屯馬線巴士路線重組集中討論

我覺得既巴士公司大趨勢會係唔開發市區特快線同鐵路直接競爭，並且儘可能簡化整合唔同市區路線，騰空資源開超長途特快線

依家巴士公司最大的經營成本是人工，工時是左右經營效益的最主要因素。市區線最大的問題在於收費平而且難以控制行車時間，就算條路線行西九龍走廊等市區快速公路，公路入口和出口往往要面對塞車問題。

好似41咁慢的市區流水線做九龍流水平均收7.4元，全日平均行車時間近70分鐘，對比好似263咁既特快線，車程平均42分鐘，收費高近1倍。係九巴的話，你點都想開發下一條263，多過用盡方法壓縮行車時間開一條收唔夠10蚊的市區荃灣／市區線。

新界長途特快線比較少面對行車時間不穩，而新界西隧線面對比較少塞車問題而且已收足過海車費溢價，相信是未來主要發展重點。

講返何文田，土瓜灣，紅磡。三個地方對外道路網都有嚴重塞車風險，估計港鐵會成功複製西港島線打死西區線的往績，3區巴士線前景不樂觀，九巴只會愈做愈hea

如果41無補償地取消，我並不感到意外（港鐵已是最大的補償）。

如果不停地爭論收費，小眾市民搭車需要，cut 一條空氣線會好似cut有線咁難，咁我會信大部分紅土線cut班至開30分鐘以上一班

S3bl430 發表於 2021-2-5 14:21
我覺得既巴士公司大趨勢會係唔開發市區特快線同鐵路直接競爭，並且儘可能簡化整合唔同市區路線，騰空資源開 ...

692 取消都有 290 系開辦來補償，照咁講 692 有99.99% 同鐵路重疊，直接取消就得啦
點解 41 取消可以無補償 ？

要取消 41 要得到葵青區，深水埗區和九龍城區議會同意，你唔俾補償人地會咁易俾你通過？

相信唔會咁容易用行政指令囉

S3BL100 發表於 2021-2-5 13:14
運署只會批准 33A 37 其中一條拆特快，this is news to me。
我又真係有興趣了解下，佢地只批准其中一條 ...

你都係唔明，我依條問題係反話黎，兩條特快行興芳路直出旺角同港鐵對打。
你唔覺得依個依句野同你對其他人批評有好大矛盾咩？咁即係改線並唔係單一因素批唔同批啦。

你可以話我地咁做同港鐵對打，客量無可能達到我預期效果，我無批評過你依句有問題囉。

你明唔明其他板友對你既質疑，大家吹下水講運吉、巴士公司無可能咁做無問題，
但你下下改文改到運吉唔會咁做，咁人地咪質疑點解一定要跟你走，講講下又鬧人啦。
唔通你係運輸署同巴士公司代表？

不過你 quote 緊我篇回應，我並無「淨係提 33X 唔提 37X」。我亦唔同意你所指，我既重組「分拆面咪更大又複雜」。至低限度 33A 37 我係分開處理，甚至 37 37M 變 37 37X 237E 一組，喜歡的話亦可以只拆 37，或者只變 237E 出來，either case 牽涉路線數目唔多過兩條，亦唔存在無啦啦拉埋其他唔關事地區攬炒既情況，大致係近年重組既典型規模，規模亦比同樣係我提出既 41 45 46 為小

咁講你就唔好一開頭鬧人「又唔係睇晒全套」，原來你又可以拆晒你既「package」去做。
如果可以分開處理，我唔會提出以上既質疑囉。

不如咁講，最後運吉接受與否，得佢地先知；但有留意開近年有咩擺得上 RPP，
同埋區會文件佢地對議員既回應，已經可以見到至少七八成，絕非無憑據

中 Point，咁當大家都係同一份文件既回應，人家都有唔同角度睇番回應。
你同我大出入無問題，公平吹水討論，反而依板都同都習慣左。

但觀乎你對其他人既態度都係好高高在上既感覺。

我當然無資格批評你既觀察，所以我 quote 果句野唔係出自我口

我亦無否認過你知道既野比起一般版友為多，我更加從來無質疑過你由其他渠道收到既資訊。但呢樣野同我同意你立場或者觀察與否無關。
本版真係識野既版友唔係大家想像中咁少，我 quote 果句批評係出自另一位真係識野既版友

亦唔好忘記，你既觀察被其他版友質疑，乃有前科，包括你對港島北岸行車時間既評估、對山谷道巴士站塞車原因既觀察、對觀塘塞車原因既觀察，等等。
當然我再強調，我無資格批評你既觀察，但亦請你明白，有其他真係識野既版友唔同意你

