屯馬線巴士路線重組集中討論

kingprowm 發表於 2021-2-9 15:42
何文田成為改線絆腳石囉，有條 45 都要死攬 41，呢 d 咪真大帝囉

請你去睇一睇45嘅班次、41嘅乘客分佈。

因41取消而受影響嘅青衣－何土客只有約20%／1300人，其他地區根本現有路線係覆蓋到晒。
厹肯開多幾班241X兼雙向服務已經可以將影響減到最細，況且非繁我幾次搭過都係冇青衣人搭到去何文田打後，講緊2018年數據而唔係近呢一兩年因武肺／社運而令客量有所波動。
同時，你哋條44開緊密唔少嘅班次，而根據FBI2版友所言，只係下繁略略唔夠載，其他時間根本夠載。
何文田呢，45係開緊30分鐘一班，但係佢哋同時有41可以玩聯合班次，一齊載6000人上落山去長沙灣道
而何文田冇咗41之後，期望有返條落長沙灣道嘅線去補返，又或者加車落45去做返呢段有價值嘅位非常合理，畢竟45除咗何文田－長深荔、仲要做埋麗瑤客，先唔論呢3000人係咪全數上返45，半個鐘一班根本就食唔番晒啲客，但九巴根本冇諗過，呢樣係佢問題。
每次41提速，九巴都冇諗過加車落45去serve返沿路嘅客，咁俾人彈回頭、鬧係正常事，唔係隨隨便便就鬧何文田死攬唔放。
（至於45有無加密嘅空間？有嘅，殺晒41+46，咁45就食晒上落荔景山同何文田客，應該夠開15嘅）

仲有，41唔計青衣段車到嘅客，同青衣段出到嘅客係相同百分比。
你成個青衣嘔到嘅客同深長荔－何土出到嘅客一樣，仲嘈何文田係大帝？
好心啦。

xdxd 發表於 2021-2-9 16:18
請你去睇一睇45嘅班次、41嘅乘客分佈。

因41取消而受影響嘅青衣－何土客只有約20%／1300人，其他地區根 ...

都係果句，現在情況唔等於實際情況

青衣少客搭 41 唔一定係需求少，而係因為太慢
如果改快，客量自然會多返

睇返區議會意見對 41 既態度都係話行車時間太長，要求提速
如果青衣去紅土可以搭鐵，咁何文田去深長荔同樣可以搭鐵，點解要強迫青衣居民保鐵，又唔要求其他區居民保鐵

講鐵路服務，將來屯馬線貫通後，何文田鐵路服務仲好過青衣添呀，何文田有兩條鐵，觀塘線包有位坐，青衣得條疏既東涌線，仲要東涌都上爆晒，青衣得企位，仲要繼續推青衣居民迫鐵，太無良了吧

kingprowm 發表於 2021-2-9 16:32
都係果句，現在情況唔等於實際情況

青衣少客搭 41 唔一定係需求少，而係因為太慢

提速？得嘅，但係淨25%客囉。
何文田－長深荔依家都可以搭鐵，冇三個字一班嘅車真係進一步趕客落鐵，仲要唔止上41嘅三千人，係剩低嗰堆上45都走一大半，咁神心等條半個鐘嘅45咩...
喺有鐵嘅情況下，仲會有7000人左右等巴士，大約係37嘅客量，你會唔會話37無用？
呀仲有，有人話E21A加設雙向分段？有講過呀，比城巴彈回頭咁囉。

無人迫青衣居民保鐵，而係改快後根本冇咁嘅需求去開全日線。
假設你開得成，又吸到幾多客回流？
重點係，青衣人有咩情況下會山長水遠走入何紅土？
斷估唔會走入來買餸掛。通勤／通學，鐵就一定穩定唔少，況且過對面岸有條競爭力唔太差嘅紅小，上繁仲有241X（冇41嘅情況下，我支持241X變繁時雙向服務㗎。）
何土呢？講過好多次，葵芳荃市需求遠高於青衣呢個住宅區，亦都係前面點解講改快41嗰陣部份人覺得行葵涌道+西廊係一個相對好少少嘅選擇多於行九龍塘+青山公路。
青衣咁想要紅土線？同荃灣夾一條囉，反正紅土何一係就無荃灣車，有都係得條垃圾30X。

xdxd 發表於 2021-2-9 17:13
提速？得嘅，但係淨25%客囉。
何文田－長深荔依家都可以搭鐵，冇三個字一班嘅車真係進一步趕客落鐵，仲要 ...

將 41 改為 42c 方式去紅土我冇意見

但總之，屯馬線唔算係青衣直接受惠既地方，屯馬線在青衣不設站，青衣一條巴士線都唔可以取消，除非線換線，好似 692 換 290 咁

要取消巴士線，就要先取消屯門區和沙田區和九龍城區內線

kingprowm 發表於 2021-2-9 15:55
屯門和沙田馬鞍山去紅土連線都唔駛轉，仲方便添呀
如果 41 要取消，咁 61X 和全數 85 字頭既路線都可以取 ...

我的確認為85A和85B會在屯馬線後歸西，後者依家都唔夠客

另外，值得留意的是，新界去紅土本身需求就係比較少（如果唔係以前有啟德機場，我諗九巴未必會開61X)，客量和班次相對去葵青，九龍西，油尖旺，九龍東差。

以馬鞍山為例，85X雖然有大隧網絡加持 班次服務無咁差。不過，相對馬鞍山咁多組出市區路線，只有黃大仙果組線(85m,唔計286m)班次和客量係差過85X，前者仍有獨市優勢，後者現在還要和屯馬線直接對打。

青衣紅土仲有另一個問題，無論做旺角特快，佐敦特快，還是61X九龍走線，全部都要經塞車黑點。經何文田九龍塘走線不討論，241X走線 or 經尖沙咀有種兜的感覺。
小弟不才，我諗唔到有一條可以在繁忙時段車程打敗港鐵的走線

基本盤差加上道路網問題，我唔認為41專心做紅土會夠客全日。就算夾其他區，咁相對港鐵仍然唔夠快

41，死左去算啦，唔好FF咁多……傷身的
41取消就爭取換一條青南荃灣特快線啦，受惠人士肯定比241X延長至九馬＋全日多

xdxd 發表於 2021-2-9 16:18
請你去睇一睇45嘅班次、41嘅乘客分佈。

因41取消而受影響嘅青衣－何土客只有約20%／1300人，其他地區根 ...

41青衣客少，唔係因為青衣至土瓜灣需求低，而是被41班次加行車時間嚇怕了。近年41因為有到站預報，客量明顯多左，吸引番青衣至土瓜灣班客搭，當然只限非繁時啦。可是，屯馬線全通後，青衣山下出入土瓜灣呢班客會走。

kingprowm 發表於 2021-2-9 17:29
將 41 改為 42c 方式去紅土我冇意見

但總之，屯馬線唔算係青衣直接受惠既地方，屯馬線在青衣不設站，青 ...

41唔會學42C啦，老九根本就想成條線殺左算數，邊會同你救線？

不過，要殺41絕不容易，涌美又嘈冇車，長發又話下繁44冧左冇線救，愛民又話45冇加班解決唔到去深水埗那班，但留成條線又唔多有效益。因此，今次屯馬線通車係最後機會強硬斬41，如果今次唔斬，睇怕都冇乜機會再搞。