屯馬線巴士路線重組集中討論

JX9097 發表於 2021-2-3 23:11
所以113都係留番條命陰乾佢算喇最多cut到20/30分鐘一班
叫做維持基本服務
...

當113班次減到咁上下（繁忙15非繁30），我覺得就會有誘因將大部份時段113改入何文田食109換加班（say 非繁15－20分鐘），到時就可能有車開港島東線（例如，何文田往返鰂魚涌）

另外，我覺得103可以放棄半山（兜中環），反正103p已證明半山特快紅隧線係唔work，另外港島方向放棄銅鑼灣，改停伊利莎伯大廈，九龍方向改跟182入海隧改善慢遊情況（補112，116轉103bbi）。做齊依兩樣野，103就有條件部分取代182，而113可以唔停維景酒店，快返小小

S3bl430 發表於 2021-2-4 10:25
當113班次減到咁上下（繁忙15非繁30），我覺得就會有誘因將大部份時段113改入何文田食109換加班（say 非繁 ...

113若果「以退為進」都唔係唔得嘅
反正坐得113嘅，十居其九都係貪直車/ 就腳
定線可以係紅隧口《》仁風街《》愛民《》培正
至於停唔停維景，個人認為分別不大
Google map建議都係行番培正道，窩打老道
而唔係培正道轉落去公主道，兩者行車時間應該差唔多

103其實可唔可以跟13上山，12A落山？
咁樣就來回都做到中環
但係前提要加車先做得番現時班次

另外銅鑼灣嗰度唔做又似乎唔太好
（消防局同埋豬德新街都有唔少人上車）
或者可以考慮N182走線過海？

JX9097 發表於 2021-2-4 12:32
113若果「以退為進」都唔係唔得嘅
反正坐得113嘅，十居其九都係貪直車/ 就腳
定線可以係紅隧口《》仁風街 ...

113由佢頹算啦，起碼而家繁時仲ok。

jocosben 發表於 2021-2-4 08:45
45車程短唔過41幾多，如果要令45加到去20分鐘一班，應該要加到3部先夠

如果唔塞車計，非繁兩部夠做有突既
但兩繁塞車要搵 Order 補位

FBI2 發表於 2021-2-4 12:34
113由佢頹算啦，起碼而家繁時仲ok。

我個人意見都係傾向由佢頹
（繁時減到15/20；非繁減到20/30）

不過減完再同109「重組」再加番些少又唔係冇得傾
起碼喺巴士公司角度overall個pool係減咗車
至於減走咗嘅車去邊，呢度可以留白
睇下沿線居民有咩需求去試辦新線

dennis28a 發表於 2021-2-4 02:58
老老實實，我唔覺得直接 quote 有咩分別，
一黎第一句就話人「為反對我而反對既地步」，人地講晒咁多意見 ...

再者，你係度話人「運署唔會批准憑空爆一條真係食到你口中最值得做既葵涌道同荃灣巿中心客既土荃線，直接同鐵路競爭」，
你隔離 F1 板咪又係做緊條葵芳直出旺角既循環線。

嗱，我今次就支持你啦（唔好成日話我為反而反），興芳路直出旺角係有市場嫁。
我成日話，根本個盤夠大，係港鐵沿線唔一定搶唔到客，你試下將你條 37X 同 41 何紅土合併，
然後 241X 跟九巴方案改得快，睇下養唔養到客番嫁兼何文田班人又受落？
人地唔一定要土何荃線嫁，但唔好比一條無咩用既線比人先得嫁。

你 up 得出 37X，即係說明你係有睇我 F1 文。但可惜你又唔係睇晒全套，否則你無可能唔知道我成個 package 仲有條 33X 做楊屋道大窩口葵涌邨大連排，同埋點解 33X 37X 拉埋去九龍城碼頭係無可能發生

返到去若干年前仲會玩區域重組、幾條線炒埋一碟重組既時期，當日 33A 41 各自仲有十部車行緊，再加上葵涌邨年年都嘈要紅土直達線，我直頭提出過 41 分屍，33X 食埋何文田紅土段。但今時今日兩條線都得返八部車，亦唔會再用呢種模式重組，呢件事已經唔可能發生