事實勝於雄辯，你之前幾篇文既回應咪係指控緊人囉。

姐係咁，我歡迎其他人拎佢睇到既人同我討論，Even 佢識野定唔識野好。
我亦唔介意佢質疑我同其他人既觀察。

但你指控緊我同其他板友，「真係識野既版友」、「唔識野既人就信以為真」。
你睇下你既語調？作為小薯，大家話我唔識野比人恥笑無問題，但你有咩野權去話其他板友都唔識野？
其他人信唔信我留番比佢地決定，唔係由你幫埋佢地決定，甚至幫佢地冠稱人地唔識野。

更何況，我既觀察分析有唔認同，亦有其他當區居民認同，亦有陳述都係有搭過果埋線既人佐證，唔通所有人都唔識野比我誤導？
我個人希望係我誤解左你果句既意思，但當你講到「真係識野既版友」，原來我無誤解到，唉。

而你用埋晒「前科」去抺黑一個人所有野都野不實，係唔係唔比人多元討論先？
更重要既係唔我一個係咁，近期有唔少板友都比你咁對待。

我無阻止過同質疑其他海外板友講野，我地係好好奇你點去分析，我係問緊你點做，唔係問緊其他人。
你講到係海外都可以有咁多資料去分析件事，分析好過我無所謂，但又可以分析得好過當區居民。

而你審完我之後，又唔反過黎睇你人地對你既批評。

你既然有獨到既觀點同曾經有既 Connection，又對路線策劃有咁大抱負，點解你唔試下將你既野推落區呢？
你好清楚我唔係第一次同你講，亦係善意同你咁講。

＝＝＝＝＝＝＝＝＝＝

回番正題，xdxd 兄都講左我另一個論點，你亦未覆我論點。

你成日話我地死攬 41，因為當區既得利益者要何土（唔包紅）去青衣服務殺唔去條線，所以強行改佢落九龍塘青公上路吸新客。
原因係建基於九龍塘青公上路吸到既新客都係新客，點都好過而家條線擺係度等死，或者改埋晒一 D 你個人認為運吉唔會批既重組。
我上述內容無講錯嗎？

咁我地問題係，點解你會覺得荃富街同青山上路去九龍塘何土既 Demand 可以支持得住非繁 20 分鐘一班？
而另一個問題係，就算 Even 荃富街同青山上路 42C 有非繁客，
係唔係有足夠證據證明佢地非繁有 Demand 落何土？而依堆 Demand 又唔會比其他對手食？

我地對你既質疑理由係：
1. 九龍塘做唔正巴士客源（我講左，唔重覆）

2. 荃富街、屏麗徑／光輝圍，根本唔算係鐵路同紅小盲點（德士古道 - 荃灣西站，悅來酒店 - 大窩口站、荃灣站、屏麗徑／光輝圍 - 葵興站）
而且成條新 41 做唔正市中心客源

3. 荃富街、屏麗徑、石英徑非繁仲有客上 38 或 42C 番九龍東，主因九龍東客量基數太大，班次夠密，兼同主要對手港鐵有車程優勢
而係你條新 41 起碼 20 分鐘一班，35-40 分鐘先由荃富街去到何文田邨，大窩口站去何文田 26 分鐘港鐵車程，荃灣西直頭 19 分鐘

尤其係荃富街班客，唔少人係德士古道行出黎，穿過荃灣公園就係西站，車都唔洗轉 19 分鐘直達何文田，21 分鐘到土瓜灣。
九龍塘、嘉道理區去德士古道返工既人基數本身太細，何文田邨同土瓜灣又要被迫兜落九龍塘而輸車程。

我地吹水要改條 41 只係覺得旺角南上西廊去葵涌道，單純因為上跑道前客量基數夠大，就算返落何文田邨同土瓜灣贏唔到港鐵，都唔會輸成條街。
如果運輸署唔批我地無所謂，吹水之麻，但唔好講到一定唔批同一定會批你條新 41。

S3BL100 發表於 2021-2-3 23:59
249X 打爆入青衣南，但 249X 做緊既係咩區？242X 九龍段又係做咩區？你不如話 948 朝早開回程都會打得爆
...

