巴士司機被投訴後會如何處理?

頭先等103過海時聽到排前面果位投訴被飛站 想知道巴士公司收到投訴後會有什麼程序處理? 要求車長填寫報告? 更甚扣減安全獎金?

唔會要求寫報告，反而係公司會出email通知你，你覺得自己無錯可以解釋返（不過多數都唔會聽你），不過俾人投訴最多都係留底啫，好少會扣人工；但俾人投訴得多個底就會花，掛牌嘅有機會踢返做後備，而後備就無得做掛牌車長，再嚴重嘅下個年度可能會不獲續約

忘記補充，我頭先所講嘅係九巴嘅情況，其他公司就要各位版友補充了

係咪條友唔記得/遲㩒鐘咋?

A19-AD4807 發表於 2020-12-6 22:01
新巴城巴已經無左扣獎金呢回事，如果控制中心收到飛站投訴就會叫車長寫文。然後優質服務部一定會叫司機上六 ...

飛站一定要面見？你規定嘅？大把人收到飛站投訴唔使見喎

31061689 發表於 2020-12-7 00:44
係咪條友唔記得/遲㩒鐘咋?

在豐力樓試過揮手該巴士但被大型車輛擋住視線導致飛站都屢見不鮮

你覺得會扣安全獎金係咪即係認為（或覺得巴士公司認為）飛站好危險？

ryumew 發表於 2020-12-7 06:07
在豐力樓試過揮手該巴士但被大型車輛擋住視線導致飛站都屢見不鮮

所以唔明點解當日個上車鐘係set喺畢架山  因為畢架山（往新西）得兩線 巴士好少可行快線 只不過佢喺慢線有冇做定要停站既慢車準備

但豐力樓（不論東西行） 架車係keep住行中線 只要司機完全見唔到客等 就連慢線都唔會埋 莫講埋站  所以見過有人怕曬匿喺柱後面 咁就。。。。。（因為架車喺中線 ，東行直情有劃線唔准入番巴士站）

好在 畢架山個鐘都冇左  但其實真係需要


但見到宜家八成乘客都唔截車 有一成截車個手勢根本唔似截車  所以我諗飛站投訴都變得太平常