葵青區議員就荃灣經青衣出中環及青衣至觀塘試航

https://www.facebook.com/watch/?v=1276796562683917

來源：冼豪輝Facebook

他們租了一隻大飛去試航，青衣至觀塘的時間需要45分鐘；荃灣經過青衣（中途停留10分鐘）出中環需要34分鐘。

其實我覺得他們使用大飛去試航是有誤差，應該租快船去試。
另外其中一位議員說珀麗灣可以有中環航線則突顯他的無知，完全不知道珀麗灣至中環航線存在是因為地契要求及之前珀客想cut班次。

維港有限速，用甚麼飛的時間不會相差太遠。

發下夢就好,個個月肯定蝕百萬

ccicoltd 發表於 2020-12-17 00:55
維港有限速，用甚麼飛的時間不會相差太遠。

其實佢地模擬的幾條航線﹐全部都在限速區之內。

避風塘內就一律5海浬。
觀塘至銅鑼灣(大約位置) 以及 荃灣至昂船洲大橋(大約位置)  限速 15海浬。
昂船洲大橋(大約位置) 至 中環/銅鑼灣(大約位置) 限速10海浬。

即係﹐如果跟足限速去做測試﹐唔計一小段避風塘位置﹐全速的航速就係10-15海浬。


佢地完全無講航行速度﹐但係我就對他們得出的結果有點懷疑。
我記得當年油記飛翔船由荃灣去中環(經青衣)﹐昂船洲/西九未填海﹐航線比現在短﹐都大約要30分鐘﹐青衣去中環大約20分鐘。
佢地做到34分鐘﹐我真係有懷疑。


另外﹐影片入面提及點解想復辦渡輪﹐主因係MTR的載客容量問題。佢地只係知道大嶼山會加車站﹐有新人口進駐。
不過﹐佢地完全無提及的事就係東涌線有排都未到設計上的最高班次﹐只是MTR 一直無投放資源在東涌線﹐無買新車及其配套﹐令到一直都無再加班﹐永世做唔到6分鐘以內的班次。
又因為與機場快線共用路軌﹐以為共用問題而令到東涌線已經到最高班次限制。

實情當年設計最高容量﹐係每2.25分鐘一班車過青馬橋﹐青馬橋就係成條線最主要的樽頸位。
原設計就兩線 1:1進出大嶼山﹐即係大家都係 4.5分鐘就一班車入大嶼山。
東涌線就2.25分一班車﹐隔班車以青衣及東涌做總站。
以機場快線多年來的載客需求﹐未來有需要的情況下﹐有條件將過橋的比重(配額)轉給東涌線﹐進一步增加東涌線進出大嶼山的班次。


雖然﹐現在已經同當年的設計情況有所不同。
例如加了南昌/欣澳站﹐但係一點可以肯定﹐現時仲有能力去大幅提升班次﹐只係時機未到。

我就頭盔mode﹐我又唔敢講一定唔會重啟渡輪服務。
MTR 東涌線飽和令到青衣要向渡輪打主意﹐增加一條新路去市區。
特別係點都會有青衣車的存在﹐當青衣車存在的情況下﹐青衣的載客量點都有 "包底"﹐差極有限。
換句話說﹐MTR唔夠車載這個原因﹐應該未來10-15年都唔會成為主因﹐除非MTR依舊不肯投資/有其他技術性問題/成條東涌線有重大轉變/...........。

如果按以前坐交通船經驗,西環碼頭入荃灣西半個鐘,但換成天星既,一定做唔到呢個時間,問題係一部巴士一日成本近5000,總站無客都有流水,船係點對點,無客就無客,中途停站又大幅增加時間,鐘意船都唔係咁玩

kei_hk 發表於 2020-12-17 10:09
其實佢地模擬的幾條航線﹐全部都在限速區之內。

避風塘內就一律5海浬。

東涌線+機場線喺九龍至香港都有共用，東涌線可以做到2.25分鐘？
另外，有預留但唔肯落實，咪有等於冇

qunow 發表於 2020-12-17 11:14
東涌線+機場線喺九龍至香港都有共用，東涌線可以做到2.25分鐘？
另外，有預留但唔肯落實，咪有等於冇 ...

