九巴積分換禮品

andy92 發表於 2022-12-8 09:27
新增遊戲規則：30 分鐘內再開始遊戲，節數方會延續

電話就黎無電 即係 可以唔洗玩

6位數有bug

補充一吓我知道既難度更新

英文字母：原本 Lv 1-7 都係 5 個字母，而家 Lv1-4 後 Lv2-1 已經係 6 個字母

偷寶石：取消兩位數密碼，改為每 4 關一組，第 4 組直接係 6 位密碼，但勁多 Bug，如下圖

鱷魚：原來第 2 關都仲係平排洞，但而家 1-2 開始已經將 5 個洞打散

賤兔：原本第 1-7 關都只有兔仔，而且第 1-3 關都只會在中間個行左右移動，而家 1-2 開始已經周圍走。而且只有 1-1 至 1-4 係得一隻兔，2-1 (整合第5關) 開始已經有兔有狗。

包剪揼：取消三盤兩勝，1-1 至 1-4 開始已經係五盤三勝，同時重整軍階。

數字機：幾乎係雖一一個向下調整既遊戲。 原本第 3 關開始有 1 格黑格，第 7 關開始有 2 格黑格。而家 1-1 至 1-4 都係沒有黑格，2-1 至 2-4 都係得 1 格黑格。 但佢就有加入或提早加新事項，因為 4-1 開始係會有 3 格黑格。原本第 13 關都係得 2 格黑格。

賽車手：全面廢除車速顯示，改用關數顯示，如 1-2 關。

記憶球同貪食蛇新介面有版友講左。 倉務員都改用同貪食蛇一樣既方向掣。

泊車位、砌磚牆、十二碼都冇咩特別。

不過唔知隻賊船，尾班船 0000 開出後賺個 1 分又可唔可以帶到 0300 後先拎呢？因為牽涉下面個樣野。

全場新政策：「30分鐘內再開始．遊戲節數將會延續」
即係如果閒置左 30 分鐘冇玩過同一遊戲，咁啲分數就會重置。 咁樣問題就黎啦，總有人好似我咁，玩夠想要既分數就訓教，到朝早起身就拎分。

因為 0000-0300 之間拎唔到分。 咁佢地聲稱「系統維護 00:00 - 03:00 [暫停領取積分]」，如果打算好似之前咁玩夠後朝早起身拎分就會出事啦，因為起身後啲紀錄就會洗晒。變相 0000-0300 之間玩黎其實冇意義。

分數上限 25 分已經夠賤，拆散啲關卡都已經十分賤。30 分鐘政策簡直係賤既極致。沒有最賤只有更賤。唔想派分就刪除晒成個小遊戲啦。

不過各位每一晚都叫做可以早番啲訓。

0740 補充一吓
訓醒一覺就發現原來重置唔係講緊個項遊戲冇玩 30 分鐘就會跌番落 1-1
而係會跌番落去未完整玩晒個關之前既保險線

例如玩完左 3-3 之後行開左，30+ 分鐘冇搞佢再番黎，咁再繼續玩番就會由 3-1 繼續開始。

咁大家繼續可以係凌晨時分玩分了

FY5856 發表於 2022-12-9 07:44
0740 補充一吓
訓醒一覺就發現原來重置唔係講緊個項遊戲冇玩 30 分鐘就會跌番落 1-1
而係會跌番落去未完整 ...

我就習慣起床才玩，如果遊戲難度增加去到根本過關也成問題，例如泊車位，就索性不玩，無謂浪費時間。

尤其是港島區的人，不是經常坐到九巴，很多時候要靠遊戲賺分，如果評估到無法在限期內賺到分去換領物品，不玩是最好做法。

寶石仲未解決六位數真係唔知想點

b123as 發表於 2022-12-9 21:41
寶石仲未解決六位數真係唔知想點

九巴IT真係好廢

如果泊唔到車﹐咪即係你有極大問題?

有新嘢換，啱啱好今日有500幾分到期，換兩張都好過換口罩

偷寶石 6位數字回復正常！ 終於整返，不過行7次機會太難撞