qunow 發表於 2020-11-26 00:38
最後張slide講明,「改善」工程完成後,觀塘道東西行車龍會長過而家
成份嘢都係篤數, 用協和街南行車輛的大幅減少, 去抵銷觀塘道來回方向所增加的車流量, 最後得出負增長, 簡直係垃圾.
協和街南行車輛從來都唔係阻礙觀塘道車流的最大元兇, 就算冇康寧道直落觀塘道, 車輛現時仍可以選用宜安街 通明街落牛頭角道, 將來又整多個康寧道南行直接轉入牛頭角道, 裕民中心門口只會更多車, 燈位隨時隊番啲車出康寧道, 南行右線等燈, 得番左線係通, 所以整嚟除左篤數, 用途係0.
|
|
|
|
|
cch0074 發表於 2020-11-26 03:24
如果無睇錯的話,物華街巴士路線改動應該只係臨時措施?
假設物華街最終目標仍然只保留西行
東行入總站啲車 ...
文件入面模擬89系改行協和街北行及翠屏道往觀塘站, 於和樂邨加站, 最後係經偉發道口U turn, 再喺觀塘站下面U turn返觀塘站, 佢冇做到另一個可行性研究, 就係在翠屏道寶珮苑巴士站U turn, 咁樣路程冇咁長, 又唔駛入迴旋處.
只係, 我舉嘅呢個模型都係差. |
|
|
|
|
dennis28a 發表於 2020-11-26 02:53
成份野等睇聽日比全區區議員狂插,每個改動都令觀塘交通急劇惡化。
之前班建制派要求既野無一樣野做到,你 ...
識得插係好事, 最怕一睇到整體數字下跌左就當冇事, 咁就慘, 最弊係唔止觀塘人慘, 全港十八區要來觀塘返工嘅都係持份者, 到時全港攬炒. |
|
|
|
|
咁講,今次迫到班顧問拎佢地個 Model 出黎,依班區議員算做到一半野。
明顯個班顧問選擇性地跟 URA 諗法去做,到而家真係比班新區議會踢爆會爆大鑊先補鑊。
家陣發現協和街交流惡化,後果係會塞返上四順同秀茂坪,觀塘道東行仲要明顯多左車咁就抵死啦。 |
|
惡意回復是不道德的行為。
|
|
|
本帖最後由 dennis28a 於 2020-11-27 00:43 編輯
619 慢好多時都係中上環交通問題引致,
睇番早繁觀塘市中心去中上環巴士線,最高效率果條線係 619P,其次已經係 619,然後先到 101X、601P 同 641,最差果條係 601。
下繁返九龍就倒轉,最高效率果條線係 641,其次已經係 601、619,最差果條反而係 601P。
再睇番 619 非繁做出黎數據,40-45 分鐘觀市去港澳碼頭,25-30 分鐘到灣仔,30-35 分鐘到中環。
比你選擇跟 603 (619P)、681、307 (641) 是但一個街法改,
除左 603 (619P) 有能力打得贏依個數字外,307 (641) 同 681 因為落中環核心,根本快唔過一條經北角既 619 幾多。
619 早上有一個驚人現象,就係同 641 相近時間返到港澳碼頭,
換言之再想令 619 更快,只有跟 603 619P 行先再快到,東廊打後只得直去舊灣仔警署。
至於銅鑼灣問題,673 新舊行法一樣慢過 619 做完北角直上清風街天橋,
只要世貿外景隆街唔塞車,619 作為北岸流水特快,依個名唔係浪得虛名。
下繁更大鑊,根本係電車路慢,
港澳碼頭去皇后像 15 分鐘;皇后像去灣仔消防局 15 分鐘,灣仔消防局港運城 15 分鐘,
當你咁拆解後,唔難發現下繁根本慢唔係慢係英皇道,反而係慢係中上環灣仔本身。
除非東隧線做完金鐘直去灣仔北,或者一早跟 18X 88X 之類上環直入繞道,
否則一日做灣仔內街,下繁只有跟 619 同 601 碌到去北角先最安全。
一日經馬師道、灣仔道、興發街依三大下繁塞車黑點上橋,唔會快得過直去好多,
唯一相對可取既係 641 行菲林明道,既可做灣仔心臟又可以避開塞車黑點。(菲林明道北上會展塞車問題近年大有改善)
否則就要考慮 88R 或者 373 行法。
所以返轉頭,與其搞咁多野,點解唔索取開條 641X 西環上環直飛東隧?或新 101X 經多個灣北入紅隧兼飛九龍灣商貿區?
=====
家陣觀塘山區可以拆既選擇唔多,
如果想比樂華同協和街行快線,就點都要一拆幾,拆完九龍山頭仲要拆港島分工,
樂華同協和街換快線但減一半班次,甚至因為港島提速無左是但一區塊又死,分分鐘一條 601 619 走天涯未嘗唔係壞事。
但 619X 全日起碼解決左核心問題,起碼 619 證明左港島行法已經係最高效益兼最大範圍。
咁就等協和街、樂華、觀市、啟麗拎 101 601 619 641 四組線全新設計。 |
|
惡意回復是不道德的行為。
|
|
|
完全認同早繁同下繁嘅情況
再加上619沿線有好多「山旮旯」嘅獨市位
所以我一路都諗唔通要點執先可以「安撫」到既得利益者
(尤其是619開緊24,拆完都要confirm沿線繼續有24服務)
暫時諗到咁plan
1. 安泰《》順利《》順天《》樂華《》翠屏
藍田《》電車路《》告士打道/ 軒尼詩道
金鐘《》中環《》港碼
2. 石礦場《》安達《》寶達《》秀明道《》藍田
電車路《》告士打道/ 軒尼詩道《》金鐘《》永安
中碼
3. 三彩《》淘大《》樂華《》協和街《》曉麗苑
興田《》啟田/ 藍田《》電車路《》告士打道/ 軒尼詩道
金鐘《》中環《》中碼
4. 啟德《》九龍灣《》下邨《》牛頭角站《》觀市
藍田《》銅鑼灣北《》告士打道/ 軒尼詩道
金鐘《》中環《》港碼
至少要4條線先cover得哂成個觀塘(連埋603要5條)
仲未計繁時頭段要另外開特快線先做到合理時間過海
中碼嗰度唔使太擔心坑位,因為可以唔入總站,泊哂喺碼頭對出
(即係25,2嗰堆線嘅分站嗰行)
但係依然有部份地區會有「慢咗」嘅情況出現,例如樂華
|
|
|
|
|
本帖最後由 peterkl 於 2020-11-27 20:04 編輯
提提大家,而家係鯉魚門道/觀塘道西行係可以右轉翠屏道,但車輛長度不可以超過7米,即係所有巴士及重型車輛不可右轉 |
|
|
|
|
其實係唔係全日唔係問題,而係應該更改東隧轉車站轉乘模式由 "減5蚊" 去 "補差價" 補乘...
|
|
|
|
|
JX9097 發表於 2020-11-27 10:45
完全認同早繁同下繁嘅情況
再加上619沿線有好多「山旮旯」嘅獨市位
所以我一路都諗唔通要點執先可以「安 ...
619X當做哂四順、安達泰係最好,石礦場夾曉光街都唔慢,中秀有????塔去曉光街,安達泰亦都可以落四順、秀茂坪。
樂華下邨花園大廈坐返619已經好直接,619本身多流水客亦無需要縮。
總結只係將601掟上石礦場,秀茂坪俾619X都已經做哂。 |
|
|
|
|
|
Advertisement
Advertisement
Advertisement
Advertisement
Advertisement
|