青衣來往屯門西北一帶

ATENU364TC196 發表於 2021-1-3 14:15
若果63M 復辦，但只到洪福，並改為葵芳站開經翠怡，青衣站，西路上汀九橋又得唔得呢
...

葵青段冇大意見，但屯元段就算唔去元朗站，起碼都應該去元朗西啦，有乜理由只去洪福

ATENU364TC196 發表於 2021-1-3 15:38
其實唔使做IVE 都得掛，有青衣站，翠怡+葵芳就應該夠客

其實 IVE 先怨得最多年無直車返屯門嗰個
而且葵芳客見你兜青衣都未必肯搭，經荃灣都只係 10 分鐘，經青衣邊止 ...
除非你屯門有獨市位 ...

kingprowm 發表於 2021-1-3 15:39
葵青段冇大意見，但屯元段就算唔去元朗站，起碼都應該去元朗西啦，有乜理由只去洪福

元朗客行大欖都唔會同你兜屯公啦
而且擺洪水橋可以等唔知幾多年後發展搬入去

樂仔〞 發表於 2021-1-3 15:42
其實 IVE 先怨得最多年無直車返屯門嗰個
而且葵芳客見你兜青衣都未必肯搭，經荃灣都只係 10 分鐘，經青衣 ...

我諗如果63M 咁行嘅最大優勢應該係行車時間穩定，尤其係下午繁忙時間光輝圍一定塞車，有時塞起上嚟都好可怕
汀九橋嗰邊自從屯公汀九橋匯入位重新劃線之後，車龍都短咗好多

況且葵芳去藍地打後其實都算係獨市生意，應該都會有人坐

可能呢條延長版嘅新 63M 可以試吓繁忙時間雙向服務先，再視乎情況拓展至全日服務，68A 喺63M 服務時間期間就喺荃富街掉頭，不入青衣

至於IVE 客，俾個42A/249X<>63M BBI 佢哋，俾佢哋喺長亨/青華苑轉車，應該仲好過要漫遊青衣島

ccchhhuuunnn 發表於 2021-1-3 15:05
其實唔係嫌佢貴，係嫌佢慢

睇你著眼點係屯門定青衣啦

樓住都有提及過屯門醫院冇屯轉線，要行一段路先有，亦都有提及青衣轉極都係得68A，而68A唔密等等嘅問題

又，就算開一條經屯轉，汀九後直落青衣嘅巴士線，若然只係行返青衣西路，咁半個青衣依然同而家一樣要轉車先到

又或者咁講，如果有返轉乘，就算慢少少乘客或多或少都會受落啲

ATENU364TC196 發表於 2021-1-3 15:50
我諗如果63M 咁行嘅最大優勢應該係行車時間穩定，尤其係下午繁忙時間光輝圍一定塞車，有時塞起上嚟都好可 ...

青衣中/碼頭一帶衰衰地仲可以行去機鐵站搭68A，青衣南係乜都冇
改完都仲係乜都冇，連屎都冇得食... 咁不如唔好改啦

況且未來青衣人口增加最多嘅地方，正正就係青衣南同青衣西

如果洪水橋不如咁將全條268M 改做洪元路-青衣站 洪水橋 大馬路 谷亭街 欖隧 屯公 荃灣 大窩口 葵興/芳 新都會 北橋 青機 回程 青機 北橋 葵芳站 葵芳邨 耀榮里 大窩口 荃灣 欖隧 谷亭街 同樂街 屏山 返洪水橋全程11.1 眾安街-洪元路10.1 荃景圍天橋-青機5.1 欖隧後-洪水橋4.3 班次跟72X 全日10-15分鐘一班

10598C 發表於 2021-1-3 16:10
青衣中/碼頭一帶衰衰地仲可以行去機鐵站搭68A，青衣南係乜都冇
改完都仲係乜都冇，連屎都冇得食... 咁不 ...

青衣中/碼頭 改完之後繁忙時間會有63M 去轉車站，至於青衣南，其實就算架車兜埋去嗰度，如果之後仲要兜青衣北嘅，點都係慢，倒不如俾個BBI 佢哋轉車
依家青衣南嘈嘅原因係因為坐巴士嘅話，坐完249M，轉68A 仲要兜荃灣先去到轉車站，所以先覺得唔方便，但如果俾佢哋可以坐42A/249X 之後喺西路轉車直去轉車站，感覺都好好多

始終青衣新界線客倉都係青北，青南人口太分散，去屯門有幾大需求依然係一個問號

ATENU364TC196 發表於 2021-1-3 16:22
青衣中/碼頭 改完之後繁忙時間會有63M 去轉車站，至於青衣南，其實就算架車兜埋去嗰度，如果之後仲要兜青 ...

其實要青南班客去西路轉車，班客就會搭返小巴落葵芳轉 M 線
咁即係得物無所用，同而家無分別
而且屯轉新界線唔包第三程轉乘，你咁樣叫人轉即係玩人啫

樂仔〞 發表於 2021-1-3 16:25
其實要青南班客去西路轉車，班客就會搭返小巴落葵芳轉 M 線
咁即係得物無所用，同而家無分別
而且屯轉新界 ...

青衣南去西路轉車落到轉車站都係20分鐘嘅事，搭小巴落葵芳轉車嘅話都可能都只係啱啱到大窩口，所以應該係會有優勢，況且唔係條條M 線都去到葵芳~
至於轉乘優惠，事在人為嘅啫，279X 轉元朗線 可享有回贈都做得出，呢個點會做唔出

如果IVE 真係有客嘅其實兜一兜美景迴旋處停一停青桃樓都唔係太大問題，但始終IVE 嗰邊唔同青北，冇太大嘅客量保證，分分鐘都係得小貓三幾隻，可能停完青桃樓，啲學生都寧願去西路轉車⋯⋯