屯馬線巴士路線重組集中討論

xdxd 發表於 2021-2-9 16:18
請你去睇一睇45嘅班次、41嘅乘客分佈。

因41取消而受影響嘅青衣－何土客只有約20%／1300人，其他地區根 ...

青衣版友算吧啦
睇下E31/E32/E42淨係留一條經青衣入東涌/機場睇下得唔得？

FBI2 發表於 2021-2-9 20:13
41唔會學42C啦，老九根本就想成條線殺左算數，邊會同你救線？

不過，要殺41絕不容易，涌美又嘈冇車，長 ...

41 用 8 部車而已，又唔係多，成日想殺為乜

為左果幾部車拗幾十版，由佢繼續保持現在 30 分鐘一班，放過佢好冇

其實改做 241X 都算係救線既一種，241X 點都快過 41，又可以做長安旺角特快，一雞兩味

ccchhhuuunnn 發表於 2021-2-9 20:18
青衣版友算吧啦
睇下E31/E32/E42淨係留一條經青衣入東涌/機場睇下得唔得？

E42 我唔評論

但 E31 E32 邊可以同 41 45 比較，東涌走線都唔同，客量都高好多

E32 去到富東商場都坐滿晒，要靠 E31 救命
但 45 相信冇乜可能上何文田前就坐滿，要靠 41 救命

S3V1742C 發表於 2021-2-9 20:09
紅土人對41其實有冇甘大既話語權
我就好大疑問
只要45加密

首先，「連18都搞成咁」呢句都有啲問題，一來上山已經無定時，仲要雙向旺角塞車；二嚟本身同紅綠小堆車海對撼，回程仲有條E21A，而家多埋鐵。但41／45唔同，對手只有鐵同半條E21A，而19／20數據都講到半條41係九龍段內客。
行勻成個青衣所出到嘅客，同何文田上落長深荔嘅客一樣，仲話削減何文田服務？真心？

基本上，何文田阻力會大過紅土，始終最受41取消嘅係佢哋，而紅土自己如你話齋有6C（講真你青衣有密唔少嘅42A／44仲爭車使，企喺九龍城區呢邊又真係過份咗啲...)
45加密至20（甚至部分時段係要開15），何文田會過，但麗瑤、荔景山夠客去撐起條咁密嘅線？
除非46執，又或者減車兼變X46出市區，流水掟返比45，但我對厹肯唔肯花心機去做表示悲觀。

至於第二點，我可唔可以視為「將242X全日化，並延伸至九碼／海逸，資源抽自原41及42A」？
我唔識評論，始終紅土人冇事冇幹真係少走入青衣（我唔清楚掉返轉有冇真係咁多）。
但正如某青衣大帝版友經常話要咩一換一喎，咁我覺得何文田都有返咁上下牙力嘈一換一，始終本身最有價值而抽走嘅落長深荔沙中線係幫補唔到。
荃灣？唔...始終西站離市區都有返咁上下距離，而美孚轉車又...
葵涌就正如上述嘅第二點所講。
我覺得，抽走41就點都要換返條新西線上去架啦，但係係經果欄上西廊，定係45唔加密換條開30嘅長沙灣道（skip旺角），再經葵涌道入返荃灣就睇番地區想點啫。
（我assume你係反對經九龍塘同東北葵嘅某位版友方案，於我而言嗰個根本係白痴走法）

之前有版友講過，45係聯合班次失效下，依然可以食晒46（麗瑤方）或者41（九碼方）嘅客，
咁不如試下整密45，殺晒41 46，青衣抽車比42A／43C／242X拆得靚仔啲或者44，何文田抽車玩39／18A，荔景山再抽少少開246，剩低嘅交數？

xdxd 發表於 2021-2-9 20:59
之前有版友講過，45係聯合班次失效下，依然可以食晒46（麗瑤方）或者41（九碼方）嘅客，
咁不如試下整密45 ...

唔好忘記 41 長安有唔少客，你要殺 41 就要補償返俾長安

42A 43C 242X 服務長安咩

kingprowm 發表於 2021-2-9 21:17
唔好忘記 41 長安有唔少客，你要殺 41 就要補償返俾長安

42A 43C 242X 服務長安咩

44絕大部分時間夠載，呢個係啲青衣版友講，唔關我事。
But anw 攞架車比44都唔太過份。

xdxd 發表於 2021-2-9 20:53
首先，「連18都搞成咁」呢句都有啲問題，一來上山已經無定時，仲要雙向旺角塞車；二嚟本身同紅綠小堆車海 ...

何文田係新鐵路直接受惠者，但青衣唔係

所以何文田巴士線減車交數理所當然，憑乜嘢要求一換一，
你地成日唔想其他區巴士線減班，就成日想郁青衣巴士線，依家屯馬線係係青衣有站先

荃灣已經有兩條鐵路，仲成日要求開大量新線，又唔肯減自己荃灣巴士線既車，成日建議加強荃灣巴士服務就要燒埋青衣果疊，荃灣就真係帝區啦，荃灣人就真係大帝啦

客量比較差既線每個地區都必定有幾條，冇一個地區係所有路線都好客，其他區就容得下，唯獨青衣就容不下，成日要搵青衣線來惡搞，公平咩

leo_ku 發表於 2021-2-9 20:41
你就真係算把啦，e31/e32都要靠青衣塞滿架車，e42 我都認同要唔停青衣架。

E31 一條只去逸東邨，而 E32 去後勤區和博覽館，根本不能混為一談
兩條線長安上落既人數任何時候都多過 45 既客量