2.25分鐘係當年立法會文件講的。
所以﹐以原設計就算做唔到2.25分鐘﹐相差都唔會太遠。

西隧一段﹐雖然都係共用﹐但係入面可以慢車/停車﹐同一時間原則上無限列車數目。
青馬段就唔多同﹐有列車數目限制。

現時只係無足夠的車﹑需要提升訊號系統﹑提升供電系統﹑車廠配套等。

kay 發表於 2020-12-17 10:52
如果按以前坐交通船經驗,西環碼頭入荃灣西半個鐘,但換成天星既,一定做唔到呢個時間,問題係一部巴士一日成本 ...

現在起碼有四個區議會想有船，增加交通選擇：
南區、葵青、西貢、屯門

現在只是南區獲得政府回應，其餘多數被運輸署撥冷水。

說真，即使恢復營辦，有航速區限制及船的用油成本高，加上師兄你所說的因素，也會令營運增添困難。

如果不開這些航線，議員只會繼續爭取，開得成的話我估計也是落入CKS手。

好多個平台上船同其他交通工具都係比下去，一部巴士一日嘅營運成本都係$2000，但一架船肯定唔止

1. 方便程度

其實成個青衣得好少住宅係近青衣碼頭，只有翠怡，海悅，海欣，宏福一帶係比較近碼頭，其他山上住宅同埋青衣北都唔近青衣碼頭，要駁多程車轉船嘅話，根本冇乜誘因咁做

此外，中環碼頭同核心商業區嘅距離相差好遠，到時落咗船咪又要步行大約10分鐘出去中環或者駁多程車去金鐘/灣仔

試問咁嘅情況之下，有咩乘客會坐兩程車，甚至三程車，而放棄東涌線或者948/42C 系列？尤其948同X42C 都逐漸提升緊服務，拉長服務時間，乘客好難會抗拒一程直車嘅體驗，尤其係嗰兩條線都分別會直達中環/觀塘核心商業區

2. 票價

先講來往觀塘，42C/X42C/東涌線 都係做緊大約$10-15 嘅水平，但船起碼都會收$25-30，又點樣吸引人去坐呢？

來往中環方面，948 做緊$17，地鐵仲瘋狂，平幾蚊咁滯，一程船應該大約都會收$20-25，真係好難吸引啲人去坐⋯⋯

3. 時間

無可否認，渡輪時間非常穩定，但係咪真係快呢？

去觀塘要45分鐘，算係不過不失，某程度上甚至有機會快過巴士/地鐵，但當計算埋由碼頭行返出去工業區嘅時間，其實兩邊就打和，渡輪只係贏好少嘅穩定性

去中環要25-30分鐘，呢個時間其實真係唔算快，948 同埋地鐵甚至比呢個時間更加快，況且西隧同埋西九龍公路嘅穩定性其實都好高，渡輪都能好難打得贏948/地鐵，再加埋接駁渡輪嘅車程之後其實冇乜優勢

4. 舒適度

相信去到呢度，大家都應該估到渡輪嘅潛在客源只有青衣碼頭一帶嘅住宅，但其實佢哋去翠怡上X42C/948 其實實有位坐嘅，所以兩邊都打和

至於東涌線，無論遲啲大嶼山有幾多發展都好，始終都會保留返青衣特車，因為唔咁做嘅話冇可能達到東涌線嘅最高乘載度，所以青衣都唔使驚冇位上，就算舒適度爭緊啲，相信各位居民都寧願坐巴士，唔會坐渡輪，因為方便好多

縱觀上述咁多個因素，渡輪喺青衣根本冇乜空間發展，反而屯門就其實更有空間

反而可以考慮喺北橋加設轉車站，兩邊同時可以接駁青衣城一期同二期嘅通道，方便居民放工可以去商場買嘢再返屋企，而且地鐵站一帶都有更加多巴士服務

ATENU364TC196 發表於 2020-12-17 12:35
好多個平台上船同其他交通工具都係比下去，一部巴士一日嘅營運成本都係$2000，但一架船肯定唔止

1. 方便程 ...

觀塘船 VS 42C ﹐又唔係完全無得做。

要知道下繁觀塘道的交通情況﹐唔係日日都叫做 "行得"。
再加埋龍/呈翔道﹐船就相對可靠得多。

但都係一句﹐要有收費 及 實際航行時間/班次﹐才可以真正比較。


荃灣青衣去港島區﹐真係不用多想﹐點都無陸路交通的優勢。