仲有收費問題，你憑咩叫本來坐緊 $5.8 37 或者 $6.4 33A 出旺角既客被加價兩級？加一級都仲可以，33X 37X 做晒太子旺角圈，銘基書院當做左大角咀，兩個方向都仲有車坐，反而都好地地

經旺角行車時間又係咪咁吸引？上繁旺角唔塞車就無事，但荃葵青區居民要返屋企，平日下繁同星期六全日，淨係怡安閣到太平道之間一段亞皆老街仲慢過行路，直頭唔會好過行九龍塘同青山上路。然後旺角上車班客就畀玩死，穩定性仲差過太子旺角圈做循環

而我講緊「運署唔會批准憑空爆一條真係食到你口中最值得做既葵涌道同荃灣巿中心客既土荃線，直接同鐵路競爭」係因為有條新鐵路將會通車，如果通左十世咪無事

41 45 46 重組已經係最細規模可以執到條達到土紅何荃 70% 功能既方法，46 變西廊佐敦循環減三車，一架落新 41、一架落 45 同時縮落海逸豪園甚至愛民（41 再補返萬基大廈往九龍城碼頭平價分段），已經夠兩條線加到日間廿分班。但想做埋淨返果 30%，所需重組規模係今時今日唔會做

我亦同意青山上路係做唔晒成個東北葵，至少安蔭同石蔭做唔到，所以 40P 係有需要全日。但何紅土基本盤唔及觀塘，咁做已經交到功課。唔好忘記有 40P 時段期間，38 42C 屏麗徑石英徑一樣有唔少客，大半條石籬邨加成堆私樓都係呢兩個站覆蓋範圍。相比之下，葵涌道沿線，有幾多住宅唔係坐鐵更方便？


btw 唔使搭車都可以㩒九巴 app 睇到行車時間的，仲可靠過間唔中先坐一次然後撞正特別快或者特別慢，加上本身網站就有平均行車時間可以睇，7 中電至多實道、2F 根德道至則仁中心/石硤尾消防局、42C 畢架山花園至荃富街，加埋估算行車時間，根本就唔見得有幾慢

我最初提 41 呢個 idea 果陣，直頭有版友提出話不如行石硤尾仲好，比起九龍塘慢唔超過十分鐘，而石硤尾比九龍塘多客。而我係唔同意咁做的。覆蓋同行車時間兩者之間要取得平衡，我個人認為已經交到功課

dennis28a 發表於 2021-2-4 02:58
老老實實，我唔覺得直接 quote 有咩分別，
一黎第一句就話人「為反對我而反對既地步」，人地講晒咁多意見 ...

其實雖則你咁有心打咁多，但係真係唔使晒口水同啲活喺自己世界，覺得有數據就唔使睇現實嘅人／引戰_ 講咁多...亦都唔使拉埋其他線住，搞好啲條土荃線先啦

一啲連紅小都冇諗過嘅走線我相信吸引力有限；
而諗住叫等巴士嘅乘客行，仲要路程同搭地鐵差唔多，但巴士嘅班次同走線都；
仲諗住複製其他線嘅成功方程式，但係忽略晒背景因素...
我睇唔到呢條線改動好處
同埋佢話人盲，其實佢自己都係，連走線都未睇清楚就衝出嚟鬧人...

S3BL100 發表於 2021-2-4 15:17
你 up 得出 37X，即係說明你係有睇我 F1 文。但可惜你又唔係睇晒全套，否則你無可能唔知道我成個 packa ...

我本身就係想 41 改行南昌街，歌和老街，窩打老道，返回培正道原有路線，相信點都快過現有路線少少，又唔影響何文田去深水埗，又可以吸新客

將來屯馬線全通，何紅土去荃灣直頭一程過線都唔駛轉，如果對 41 要湯要殺既話，也唔見得需要開你地最鍾意既荃葵線

S3BL100 發表於 2021-2-4 15:17
你 up 得出 37X，即係說明你係有睇我 F1 文。但可惜你又唔係睇晒全套，否則你無可能唔知道我成個 packa ...

