我都唔明，無啦啦搞乜__野大帝......
以往喺度見到呢個term係形容緊啲死霸爛霸、一車都不能少，仲要明明已經有好豐富交通資源都要喉住鄰近地區果啲嘅人或組織。如果你話富安容議員係，我冇意見。但係咪代表大水坑居民都一定係呢？咁人地見雙D又快又密，正常揀坐唔出奇。作為既得利益者，想人地放手，係咪應該要提返啲有誠意少少嘅建議？我絕對贊成成堆mos對外線要重組，都知道唔加車必然有好多限制，幾乎一定有人會有損失。但至少，個方案唔應該係幾年前281X/87D咁樣cut車法嘅重組掛？
你問富安錦泰居民，減咁啲你樓下嘅車，最多保證淨低嘅車唔會慢過以前(eg 經一城281X vs 87D, 提速89C vs 89D, 43X vs 40X)，你估佢地會唔會制？十個入面九個半應該會反對，淨低半個應該係唔坐巴士嘅。佢地冇用行動支持87D/89D/其他路線咩？又唔係。早繁你可以大條道理話耀安後頂閘再停站都上唔到，但非繁要人地支持你個方案的確唔容易。所以由此到終個重點只係容議員完全唔肯妥協嘅態度乞人憎，佢係保護緊居民利益但唔顧全大局，食相唔好睇，但呢樣野同大水坑居民關係不大，除非你覺得居民會因為呢樣野踢走個議員。
講返第一城，人地入伙果陣已經知自己位置靚，條大涌橋路同小瀝源路、以至沙田路同大埔公路又唔係近期先起。河東正常出市區路線做得廣源就做唔到濱景(82X除外)，做得廣源可以順便做埋愉田愉翠，咁濱景一帶邊個做？唔夠獨立成線咪唯有叫馬鞍山做埋。除左682D，停得濱景就順便停埋第一城，單喺外圍停個站對車程影響得幾多？無論個站出唔出到客，都justify到設呢個站係合理嘅。以往任何會令第一城少左車嘅重組，例如87D變281X全日變相減班、82X/84M合併，第一城有代表呱呱嘈死攬每一架車咩？我唔係好覺，至少冇容議員咁煩。
仲有一樣野，第一城就好大嘅，連屯馬線個站都唔係好近唔少座數，人地撐得起咁多條線，你吹佢唔漲。以出荃灣為例，係人都知43X最快，但君不見停內街但入沙中嘅49X喺第一城冇人上落。你話唔夠客就cut班cut線姐，但眼見第一城嘅專利市區線除左講左重組好耐嘅89C, 182非繁, 84M, 85A全日之外，其餘客量都至少見得下人。
你可以話86C利安坐7個字先上到獅隧好慢，但另一邊廂86黃泥頭上又何嘗唔係7個字先入獅隧？唔通廣源又話沙中甚至新田圍係大帝？隨便質個罪名落人地度容乜易，但對改善件事唔見得有咩幫助，要針對嘅倒不如針對巴士公司嘅方案，或者係個別議員嘅態度。
多言了。
| 
不過我都唔輸蝕，一出世住公屋
