九巴積分換禮品

唔知幾耐無開過小遊戲，眼見黑白棋last day開嚟玩下，估唔到仲可以一次過拎3分總算寶刀未老。唔知仲有無人因遊戲加難而選擇離開？

KE7066 發表於 2022-11-16 15:42
今日白色 600 分回歸夠正常未
不過無咗 "最平"

白色唔值 600 分，應該 550

新遊戲 中頭獎 好難好費時玩到4分！

中頭獎要每關連贏三次才算一關，要第4關先有1分

中頭獎鎖 匙幾秒後就自動消失

黑白棋突然下架後上場既係「中頭獎」
同好多分拆左既 Game 一樣，拎分數比例都係過第 4 / 8 / 12 / 16 關就拎到 1234 分
通關目標係穿過跌落後既雜物雨，執起鎖匙然後過埋道門就逃生成功，三次逃出就通關了
跌落地下 Bang 個吓係可以行既。鎖匙會係中途由高處跌下，一掂到鎖匙，對面既幸福門就會開。中途一俾雜物擊中就會輸，原本過左既 1-2 次都會作廢，要重新黎過。

第 1-3 關場景係家居：渠管漏水，滴出水滴。好心就搵師傅整啦。
第 4-7 關場景係著火的廚師，發脾氣亂丟野。由呢關開始每一關都有兩種唔同速度既野跌落黎。慢速既係瓦碟，間中都會有較快速既煎Pan 跌落黎。玩到呢到我諗起套劇集 Pasta。
第 8-11 關場景係有「爬城堡不怕跌下那叛逆頑童」，不停丟 (慢速) 汽水罐 (快速) 水球。啲忠勇毅去左邊呀。
第 12-15 關場景係有電器產品不停地甩 (慢速) 彈弓 (快速) 螺絲釘。呢件電器產品應該冇拎安全規格證明書。
第 16 關起係建築地盤，不停地 (慢速) 落石屎 (快速) 丟工字鐵。啲石屎同工字鐵既色好相似，呢個地盤真係好唔安全。

留意，如果打算等到鎖匙跌落黎先行出去，咁就大鑊啦。因為留得太耐會俾人一腳踢出黎。同埋，跌落地既鎖匙太耐唔去拎都係會煙消雲散的。就算開左道幸福門，太耐唔行入去，一樣會關上。要再次拎鎖匙開番。

結論，相比黑白棋，用多左好多時間先玩到 4 分。

FY5856 發表於 2022-11-16 20:14
唉，又一個 4 分 Game 落架
我每日都係玩黑白棋先
擺明係見愈來愈多人玩到 4 分所以下架

下個輪到左腦王
兩件事夾埋就唔見得下架關 4 分事，睇圖表黑白棋唔係少 4 分但未算多，問題在一局過賺唔到廣告錢

KE7066 發表於 2022-11-17 15:13
下個輪到左腦王
兩件事夾埋就唔見得下架關 4 分事，睇圖表黑白棋唔係少 4 分但未算多，問題在一局過賺唔 ...

咁又係，佢目的係想分拆遊戲賺多啲錢
仲有貪食蛇都係一場過，可能又快將消失

FY5856 發表於 2022-11-17 15:36
咁又係，佢目的係想分拆遊戲賺多啲錢
仲有貪食蛇都係一場過，可能又快將消失 ...

呢兩個都係易死唔高分，之前係咁提高攞分門檻都少咗玩。依家個玩法係有機會攞盡4分但係要玩最少16次兼且最少來回大廳4次睇廿次廣告啦

原來左腦王11月18日下架