屯馬線巴士路線重組集中討論

S3BL100 發表於 2021-1-24 23:16
你又肯定而家坐緊 $6.8 42A 出旺油佐既居民，全部都會同意被加價 $2.1，車費開支增加超過三成？

你同意 ...

首先，重組之後去旺角嘅居民仲可以選擇乘坐43C，車費依然係維持不變

其次，去油佐可以選擇坐43C<>6/46/36B/81，車費依然維持不變($6.8)

攞返兩個情況同你講，

Case A：42A+242X；繁忙時間 42A得返大約19架，只可以做到6-12分鐘一班，242X 用11架，做8-20分鐘一班

Case B：43C+242X；繁忙時間 43C用大約20架，可以做到4-12分鐘一班，242X 用11架，做8-20分鐘一班

前排睇過站助張紙，疫情日子由7:00-8:30期間，42A係5分鐘一班一架12.8咁開，去到青桃樓都頂晒閘，更加出現留後情況，就知道長荔深一段嘅班次係冇得再減，而坐得多嘅都知道好多時過咗旺角站幾乎得返大約一至兩成嘅客坐咁滯，尤其上繁為甚

你講到有兩成人唔同意咁多，不如你諗吓如果唔縮短42A變43C，長荔深太繁忙時間 (計埋以前42A+回程43C) 少咗超過四成班次，上唔到車嘅會唔會嘈先，長荔深太客亦佔42A 超過70%客源咁滯

兩成人反對容易過啲定係七成人反對容易過啲呢？

cky 發表於 2021-1-24 20:34
提速的先決條件
係邊一段路的乘客最多
好明顯, 116 九龍最多人使用的係馬頭圍道馬頭涌道一帶, 唔係慈雲山 ...

116 上繁過港島我唔太清楚，但過九龍，好多時過咗馬頭圍上層都仲好full，起碼八成甚至以上，甚至比較少客係上層落

S3BL100 發表於 2021-1-24 23:42
我心目中既 116X，唔係九龍段加快，而係港島段加快

擺嘉亨灣，往九龍方向糖水道上東廊，港島方向出紅隧 ...

116X係要做，但絕對無可能跟你咁做

搭得隧道巴都係貪就腳同班次密，你嘅116X做到邊樣？北角之前係快咗，但炮台山呢？一句唔好意思就攞走成條線，叫佢哋行前行後？行去清風街但無快過，定係行去琴行街換快少少但要等耐啲？隨時灣仔北燈口等燈慢返轉頭同等15－20分鐘車，快都唔快得多。有邊度好咗？

同樣case其實現實都發生緊，太古城／康怡去116沿線，行去搭110轉101/107/108/111/116去土瓜灣上路／九龍城，定係行去上116坐大半程甚至全程（唔會搭608因為太慢，同埋唔會搭106因為唔啱路）結果話你知，110快都冇用，太古城等車同行去太古城上車都用咗唔少時間，倒不如係康怡行兩個街口去上116，又唔洗預時間，又行得少。當然，如果康怡門口有116上就最好，無嘅都唔會揀㗎快，因為隨時因快得慢

無人會特登等架快，特別係你116X過港島快咗等於無快過，不如你留條密嘅116比佢哋，兜銅鑼灣sogo去東區都好過得返架15－20分鐘先有一架嘅116x但快唔到幾多。馬頭圍去南洋酒店多數都係4個字左右，sogo最多5個字，跟住就落咗好多客，一路沿著電車路跑，時間唔耐。當然，對於慈雲山嚟講都係耐

『減班換提速，值與唔值，從來係睇班距 vs 節省行車時間，同埋收費』


116北角之前沿線減到15－20分鐘先有一架，換架快唔到幾多（特別係過港島快咗少少咁大把），灣仔北燈口要等燈隨時慢返轉頭，仲要炮台山行前行後自生自滅，點睇都唔值囉


個人建議嘅116X，上下繁雙向，健康村上落橋，總站擺筲箕灣，來回唔停紅隧口，九龍段跟116，主力吸土瓜灣上下路116／106P／A遊離客、九龍城、彩虹道106P／A客、同埋慈雲山客。比起106P，更加快去到九龍城、彩虹道，同埋更加近新蒲崗，做到更加多返工客，比起116，有更大時間優勢

S3BL100 發表於 2021-1-25 00:23
我幾時有講過我唔預呢條線有逆向客源？

早幾版都提過，鐵路快將通車之下仲走去爆條直接同鐵路競爭既全新 ...

