21年1月23日起﹐MTR 正式推出QRcode 入閘服務

kei_hk 發表於 2021-1-24 16:06
唔好將提款卡 及 扣賬卡 撈埋一齊講﹐係2樣野。

所以咪話你見識少，好似Citibank咁，扣賑卡即係提款咭，並唔係兩樣嘢

tkglobe 發表於 2021-1-25 10:06
所以咪話你見識少，好似Citibank咁，扣賑卡即係提款咭，並唔係兩樣嘢

運作上﹐在客戶方面好似無分別﹐但銀行層面係有分別的。
不過﹐現在兩者定位上變的模糊係事實﹐甚至視為用一樣產品。


扣賬卡主要都係用信用卡網絡處理﹐但提款卡係會用番自己銀行網絡處理交易的。

另外﹐戶口的條款亦會影響到相關戶口是否可以應用於扣賬卡。
所以﹐只要你合資格就會sell 你開綜合戶口﹐唔會sell你開基本的儲蓄戶口。

變相更簡單講﹐提款卡就係供最基本的儲蓄戶口用﹐而扣賬卡係供多功能的綜合戶口使用。



所以﹐扣賬卡可以直接用信用卡網絡作簽賬/提款﹐覆蓋層面及應用層面就自然大得多。
但提款卡只能夠在銀行自家網絡做提款﹐或與相關銀行有協議的網絡提款類別的附加功能(eg. PPS/EPS)。

kei_hk 發表於 2021-1-25 11:08
運作上﹐在客戶方面好似無分別﹐但銀行層面係有分別的。
不過﹐現在兩者定位上變的模糊係事實﹐甚至視為用 ...

咁你又錯啦，提款咭亦都唔係跟返自己個銀行網絡去處理，香港都係得兩個機構處理，一係滙豐，一係銀通，亦唔係提款咭供儲蓄戶口，扣張卡供多功能戶口，而係視該銀行用邊個結算機構去處理，就以Citibank為例，該行提款咭係用master系統處理，所有提款咭亦可當扣賬卡使用，喺海外提款，亦都係經master處理，其實將來好大方向係提款咭同扣賑卡會合二為一

tkglobe 發表於 2021-1-25 11:47
咁你又錯啦，提款咭亦都唔係跟返自己個銀行網絡去處理，香港都係得兩個機構處理，一係滙豐，一係銀通，亦 ...

咁我精準一點去講﹐係銀行自己建立的網絡﹐包括與其他本地銀行合組建設網絡﹐即係你講的匯豐恆生及銀通。

扣賬卡需要經非銀行自己建立的網絡處理交易﹐即係VISA/Master。


至於海外使用方面﹐提款卡只能用ATM機﹐係會借用VISA/Master的網絡的。
而扣賬卡就除左用ATM機之外﹐仲可以直接銷費﹐係有分別的。


將來會唔會用晒扣賬卡取代提款卡﹐因素好多。
包括銀行要支付如VISA/Master這些公司的交易手續費﹐銀行戶口類別(條款)等因素。

全新銀行就因為要建立/join 本地ATM 網絡成本 與 join visa/master 網絡做扣賬卡做比較﹐佢地識得衡量成本效率﹐唔出提款卡而只出扣賬卡。
但老牌銀行就唔同講法﹐考慮因素多得多﹐要照顧的客戶層亦大得多﹐自己又有ATM網絡﹐就未必會全面轉晒用扣賬卡。

kei_hk 發表於 2021-1-25 12:23
咁我精準一點去講﹐係銀行自己建立的網絡﹐包括與其他本地銀行合組建設網絡﹐即係你講的匯豐恆生及銀通。 ...

其實你知唔知提款咭都係經第三方公司處理結算，銀行自己係冇網絡架，即係如果揸住張渣打嘅提款咭去渣打嘅提款機提款，其實條數都係經銀通去結算，其實只係在於銀行參與邊間結算公司而已，匯豐已經開始先係綜合戶口行緊，將來好大機會成為趨勢

tkglobe 發表於 2021-1-25 12:41
其實你知唔知提款咭都係經第三方公司處理結算，銀行自己係冇網絡架，即係如果揸住張渣打嘅提款咭去渣打嘅 ...

包括與其他本地銀行合組建設網絡


銀行係有自己網絡﹐亦有透過其他銀行(機構/組織)進行聯網(eg. 銀通)﹐以達至跨行提款等服務。



至於扣賬卡係唔係會全面取代提款卡﹐我上面都講出﹐好視乎銀行自家安排。
如果銀行要照顧埋一些唔符合用扣賬卡的客戶﹐提款卡就點都會存在。


例如﹐未成年客戶可能受監管條例所限﹐只能有開設最基本的儲蓄戶口﹐就唔能夠提供扣賬卡給予這些客戶。



唔想再爭論下去﹐但提款卡及扣賬卡實際上係2樣野﹐只係現今市場令到兩者出現模糊化﹐視為同一樣的產品。

kei_hk 發表於 2021-1-25 12:23
咁我精準一點去講﹐係銀行自己建立的網絡﹐包括與其他本地銀行合組建設網絡﹐即係你講的匯豐恆生及銀通。 ...

老牌銀行其實已經全部轉晒做扣帳卡
只係係銀聯network 咁解

近2年換既新卡會有埋閃付功能