過海路線101X改路消息

Ohm 發表於 2021-1-12 11:42
既然講緊早繁，行告士打道又點樣快過灣仔道30分鐘，101由紅隧港島出口到置地根本就唔使30分鐘，同埋早 ...

我講緊紅隧口巴士站。

你試吓係紅隧口上 101、111 去高等法院，就算我九點幾都要 35 分鐘先去到金鐘，中環都未到。
搭 115 紅隧口 15 分鐘鬆少少就到皇后像落埋車。

上面紅隧口非繁 45 分鐘先到上環，只係兩個星期前既下三點 101，時代仲要唔塞，死未。

dennis28a 發表於 2021-1-9 05:08
8 點半至 9 點九展搭 215X 98D，
九展開車 20 分鐘後仲係歐化，當中有 15 分鐘又係由土瓜灣街市塞去歐化。 ...

既然你講到早繁土瓜灣街市去理工彎位可以搞到 30 分鐘咁大鑊，
我又試下搵一朝搭下 101 或者 111 睇下咩事，睇下自從沙中線工程搞得七七八八，仲可以有幾塞。

平治街塞埋站+紅隧車龍+東九龍走廊落橋打大交, 日日都塞咁耐, 反而早少少8點左右係唔塞

dennis28a 發表於 2021-1-12 19:00
依條線係靠行家去做兩繁，做到密一密去吸客。

但日間非繁因為唔想趕客，站頭等 10 分鐘左右要開車，拉上 ...

Not exactly
呢隊車日間中段都有幫車做兩三轉，之後去排第啲站頭，例如鵝頸同糖街
唔係淨係得繁忙時間先搵行家攝
你話官柴生意唔好，但轉 19 座之後有幫助，如果真係咁無生意，即係得繁忙時間嗰一兩轉架 19 座先發揮效用，但車租又貴咗，又有咩幫助
夜更 5765 咪就係換咗十九座 4974 之後生意唔好先轉行揸的士

JX9097 發表於 2021-1-12 10:31
原來柴官都冇乜肉食？
仲諗住黨鐵要爬鰂魚涌站兼轉兩次車
而606系又做到咩咁

除開每部車執得唔多係真嘅，隊車個老細都話有人走，例如轉行揸的士
但絕對唔係「無乜肉食」，真係無肉食嘅話，晚間至凌晨兩點嘅服務大可以唔開

dennis28a 發表於 2021-1-11 22:16
大把人都唔係住喺巴士站隔離。
但問心，創業電車路下繁去 APM 出埋閘，行得幾慢都只係 45 分鐘。

Nonono，錯晒。。
西官嘅車隊問題係十幾年前已經出現，完全無得賴黨鐵同塞車
首先你要知道生意呢家嘢係好飄忽，今日好多客，聽日同樣時間可能拍唔夠客煲極都差兩三個
呢隊人最唔化嘅地方就係差兩三個死煲爛煲，啲行家（例如西環弼街）根本都唔係咁
我自己親身試過差兩三個但喺南雄等差唔多半個鐘先齊腳開車
大佬，本身部車已經夠生意但賴死唔走，啲客咪怕怕囉
想上滿佢唔係錯，起碼佢要識得郁，南雄差幾個咪碌一碌美新樓均益囉，可能有客架嘛，無客咪由佢囉，反正夠錢過海，何必呢
畀呢隊人玩得十零年，啲客直頭聽到「觀塘」兩個字都怕怕，直頭無必要都唔想去，咪無客囉

cong 發表於 2021-1-12 20:12
平治街塞埋站+紅隧車龍+東九龍走廊落橋打大交, 日日都塞咁耐, 反而早少少8點左右係唔塞 ...

問題係弊在橋面、機隧慢車多問題日益惡化呢。
以前 8 點幾機隧有幾可準備塞，橋面早繁 9 點幾龍尾有幾可到煤氣鼓？
橋面越黎越多車係事實，一日比一日離譜。

另一個問題係，平治街塞埋站問題屯馬綫一通，
大把巴士自然人頭落地要大減班，起碼見到曙光。

dennis28a 發表於 2021-1-12 20:58
問題係弊在橋面、機隧慢車多問題日益惡化呢。
以前 8 點幾機隧有幾可準備塞，橋面早繁 9 點幾龍尾有幾可 ...

其實唔係平治街塞埋站，係畀東九龍走廊落橋嘅車頂住哂
而家巴士班次算少啦，但朝早漆咸道北又咪係要由石塘街開始龜速行駛，講真個平均車速真係同大型陸龜無分別
不過反而屯馬線通車，東鐵紅磡站係咪會搬埋落地底？如果係嘅話就可以減少紅隧轉車客，唔使呆等靜候貴賓上車

Ohm 發表於 2021-1-12 21:49
其實唔係平治街塞埋站，係畀東九龍走廊落橋嘅車頂住哂
而家巴士班次算少啦，但朝早漆咸道北又咪係要由石 ...

都係果句，作為橋上既人可以話比你知，點解佢地要頂住條 2-3 線，
就係因為 1 線入蕪湖街既車死都唔讓，大家咪攬炒。

然後咪發生之後既事，落橋爭線，平治街巴士出站爭線，橋上橋底一樣塞車。

你試下禁止東九龍走廊既車左轉入蕪湖街，即係佛光街天橋底 2 線唔比切入 1 線，睇下會唔會立竿見影？
依個政府如果有心，就一早考慮起條支橋由東九龍走廊駁去佛光街落橋斜路，再修改和衷街設計。

無錯，東鐵紅磡站會搬落地底，紅隧巴士線應該果一刻會陣亡。

據了解，巴士公司決定落實改動時，取消停金鐘道分站。

dennis28a 發表於 2021-1-13 00:46
都係果句，作為橋上既人可以話比你知，點解佢地要頂住條 2-3 線，
就係因為 1 線入蕪湖街既車死都唔讓， ...

老實講, 東九龍走廊塞車我係超級開心同好心涼, 但唔可以因為橋上面塞車而影響上路交通, 即係話橋上面可以繼續塞, 而上路係唔可以俾橋上面影響到而塞車
點解心涼? 因為機隧口南行唔俾整巴士站

洗鬼搞咁多, 我同運輸署提議過以下改動好少既建議, 但佢地乜都唔做, 由得d車繼續塞:
1) 蕪湖街東行 近機利士南路交界 1線改為2線, 以避免車龍頂番出上路
2.1) 上路同東九龍走廊交界後加黃格, 過埋巴士站附近再加多一個黃格, 方便車輛可以係塞車時, 用快線cut番出去3/4線(即東九龍走廊1/2線)走人 [Ref:告士打道西行由上紅隧條線, cut去鴻興道咁]
2.2) 黃格加時, 同時加交通燈, 目的同上 [但呢個建議會影響埋非繁車流, 我唔打算做]