你預有逆向客源，咁正常西九廊走廊路況都好過窩打老道啩(龍翔道唔敢評論)，況且加士居道天橋塞車狀況會隨六幹通車而改善(雖則唔知搞幾耐-.-)
「現有路線改道」→簡簡單單窩打老道上西廊唔好？而家你咁行法都同開新線無異，只有青衣段係一樣，土何段只係類似。
「唔駛問人地意見」紅磡你一啲補償都冇，仲好意思講呢句
仲有呢，你新柳街上就註定做唔到紅磡㗎啦，連邊皮都唔係，你識唔識㗎…
「紅磡比起何文田山同下路同鐵路距離近」在地居民會咁評價:何文田>紅磡>下路
何文田嚟講，邨同皓畋、常富街係遠，但愛民同天鑄係相對方便少少，同時有唔太差嘅行人接駁網絡，大致上兩個字可以去到大部分地區
紅磡？睇落比三個站圍住，但當你由家維去三個站都最少兩個字起跳，唔計鶴園或者紅磡道商貿區，就唔就腳…兩睇啦。
下路唔使講。
咁嘅情況下，本應紅土而唔做何文田，但好明顯地何文田係缺新西車，唯有紅土二活一，我揀相對地客源會多啲嘅紅磡，你傾向做現有覆蓋率較廣嘅土瓜灣，兩邊都各有理據，係難說服對家。
另外，個人認為，紅磡直出，除咗特快段更多，厹夠薑嘅絕對可以收$8.9，都可以乘機踢走條垃圾30X。
如果你死牛一面頸話一定要何文田尾站嘅，咁我建議你落埋紅磡，係咁意停下街市、德民街，再行佛光街天橋上，似返現有走綫，紅磡人條氣都順啲。

S3BL100 發表於 2021-1-24 23:42
我心目中既 116X，唔係九龍段加快，而係港島段加快

擺嘉亨灣，往九龍方向糖水道上東廊，港島方向出紅隧 ...

威菲路道點塞得落條116？
（減完班都係咁話）

xdxd 發表於 2021-1-25 11:44
你預有逆向客源，咁正常西九廊走廊路況都好過窩打老道啩(龍翔道唔敢評論)，況且加士居道天橋塞車狀況會隨 ...

咁講，公主道以西都係何文田嚟
如果要開真係做紅磡既特快線，分分鐘搵8A/8P交車俾新西尖咀線做會仲大機會

惟一同意你係，行新柳街信用街走太快
機利士北路+漆咸道北轉返上佛光街會更好

流星☆雨 發表於 2021-1-25 14:09
咁講，公主道以西都係何文田嚟
如果要開真係做紅磡既特快線，分分鐘搵8A/8P交車俾新西尖咀線做會仲大機會 ...

何文田山就…
另外，我個人覺得，放紅磡做頭站搭尖沙咀做新西特快，相對個範圍局限喺黃埔，對家維一帶覆蓋唔多，但係你話同何文田夾，最少包到嗰一帶，同土瓜灣夾就直頭掃晒下路嘅唔同位置，相對而言係有返咁上下客量保證。
喺8A/P抽車方面，8P抽無可抽，同時郁佢一定引嚟黃埔海逸反枱，理得有咩甜頭都唔濟，況且客量唔差，值得留嘅。
8A抽得嘅都係一架，同時我自己先前po過一個重組8/8A/8P方案，簡單嚟講就係8縮到落紅磡兼變循環，何文田↔尖沙咀拆做快線8X同慢線8A，8P改做黃埔開，滿足大部分地區對尖沙咀/紅磡一帶嘅需求，喺咁嘅情況下改完都係得一車可減，我諗到時落嚟交數，或者用嚟比230X拆線都好。

xdxd 發表於 2021-1-25 16:16
何文田山就…
另外，我個人覺得，放紅磡做頭站搭尖沙咀做新西特快，相對個範圍局限喺黃埔，對家維一帶 ...

所以可能比較好既方法就係搵新西線拉去黃埔紅磡
延長段要加既車由黃埔自己交車
新西-尖咀呢段當然都係新西負責出雞 黃埔出豉油就得

有車交就有得傾 冇車交就冇得傾 好公平

流星☆雨 發表於 2021-1-25 18:37
所以可能比較好既方法就係搵新西線拉去黃埔紅磡
延長段要加既車由黃埔自己交車
新西-尖咀呢段當然都係新 ...

個人睇法係用268X/63X二選一拉入海逸
兩條相對地九龍段較短，同時都可以做低埋6F同268B，63X就相對地頹，要用嘅資源少啲；268X就相對地密，令到沿線嘅服務會好咁唔少。
配套方面，掟走30X出西九龍站，過一車比拉入嚟條線，狠心嘅就順手cut埋6F。