其他板友講到自己係運輸署代表批改文件啦，萬一你解讀左另外果 2-3 成就⋯⋯希望你真係明我依句講咩。

我諗到呢一刻，再講條 41 都唔會有咩結論，我地只能 agree to disagree。Let's leave it at that

不過我諗青山上路做到葵涌區居民數目會比起下路多，呢點應該毋庸置疑，就算你話做唔到半個上葵涌亦然。
你既角度似乎係純粹想盡吸土紅何客，我既角度係想同時盡可能做更多荃葵青客，大家出發點唔同，無得拗，我亦無講過果欄西廊走線唔收貨

我一直在意既問題唔係居民數目，而係非繁出行習慣。
你既角度似乎只係著重於半個東北葵客。
而我既角度係盡吸土紅何客同荃葵青客，唯一問題係做少左你果半個東北葵客。

我無阻止你去做東北葵客源，但請問非繁依半個住宅區有幾大需求落何文田、紅磡、土瓜灣？

另一個問題係，大家改完條 41 都預期條線少左一半客，
新增客源有無可能維持到佢將來唔會被減班或取消既命運？

我亦依然唔認同你對九龍塘行車時間既評估。留意唔係只係得條 7 仔，仲有成堆新界東線，萬基大廈/中電去到歌和老街口，九巴網站數據都係 7 分鐘左右搞掂。如果你認為呢個數字有問題既，咁多條線齊齊出問題既機會有幾大？

當然我係講緊平均數，我無否認過有部分時段一定耐過呢個數字。但平均就係平均，我又真係想知道你下下要坐咁耐，你揀既時段到底有幾大代表性

嗱，又唔緊要，我無完全否定過 15 分鐘做唔到嫁，但好吃力囉。

唔好講咁遠，淨係依星期五下繁 6-7 點，維景去義德道 ETA 自己都話要行 10 分鐘，
但實際行左 13 分鐘（其實唔慢），可能依一日依個時間無咩代表性。
或者我以前晚間 11-12 點搭 6 分鐘維景去義德道果時間有更大代表性，無話做唔到嫁。
好多年無係依個時間搭，無謂害人啦。

你成日都識講亞皆老街怡安閣塞落旺角耐，南行方向，窩打老道南行轉入怡安閣堆車可以行邊？
倒轉北行，中電去聖佐治大廈係唔係全日都咁穩定 2 分鐘內行完？如果唔得，就要 3-4 分鐘由聖佐治大廈去到義德道。

仲有森麻實道同根德道一帶學校出名多私家車接送，2014 年仲上埋區議會討論嫁，
好多謝因為依件事，半年後成功促成 3C 全日唔停多實街同義德道。

不過以你條新 41 九龍塘無咩客既情況下，我又諗諗下全部站都唔洗埋，
過晒返放學時間同非繁真係可能做到喎，新東線成日都行中線飛站嫁啦。
不過獅隧同怡安閣發作就另話啦。

話時話，我成日都覺得 7 20 都好應該飛埋中電依個站，
成日都比落怡安閣倒塞返落黎同違泊既車頂一頂搞到又食多支燈。
一早跟新東線行中線咪算，個站又唔多人用。

ATS131@45 發表於 2021-2-6 23:37
其實我真係唔知41開黎做乜，又唔係長青拉後10分鐘開車
41/45 各自葵青開2300， 兩者到中電分別係：
45: 233 ...

其實都唔準
2300嗰架43B order就應該差唔多,2330正軌收工可以喺太子附近爬45
  就算早繁都係夾唔到,0715 41例追0710 45,回程就0900 45+0905 41,41就碌到45食哂房署班客先爬...
  日間非繁2架出九碼開同一個時間又係廢,見親45都要差唔多20mins先到美孚,41通常25mins附近,搞到45食哂所有客之後41喺土瓜灣追貼,又係食空氣。
  

TC9572@44 發表於 2021-2-7 06:22
其實都唔準
2300嗰架43B order就應該差唔多,2330正軌收工可以喺太子附近爬45
  就算早繁都係夾唔到,0715  ...

呀係, 聽講之前41 臨收工前都係俾1個鐘45分由長青落九碼
但此從九記發現佢地52-60分鐘都落到九碼既時候, 就減到2200或之後開落去只係俾1個鐘15分佢地落去, 而2130果部就提早收工

2300果架43B就慘了, 俾41正字軌搞到cut時, 要趕住2415做番去長青

其實九巴咁樣搞, 我諗唔係唔識編時間, 只係玩野, 玩到架41唔夠客, 然後重組/取消埋條線

ATS131@45 發表於 2021-2-7 13:12
呀係, 聽講之前41 臨收工前都係俾1個鐘45分由長青落九碼
但此從九記發現佢地52-60分鐘都落到九碼既時候,  ...

夜晚41南行正常速度，的確一個鐘行得完，不過得75分鐘行的確有d趕，上次我聽到都呆左。

FBI2 發表於 2021-2-7 13:17
夜晚41南行正常速度，的確一個鐘行得完，不過得75分鐘行的確有d趕，上次我聽到都呆左。 ...

得架放心, 以前尾車白板我成日搭, 0005開, 0022(extreme case) - 0025到美孚, 0050(extreme case) - 0055都到九碼

ATS131@45 發表於 2021-2-7 13:24
得架放心, 以前尾車白板我成日搭, 0005開, 0022(extreme case) - 0025到美孚, 0050(extreme case) - 0055 ...

以前我夜晚9點幾係楓樹窩上41，約40分鐘左右到家維村對面轉彎落車。

ATS131@45 發表於 2021-2-7 13:12
呀係, 聽講之前41 臨收工前都係俾1個鐘45分由長青落九碼
但此從九記發現佢地52-60分鐘都落到九碼既時候,  ...

其實對41自己就冇乜影響,甚至啲佬都幾鍾意
2200,2330,0005都係收工單,佢收工返廠個時間冇cut
2230嗰架就多咗半個鐘食飯=俾135+60+30mins
真係慘就43B order,不過啲人都踩唔慢嘅

FBI2 發表於 2021-2-7 13:17
夜晚41南行正常速度，的確一個鐘行得完，不過得75分鐘行的確有d趕，上次我聽到都呆左。 ...

夠㗎啦,60點都夠行,收工真係踩嘅話42-45行完