41A 44 朝早回程都坐得滿窗口嘅時候，點解242X 又唔可以做呢？948 朝早開回程打得爆又唔會，但坐得滿其實唔出奇喎，係以前開得太早咋嘛⋯⋯

奧運站依家仲有兩條吉坑，再加上新43C 一半班次都係中載/短棍，點會唔夠擺？

自己計完啲數出嚟有問題就走去話人哋，就算講下午繁忙時間，依家你將成條43C 啲車攞晒去行242X，長荔深客得返42A，真係下世都上唔到車

42A+242X 收益會多過43C+242X？條數小學生都識計喎⋯⋯點解前者盤數會好過後者⋯⋯

至於「配額」問題，其他版友嘅重組方案刻意強調，但都論證唔到尖沙咀事實的確有「配額」呢樣嘢存在㗎，有冇乜嘢官方證明或者真係有官方嘅重組方案去到最後因為配額問題而hold 住先？冇嘅話你講乜都得㗎喎

S3BL100 發表於 2021-2-4 00:05
如果你講緊果位版友既方案，佢好似係想將條青衣山下旺角特快，兩邊分別拉去荃灣同紅土，到時青衣無左總站 ...

你講到尖沙咀好似唔會塞車咁，而且死亡交叉塞車嘅時間相對穩定，甩班機會根本唔差太遠

而且你講到愛民落深水埗好似好多客咁，但其實得返30分鐘一班45非繁真係會唔夠載咩？（利申：認為30分鐘一班會夠載，但唔代表唔需要加車去45）

又，青衣都係同樣情況，得返44 喺非繁忙時間都一定夠載，其實兩邊情況根本就一樣，個客話自己唔係雙重標準根本就自欺欺人

上繁44 依家打唔爆≠取消咗41之後同樣時段會打唔爆，下繁你都識講唔夠載，咁取消咗41，但44唔加車又點會夠載？

44 加完車之後客量唔達標，唔夠客又係另一回事，咪到時再減車俾其他青衣路線囉，但絕對唔係一嚟就一架車都唔加，否則真係俾你過都傻

先唔講根本冇可能80分鐘行完一單新41，做到20分鐘一班車，其次係青衣去何紅土嘅車程根本同舊有路線冇分別，所需嘅時間其實一樣係咁多，咁點樣吸引到呢批乘客轉投？既然吸引唔到嘅，即係成條路線依舊冇乘客坐足全程，因為大家都繼續坐其他交通工具唔坐41，咁嘅話成條路線密左對青衣有咩用？根本都冇青衣人得益，你開幾多分鐘嗰班都係冇青衣人得益㗎啦，10分鐘一班都係咁話

根本44一架車都唔加返嘅其實唔使傾，全個青衣一定上下團結反對到底

ATENU364TC196 發表於 2021-2-5 16:56
你講到尖沙咀好似唔會塞車咁，而且死亡交叉塞車嘅時間相對穩定，甩班機會根本唔差太遠

而且你講到愛民落 ...

一條簡單的數學
41一日服務3000個往返深水埗何土紅客
假設45客量一樣
即一日總共6000人客量，一個方向3000個客

每日18個鐘，即平均每小時每個方向有166個客的需求，開30分鐘一班的話相信繁忙時間有人要企車頂，非繁往深水埗方向經常要企人，出ATSE可能會上唔曬。

假設走左3成客，每個鐘平均有110個客， 依個客量相信至少要全日20分鐘或以內一班，係晚上或清晨才有條件開30分鐘一班

S3bl430 發表於 2021-2-5 17:13
一條簡單的數學
41一日服務3000個往返深水埗何土紅客
假設45客量一樣

首先唔知點解你可以假設到每個鐘嘅客流量都一樣有166人，一定係有啲多過，有啲少過，唔會一樣

就算跟你咁計，半個鐘一班即係每班車有83 人，45 已經行緊E6M，成架車有 83 人真係會企車頂？

而現實係繁忙時間每班車一定超過83人，非繁忙時間就一定少過，所以非繁忙時間開30唔會唔夠載

再者，個人認同重組之後應該要加番車落去45，只係駁斥緊某位科學家話44 唔需要加車嘅雙重標準

ATENU364TC196 發表於 2021-2-5 16:56
你講到尖沙咀好似唔會塞車咁，而且死亡交叉塞車嘅時間相對穩定，甩班機會根本唔差太遠

而且你講到愛民落 ...

講真，半個鐘先有車又真係有機會載唔晒嘅…
另外我原本諗嘅41X係唔經漆咸道北…

xdxd 發表於 2021-2-5 17:30
講真，半個鐘先有車又真係有機會載唔晒嘅…
另外我原本諗嘅41X係唔經漆咸道北… ...

我上面都寫咗話繁忙時間的確有機會真係載唔晒，但非繁就⋯⋯大家心知肚明

至於41X 油麻地打後嘅走線點行其實都冇乜所謂⋯⋯