請問屯門至大澳航線係唔係會通屯赤之後縮線？

而家要由屯門去東涌，只有搭船先能夠直接到達。但係今年底屯赤通之後，呢段航線已經無存在必要，因為到時巴士過隧道直入東涌點都快過搭船。請問條線會唔會縮到變成東涌來往大澳（經沙螺灣）？

其實﹐點都有班大澳/沙螺灣客要去屯門的﹐所以屯門東涌一段﹐照計唔會完全取消的。

屯門東涌段我估會減班早上首2班只行屯門<>東涌會減班(星期一至六)﹐可能改為一班(跟紅日睇齊)。

事關﹐仲有唔少人係直入大澳﹐屯赤開通對這班客影響好細。
除非...... 嶼巴會有條新線由屯門直入大澳啦。

kei_hk 發表於 2020-11-21 19:13
其實﹐點都有班大澳/沙螺灣客要去屯門的﹐所以屯門東涌一段﹐照計唔會完全取消的。

屯門東涌段我估會減班 ...

你話大澳／沙螺灣有班客要去屯門，咁佢哋同屯門係唔係有傳統聯繫？我印象之中呢條航線好似喺屯門未發展嗰陣已經有嘅啦，當時重係叫青山，條船由大澳開之後，去沙螺灣，去屯門，最後去埋中環。請問呢條航線當年嘅性質係唔係同曾經存在過嘅陰澳去青龍頭或者馬灣去深井航線近似？後兩者已經喺有青嶼幹線之後完成歷史任務。但係東涌自古以來從來無劃過入屯門區，感覺上聯繫都唔明顯喎。同埋1966年已經有東涌道，東涌居民要出城已經可以去梅窩，唔似得陰澳同馬灣咁同梅窩基本上無聯繫。

北觀都蝕做多年,屯大線應該都會做落去
假日其實有屯門直航大澳班次
係差在點分班次

屯大
屯東
大東

大東,屯大會仍有需求

慢船行屯東大都要90分,直航屯大應該會慳好多時間

我自己希望航線修改成
東涌<>沙螺灣<>大澳<>屯門

miklcct 發表於 2020-11-21 20:52
你話大澳／沙螺灣有班客要去屯門，咁佢哋同屯門係唔係有傳統聯繫？我印象之中呢條航線好似喺屯門未發展嗰 ...

上面一段﹐其實係講緊旅客/遊客。



但係你又問傳統聯系﹐又真係同屯門的聯系多過梅窩﹐特別係東涌。

東涌﹑沙螺灣﹑大澳這3個地方﹐未有青馬大橋之前﹐一直都有船去屯門的。

東涌係街渡﹐大澳經沙螺灣係油麻地小輪。

我聽長輩講﹐上世紀六七十年代﹐大澳線係每日都有服務的﹐唔係大家認知只係周六假日航線。
而東涌街渡﹐去到晚期都仲係每日都有服務。


既然東涌有車去梅窩﹐又點解每日有船去屯門?


我就有以下分析 :

東涌本身係漁村﹐屯門青山灣以前係漁民聚集地﹐三聖村係批發市場(即今日的海鮮街)﹐梅窩我就睇唔出係漁村。
一兩年前﹐我去三聖村(公共屋村)﹐入面仲有商鋪係賣漁民工具﹐例如漁網﹐維修快艇引擎。

其次﹐昔日的東涌道又幾好﹐相信大家都知。
我估去一轉梅窩﹐隨時慢過去屯門。
買生活日常用品及食物﹐就會係屯門較多的選擇﹑比較新鮮﹑價錢可能會更平。

這2大因素﹐足以令到東涌與屯門的交流比起梅窩為高。

註 : 東涌街渡的碼頭係位於(屯門)嘉多利碼頭﹐我唔知是否一直都係用這個碼頭﹐有無因應填海而搬到嘉多利碼頭。而屯門碼頭在80年代初﹐就位於青山灣﹐現今的豐景園對出一帶。



至於大澳﹑沙螺灣﹐應該純粹人口結構改變﹐年青人外(搬)出市區工作﹐令到對外交通需求減少﹐令到渡輪變成假日線。
而且大澳去梅窩﹐巴士服務點都好過東涌。

沙螺灣..... 真係好似被遺棄左﹐又無車﹐船又變成假日線。
所以﹐佢地一直爭取車路係正常的﹐只係新一輩話事人用錯左方法。

kei_hk 發表於 2020-11-21 22:46
上面一段﹐其實係講緊旅客/遊客。

沙螺灣平日未至於冇交通，係啲船比較疏

而家週末一早啲船飛都成日賣晒，日後可以抽少少班做屯大直達

THomas20010808 發表於 2020-11-23 02:18
沙螺灣平日未至於冇交通，係啲船比較疏

而家週末一早啲船飛都成日賣晒，日後可以抽少少班做屯大直達 ...

上面你引文一段係講緊以前﹐青馬未開之前﹐當時沙螺灣大澳何來有閒日船?


今時今日﹐個個都知日日有船啦。