屯馬線巴士路線重組集中討論

ATENU364TC196 發表於 2021-1-25 10:34
首先，重組之後去旺角嘅居民仲可以選擇乘坐43C，車費依然係維持不變

其次，去油佐可以選擇坐43C6/46/36B/ ...

我會調轉諗，殺左 43C 既車比 242X 全日開 20 先
42A 客慢慢就會識搭 242X 返青衣

到時先陰乾 42A 都未遲

ATENU364TC196 發表於 2021-1-25 10:34
首先，重組之後去旺角嘅居民仲可以選擇乘坐43C，車費依然係維持不變

其次，去油佐可以選擇坐43C6/46/36B/ ...

首先，你要說服既對象唔係我，而係班地區人士同埋為左你既口味而要硬食加價 $2.1 或者三成既乘客

「 兩成人反對容易過啲定係七成人反對容易過啲」？問題係現實根本唔係咁玩，只要有人反對就唔會強行去做，唔存在兩成人反對就可以過到、七成人反對就一定過唔到，除非係投票決定，可惜大部份區議會都唔係咁做。況且地區人士見到既，唔會係你減 42A 班次搞到人地上唔到車，而係你無啦啦令一部份乘客加價三成。如果係 42A+242X，至少原有乘客都仲保留得返原來既選擇同車費

然後你既 Case A + Case B 係偽命題，點解 Case A 42A+242X 既用車總數會比起 Case B 既 43C+242X 仲要少四部車？好明顯你為左支持自己諗法，而無所不用其極，用扭曲左既數字去證明自己既論點

況且班次都係拉上補下，絕對可以執到 42A 最多人既時段維持返現時班次。甚至簡簡單單，直接將 43C 去程班次變晒 242X，青南上繁出尖沙咀可以變 12-20 之餘，42A 直頭一班車都唔使減，又或者變 15-20 然後留返三班 43C 改路，長康直出佐敦跟 287X 屈返上旺角大角咀

總之就唔會係好似你玩偽二元命題，非要點起火頭不可。佢地仲有另一個選擇，就係唔重組、維持現狀。當然結果會係換唔到全日尖咀線，唔理想，但事實係你無得迫人就範，強行要受影響人士依照你意思妥協

xdxd 發表於 2021-1-25 11:44
你預有逆向客源，咁正常西九廊走廊路況都好過窩打老道啩(龍翔道唔敢評論)，況且加士居道天橋塞車狀況會隨 ...

你真係完全無「要兼顧既得利益者」既 mindset，好似自己鍾意點改就點改，但現實根本唔係咁做

你話我咁改 41 同開新線無分別，無錯係架，但問題係名義。即係好似 40 改行龍翔道、87A 變 287X，都係同取消舊線開新線無乜分別架，但上到 RPP，就係因為可以當成係改舊線（287X 個例子係改埋編號）

但無啦啦爆條擺荃灣區內、而家無既路線，名義上點都拗唔到係改舊線，亦因此肯定唔會獲批

更何況你都識話加士居道天橋唔知要搞幾耐，你已經側面說明你既建議不可行

S3BL100 發表於 2021-1-26 00:16
你真係完全無「要兼顧既得利益者」既 mindset，好似自己鍾意點改就點改，但現實根本唔係咁做

你話我咁改 ...

其一，我去到後期都接受咗你條41嘅新界走綫，係九龍段應該改經西廊與否、同紅磡/土瓜灣爭議。
其二，改舊線合理，但係唔係跟你咁樣改行完全唔關事嘅地區。就當真係行窩打老道上西廊，同41關聯性亦大，而唔係走去經九龍塘。
活喺自己世界又唔聽下意見似係你多啲喎。
其三，有幾多條新界-九龍線係先向北，再向西行?61X作為唯一嘅例子，都證實到其對土瓜灣而言吸引力不大，都難以再吸引有線咁行。
其四，我唔知你住邊，係會不食人間煙火到連窩打老道下繁幾咁塞車都未見過，仲有龍翔道，你覺得呢兩條塞起上嚟都仲好過加士居道？
講緊最塞嗰下，由登打士街口去到停車場都係十分鐘嘅事，去程嘅紅繞駁橋位置都唔係十分浪費時間，仲有一點，西廊多alternatives，龍翔道塞喺度就係咁先，歌和老街出口嘅交通情況都唔理想，自己諗下啦。

xdxd 發表於 2021-1-25 11:44
你預有逆向客源，咁正常西九廊走廊路況都好過窩打老道啩(龍翔道唔敢評論)，況且加士居道天橋塞車狀況會隨 ...

我只係想補充一點，7 號仔九龍維景酒店平日正常車速要 10 分鐘先到根德道。

唔塞車既情況下，九龍維景酒店係可以 15 分鐘到呈祥道只係勉強做到，
窩打老道塞車加歌和老街塞燈，起碼要 20-25 分鐘先碌到出呈祥道，唔好彩我試過 7 號仔維景要 25 分鐘先到根德道。
試問土瓜灣班人仲會唔會搭依部車去青衣？

但何文田街依個站一定可以 10 分鐘去到公路（如果唔做渡船街奧運生意），只欠在係西廊定係之後還原番既三幹。
比著係我，我一定老虎蟹培正轉西上西廊，朝早果欄頂多咪慢車一陣。
你幾時見過何荃紅頂會行上歌和老街？連紅荃都唔會咁行。

S3BL100 發表於 2021-1-25 00:23
我幾時有講過我唔預呢條線有逆向客源？

早幾版都提過，鐵路快將通車之下仲走去爆條直接同鐵路競爭既全新 ...