所以呢？按你口中既概念，咩你認為運吉會批兩條同港鐵同紅小幾乎重疊兼淨去旺角太子既 33X 37X 出黎？

如果你覺得會，又嘈咩野嘈人地既方案運輸署同巴士公司一定唔同意？
睇黎你真無同過佢地交流過，有時我透過中間人拎過下你既高見比佢地「討論」下，
都係果句，面就人地比既，架就自己丟既。

如果真心想了解居民、運輸署同巴士公司真正重組既諗法，不如試下落下區。
我都你拗左咁多年，我唔介意比人笑到面黃，起碼間接同直接都但你繼續用依你果套離地思維去睇路線重組。

再者，如果真係因為收費問題比理居民彈回頭係一回事，
文件上都未上，檯底下面吹下水就知 Work 唔 Work，同佢地既底線係邊度。

而你講緊「運署唔會批准憑空爆一條真係食到你口中最值得做既葵涌道同荃灣巿中心客既土荃線，直接同鐵路競爭」，
「係因為有條新鐵路將會通車，如果通左十世咪無事」。

先唔討論依個講法正唔正確，如果新鐵路通左車廿世，運輸署就可能會批同鐵路競爭？
你唔覺得依個講法好有問題咩？

再者，照道理你既新 41 改道方案亦都唔會過到嫁，當你問下運輸署，佢會答你：
荃富街（大窩口站）、打磚坪街（葵興站）、大連排道（葵興、葵芳站）、九龍塘站、嘉道理區（旺角、旺角東站）、何文田、土瓜灣。
成條線改完一樣完全同鐵路直接競爭，我成日都話，係運輸署既角度，港鐵站方圓一公里都當做鐵路覆蓋範圍。
當然，超過 700 米既人如果有好密既班次，人係未必會搭鐵既，光輝圍、屏麗徑咪中依個條件囉。

屏麗徑石英徑唔少客，都係果句，光輝圍唔介意上屏麗徑叫兩飛；
石英徑係因為 40P 一定石籬上唔到車，有班人咪行出大馬路上車。
但非繁呢？真係夠客做？功課唔係咁交嫁。

回歸基本步，咁樣改條新 41，咩你覺得青衣、何文田、土瓜灣會收貨？
既然你講到你既方案咁好，係唔係叫運吉同巴士公司準備好文件，請你返黎香港試下上區會講解？

更何況，如果你有機會接觸運輸署，你既講法係根本唔太正確。
現實上係仲有可能咁做夾其他線咁去做重組，亦唔會一刀切講唔做幾條線炒埋一碟重組，
尤其係沙中綫依個 Case，唔少線都中塞車黑點，只不過中唔中 41 / 45 依組線姐，而且做唔做得成。

只不過早幾年唔少線通車，都仲等緊沙中綫全通一口氣做大重組，費事做做下過幾年又再改，點知依條線搞到 2021 年先通一半嫁。

BTW，唔使搭車既人都知九巴果 APP 幾唔準，新城果 APP 成日計慢左，你同一個每個星期都搭幾次 3C 7 號仔既人去拗？

xdxd 發表於 2021-2-4 16:41
其實雖則你咁有心打咁多，但係真係唔使晒口水同啲活喺自己世界，覺得有數據就唔使睇現實嘅人／引戰_ 講咁 ...

既然佢咁難得又 Quote 下我文，一黎就講話人「為反對我而反對既地步」，
點都要以正視聽下，次次同佢拗都要打成千字，我邊有咁得閒反對佢。

佢有點無錯，如果條線真係因為地區而出阻撓改唔到快，成區同條線係會企左係度。
只不過咁多年佢既諗法同現實生活有好大距離，然後日日好似老師咁改文。
咁個人都開始唔熟香港情況，咪靠 Google Map 同 YouTube 做 Marking 囉，
成日講出黎既野以為好為居民設想，好了解居民出行習慣，事實連人地底線係邊都唔知。