新系統屢爆「假衝燈」 東鐵過海段繼續delay

據了解，自計劃煞停後，東鐵線新信號系統於非行車時段仍有進行測試。
《香港01》獲悉，10月中至11月初演練期間，新系統至少出現三次失靈，誤判列車衝燈，
控制中心更一度要求所有列車停駛，惟實際上列車未有發生的「假衝燈」事故。

https://www.hk01.com/01%E5%81%B5 ... G06ALdejVPA0MDPGgB0


之前就抽車失蹤
而家系統玩失蹤
即係今年都無可能用新車啦？

與其擔心今年有冇新車坐
不如諗吓會唔會順手換哂做China System好過

改門位、減卡、換訊號、過海，幾樣炒埋一碟結果乜都做唔成。

改門位唔係一定要做，若話想改善乘客上落時間、車體負重等，屯馬綫咪又係照用舊門位，而且全線幕門，呢個spec會永遠在港鐵系統存在，改門位係平白加多一個spec。想駁卡位乘客加快出入可以新車學倫敦地鐵加半隻門，舊車唔改，兩者可以用同一套幕門，選擇性開門。

減卡我當真係物理上避唔到。

過海同換訊號亦唔係一定要同步進行。可以先在過海段裝埋舊系統，配合不改門位，必要時東鐵全體舊車過海，最多鎖起三卡唔載客，或在九龍塘以北排隊位標明只往旺角東，到旺角東人手清客封卡。想話慳成本諗縮數，而家左delay右delay都唔知使多幾多錢。

屯馬綫對現有系統改動最少，就相對上易搞，如果唔係紅磡站事件，早就通晒車。

PS：睇過試車片，原來新車都唔係等距門，駁卡位兩隻門距離長過同一車卡的門，而且兩個「情侶座」竟然冇窗！邊個設計架？

DIH 發表於 2020-11-18 11:26
改門位、減卡、換訊號、過海，幾樣炒埋一碟結果乜都做唔成。

改門位唔係一定要做，若話想改善乘客上落時間 ...

舊車性能上應付唔到港島段。據聞係太斜，唔夠力，連千九9卡版都唔夠力

sq285 發表於 2020-11-18 10:55
與其擔心今年有冇新車坐
不如諗吓會唔會順手換哂做China System好過

咁即係MLR都要換埋中國製系統？
工程嘅嘢就係咁,本來都勞損咗九成,
裝裝拆拆,唔歸西嘅可靠性都會大幅下降。

知道咗係假衝燈又唔快啲整返好？

053h4 發表於 2020-11-18 12:27
假衝燈其實係咪因為12卡同9卡混跑下，計錯列車長度而唔報衝燈？

根據#1 的link報導 :

首宗事故於10月18日發生，當時列車仍未開始行駛，車務控制中心透過系統發現列車衝燈，惟實際燈號顯示黃色，即列車可前行的信號。

車都未開始行﹐已經話你衝燈﹐好難講到與列車長度有關係。


報導亦講了出問題的原因:

有熟悉相關程序的港鐵職員亦透露，此問題屬系統的電腦計算與實際距離出現誤差，視乎承辦商能否修復。

之前系統將錯就錯,宜家先發制車