新柳街邊夠位畀巴士左轉高山道？
仲有高山道又多違泊，乜你覺得適合巴士行？

S3BL100 發表於 2021-1-26 00:06
首先，你要說服既對象唔係我，而係班地區人士同埋為左你既口味而要硬食加價 $2.1 或者三成既乘客

「 兩成 ...

之前條數係計錯，而家已經改返，但係事實亦都係42A 做唔番4分鐘一班

你不斷同我講話兩成人反對就會過唔到，咁如果跟你咁講嘅話，你提出嘅方案有七成人反對喎，咁你憑咩覺得會過到？仲要喺度話地區人士只會見到兩成人受影響，但見唔到七成人受影響，不如你講之前諗清楚先⋯⋯

其次，你根本就漠視人哋講嘅嘢，我話可以加43C<>6/46/81/36B嘅 $6.8 轉乘，原有乘客可以選擇原價出油尖旺尖沙咀，你就喺度選擇性失明，再唔係甚至可以做坐242X 即日回程以同一張八達通喺佐敦/油麻地/旺角上車 兩程合共 $15 優惠

更何況依家唔係亂加價，佢哋車程快咗一大截所以先加價，下繁喺長沙灣/深水埗惡性塞車下講緊快咗成20分鐘甚至更多，但長荔深客係無着數嘅情況之下少咗四成班次

你講到話可以拉上補下，咁你咪自己計一條數出嚟先，你數都冇條，講毛咩⋯⋯

跟住你依家又改口風了，又話將43C 啲車拼落去242X，但其實43C 12分鐘一班係坐到半車客，242X 15分鐘班尾車係坐滿，變哂242X起碼要10分鐘一班先夠做，上唔到車又係會俾人嘈，已經唔計你咁多班車都落唔到尖沙咀

你講到話我玩緊二元命題，咁你咪舉出第三個方案，同埋用數字證明佢係可行先囉，你又舉唔出，又要話人，都唔知你想點⋯⋯

仲要講到話人哋係迫人就範，但你鬧人嗰陣好似一隻手指指住人哋，四隻手指指住自己喎，唔知邊個迫緊七成人就範呢？

42A+242X嘅反對聲音一定大過43C+242X，喺受影響乘客百分比上面已經睇到，如果後者都過唔到嘅，前者可以唔使諗⋯⋯

仲講到話歷史上面冇重組係要加價三成，所以今次都通過唔到，但你似乎忽略咗今次加價係依然會提供原價嘅轉乘優惠，E31/E32A，68E/264M 呢一類重組咪提供緊原價轉乘優惠俾原有乘客，最後咪又係咁做，而且受影響乘客佔成組路線嘅百分比肯定更多，唔好講到冇先例咁

閣下不論係做乜嘢嘅路線重組一向都好鍾意堅持己見，完全唔肯聽人講，就算出咗個有共識嘅方案之後死都要用返自己本身嘅方案，(從41上已可見一班)，似乎已經忘記咗路線重組嘅本質係乜嘢，都唔係理性分析自己嘅方案係咪對乘客有最大得益，只係不斷麻木去搵論點支持自己嘅方案，總之人哋講出嚟嘅就係錯，自己講出嚟嘅就一定啱，根本就雙重標準，(好似之前愛民少咗架車落深水埗就識俾補償，青衣冇咗架車落深水埗就當睇唔到)，如果係咁嘅，真係繼續傾落去都嘥氣

我覺得如果42A和242X重組的話，242X專攻晚間服務即可（242X可參考63X班次分布）

我覺得，242X大部分時間基本班次30分鐘（早繁15分），42A維持原走線＋繼續密車（42C分拆方式）。

另外，每日傍晚至深夜往青衣方向的42A和242X才全面分拆，242X開10-15分鐘，佐敦往青衣加一個比42A全程貴小小的分段分段（7.1-7.8元），期間42A改在旺角/大角咀開出

S3bl430 發表於 2021-1-26 10:03
我覺得如果42A和242X重組的話，242X專攻晚間服務即可（242X可參考63X班次分布）

我覺得，242X大部分時間基 ...

個人對成個重組斬開兩階段無異議，首階段可以只係下午繁忙時間打後嘅時段做重組，再視乎情況擴展至全日
但如果真係分兩階段嘅，第一階段其實冇乜需要喺日間都做埋重組，因為42C 式重組其實唔湯唔水，都好浪費資源下⋯⋯

xdxd 發表於 2021-1-26 00:36
其一，我去到後期都接受咗你條41嘅新界走綫，係九龍段應該改經西廊與否、同紅磡/土瓜灣爭議。
其二，改舊 ...

「其四，我唔知你住邊，係會不食人間煙火到連窩打老道下繁幾咁塞車都未見過，仲有龍翔道，你覺得呢兩條塞起上嚟都仲好過加士居道？」
冇記錯就隔左個太平洋，所以唔知唔奇，大家諒解下