屯馬線巴士路線重組集中討論

053h4 發表於 2020-12-31 15:54
好心你啦，增加完規模D巴士載空？

多左客好無。

先講「增加完規模」而「巴士載空」問題。可能喺你狹窄嘅世界觀裏面，一條線只係服務一個區域，而九巴5A號線，同城巴20、22號線都係服務啟德嘅，所以九巴5A號線延長去啟德就可以「攬炒新城」
另外，為咗驗證誰對誰錯：
由屯馬綫全面通車起，如果九巴5A線可以不重組、不取消，並保持全程收費於$4.3，每維持一日，我會拍片向諸位道歉，決不走數，每拖一個禮拜加多十次道歉。


例如：如果全面通車日期係11月20號，而九巴5A線相關重組/取消/加價喺12月20號進行，我會道歉30次，而如果去到12月27號都未找數嘅話，我會再道歉多十次。
我接受嘅重組包括：由啟德延至九龍灣、改經土瓜灣下路、紅磡等，以全程收費增加作準。

Justshamxx 發表於 2020-12-31 16:23
先講「增加完規模」而「巴士載空」問題。可能喺你狹窄嘅世界觀裏面，一條線只係服務一個區域，而九巴5A號 ...

如果按港島線屯馬線一期開通後果種慢條斯理處理落實巴士重組的態度，你預備至少道歉365次以上

放鬆d啦板友

YY487 發表於 2020-12-31 21:55
你嘅討論態度就係得你講嘅就係真理
其他同你唔同立場就係謬論, 就係失效論據
你呢啲人要形容就係自我中心 ...

(Ctrl-C, Ctrl-V期間字體問題，全篇文調較字體。)


首先，多謝分享相關圖片，功德無量。

另外，我都由其他人士(Facebook人士)口中，得知原來你一向並非盲撐凌伍叁H肆的人士，本人對相關誤會致歉。
但係「佢今次講嘢合理」？肯定唔係。我諗大家冇睇清楚喺 #360嗰度我嘅理論，可能啲細字大家睇唔到，我放大出嚟畀大家睇啦：
九巴12號由深水埗(東京街)延至海麗邨唔係大幅延長：12號由深水埗(東京街)延長至海麗邨嘅路段大約450米(扣除咗入舊站嘅路段)，同日改經深旺道而不再經欽州街、大角咀道，隨時12線全程里數不增反減；
須知舊文有論5A延長後有機會將全程收費提升至高達$8.1：舊文在此，由LN9267做樓主：(傳送門)。
九巴12雖然都有同西鐵提供轉乘優惠，但係佢有講到明期限：我暫時只係揾到香港巴士大典嘅資料，係咁樣寫嘅，「Ctrl-C, Ctrl-V」：

• 增設與港鐵之轉乘優惠，乘客以同一張八達通卡於此路線與港鐵市區綫之間轉乘，並於南昌站、柯士甸站或尖東站出入閘，可獲$1.0（小童及長者$0.5）優惠，為期6個月（後延長至2010年8月15日）。
  

唔同5A線，5A等一眾巴士路線與鐵路的轉乘優惠係無刻意講屆滿日期嘅：港鐵網站相關資訊，啱啱仲要發現係佢標晒紅字，講到明「紅色標示車號為屯馬綫一期特別轉乘優惠指定路線，優惠期至屯馬綫全線通車。」添！
而大家應該知道屆滿日期係屯馬全通嘅時候，因為港鐵係要贖罪贖到屯馬全通嘅。
我承認，#360後段我係過火()啲，但係某人士長居山洞(italk)拒絕接受外人反論，就明顯到眾人齊聲反對、譴責，相信你都知。



如果到而家都好似你喺#359咁唔明點解我咁堅持九巴5A線只係收費版嘅港鐵接駁巴士嘅話，歡迎喺Facebook/Discord嗰度揾我討論，你有edit香港XX大典嘅話應該會揾到我，揾唔到嘅話，你揾「用戶:Justin.sham.77」。(我相信凌伍叁咁專心於italk應該呢兩樣都冇)


最後，我本人其實都真係欣賞你根據先前文章，嚟作出推理嘅能力。希望大家都可以繼續和平、友善討論

Justshamxx 發表於 2021-1-1 11:57
(Ctrl-C, Ctrl-V期間字體問題，全篇文調較字體。)

即係咁，人對自己有自信係無問題，
但如果認為你的理論可以解釋影響某巴士線必然有某種結局，繼而否定一切其他可能性，咁我覺得你的世界真係好細，也低估世界的運作

關於K16,佢惟一設立的目的本來就是方便九鐵客去唔同地方，本身免費(任何人可以任搭)，係後來好多街客“濫用“才設街客收費(搭鐵仍然可以免費轉乘)。尖東“歸西”後，原本尖沙咀K16免費轉乘西鐵的角色已完，當然係立即取消。

5A本身沒有這個角色，主要客源並非尖沙咀東，所以我才指出5A“鐵路接駁角色的假設“係完全 荒謬

另外，鐵路通車當然會令到巴士跌客，但我看到和鐵路重疊如我樓下的803k,至今晚上仍然能夠開3至5分鐘坐滿19座小巴命不該絕。取消一條線還是看客流量變化吧

我簡單紀錄5A，意想不到能引起這樣大的迴響……

S3bl430 發表於 2021-1-1 13:33
即係咁，人對自己有自信係無問題，
但如果認為你的理論可以解釋影響某巴士線必然有某種結局，繼而否定一切 ...

講到尾就係九巴嗰種「一個改動，多個作用」嘅改線方針
好難令人估計到最後結果
所以比較容易俾睇死一邊嘅人攞實對自己有利嘅觀點無限放大

5A最後頂唔頂得住，應該都係價錢同碼頭點對點兩方面有得爭取下
知名度就應該前排疫情舒緩後已經見哂效果，所以先有依家呢個客量
再有啲人出番嚟，都只會係依家班次已經夠做嘅客量

另外有無邊個新區想架車去尖碼，可能都比屯馬通車更大影響

見其他帖有提及，想問下各位版友
如果直接取消85AB，並且改85行返車公廟路、甚至沙田後直上公路，會唔會係最簡單嘅重組方案？

YY487 發表於 2021-1-3 19:54
車公廟路有馬鐵，美林冇鐵
唔覺得 85 會由美林改去車公廟路

只係見過有人講過兜美林令到火炭／沙市唔上85先略略提及。
另外其實82X／84M個分工都要搞搞。
我希望82X可以縮上廣黃，再加兜埋東頭村道、聯合道、彩虹道，當叫補返下85A嘅空位，同時可能開拓下新客；而84M就專注富安／濱景／一城。